تجمع طلاب University of Alberta

لوفر ،

< ما راح تحصل لك

< ممكن تحصل لك إذا سجلت الحين في كلية فهد .

< جندي في الحرس و إلا الحدود .. ممكنة جدًا .

< شكل ربع الماستر آخرتها بيصرون كذا ، و الله المستعان .

السلام عليكم

بالامس كان فيه احتفال سنوي والمسمي ب Canada day يعني اليوم الوطني لكندا ( يحتكون بالسعوديه)
المهم
كانت فيه جوله من الظهر الي الساعه 12 بالليل ( الله لا يبلانا)

ما ودي اني اطول عليكم وراح ابداء علي طول بالصور

في ال Downtown كان فيه مخيم دعوي .... لا اقصد مخيم مادري وش اوصفه بس شوفوه






وهنا بعض الحرف الطينيه ( قايل لكم يتلصقون بالجنادريه الله يذكرها بالخير )



شغل علي الهواء مباشره



وعلي ان الجو كان حلو بس العالم ميته حر ولا ان فيهم شفقه للسباحه



وهذا مدخل المخيم من الجهه الثانيه ويلاحظ تواجد العوائل مع اطفالهم للاستمتاع بجو الصيف العليل ( تذكرت ماده التعبير اول متوسط . ماذا فعلت بالصيف )




ولابد من حظور الفرق الموسيقيه



وهنا بعض الخيام لبيع الماكولات والمشروبات الصيفيه ( شورما وفلافل وحمص وفول ومطبق ) امزح لاحد يصدق.


وهذي باصاتنا ( ابو سرهد علي غفله )




وهذا واحد من الشباب يطالع في الرسم الفني اللي تحت ( ومادري مين اللي محلي الصوره اكثر هو ولا الرسمه ) ( عندك سلف )


بعدها رحنا الي مكان الحكومه وهو المكان المقرر لاعمال الالعاب الناريه واخذنا هذي الصور

العالم لعب وتسدح وحش


صوره للجسر الرابط بين الجزء الشمالي والجنوبي لادمنتون



صوره لمبني الحكومه


وهذي من بعيد شوي والعالم ما تصدق فيه مويه الا علي طول سباحه



وبعدها بداء في نفس الجسر اللي شفناه قبل صورتين ، شلال صناعي( يعني بالقوه نبي شلال)



صور من بعيد للغروب والشلال الصناعي


وايضا


وكان الغيم في ذاك الوقت له نصيب من الصور بعد

صوره للغيم وقبه مبني الحكومه


والطيور كانت مشاركه في هذا المهرجان بعد



وكل واحد يحاول يحجز له مكان من بدري علشان يستعد للالعاب الناريه



وبعد الغروب والناس في انتظار بدايه الالعاب الناريه


قووووووووووووف طع ، بدت الالعاب الناريه وبقوه













وبعدها ديورنا علي البيت علشان نتعشي وننام بعد ازاعج الاعاب الناريه وازعاج السيارات والزحمه والحوسه

وسلامتكم

اخوكم . ابو عبدالكريم

نعم أسهل بس جماعتك طالبين خبرة سنتين ... وانت عارف أنه الـ CV حقي تقول دفتر كشكول

ما فيه خبرة ولا شيء >> ما يدرون الجماعة أني لو أمسكت بزمام الامور عندهم راح أخليهم في

مصاف الدول المتقدمة .

وبالنسبة للذبائح أنا عند كلمتي بس أنت نقي تبغى خنازير ولا فئران >> يمدحون الفئران الايام هذه

نحن ... وانت شخص واحد !

أصلاً ما شاء الله تبارك الله اللي يشوفك من بعيد يقول قروب إيرانيين طالعين عمرة .

لعلمك ترى أنا موهوب بالفطرة ولله الحمد .. وصدى كلماتي أصبح يرددها الأعجمي قبل العربي

حتى أطلقوا عليه لقب العندليب .. << بسم الله عليه

بس يا خوفي عليك يا سلطان أنك ما تبدأ الدراسة الا السنه الجايه ... عاد بعدها أعتقد بتصير زي ذا الشايب

مهستر .. ويصير الناس يطلقوا عليك بـ (إمبراطور الرقص) !




ملتقى الحفلات والمناسبات ثاني لفه على يدك اليمين

السلام عليكم ورحمة الله وبركاته
إن شاء الله إني جايكم بعد شهر، وشايل هم السكن لأني قدمت على سكن العوائل في الجامعة من شهر ونص ويقولون الى الان ما فيه امكانيه ويمكن الموضوع يطول لان فيه انتظار كثير، فيبدو اني راح اظطر واسكن خارج الجامعة، لذلك احتاج لشوركم من ناحية المنطقة المناسبة لسكن العوائل والتي راح تكون قريبة من الجامعة ومن اخوانا السعوديين وكذلك الايجار المناسب، وهل هناك وقت كافي للبحث عن السكن اذا جيت قبل الدراسة باسبوعين.
وشاكر لكم تعاونكم مقدما ودمتم،،،،،

السلام عليكم
مين تخصصه مختبرات طبيه ماستر يقدر يساعدني
انا عبيت ابليكيشن التقديم على الجامعه
بس ماعرفت نوع البرنامج؟؟؟؟
هل اختار
master of science(crse ) medical science?????/

الهقوة إن ما راح أبدأ إلا السنة الجاية و السبب ( من مشى مع القوم صار منهم ) ..


و إلا ؟

سلطان ما يبغالها ..

أرجع الرياض وأشتغل تاكسي إلى أن يفرجها ربك ..

والشغل مو بعيب وأنا أخوك ..

أخوك
عمدة أدمنتون

وعليكم السلام ورحمة الله وبركاته ..

توصل بالسلامة ..

السكن متوفر لكن بشرط مايكون معك أطفال ..

لأنه أغلب العمائر مايقبلوا أطفال ..

وإن شاء الله أسبوعين كافية وزيادة للحصول على سكن مناسب ..

بالتوفيق..

أخوك
عمدة أدمنتون

وبالنسبة للذبائح أنا عند كلمتي بس أنت نقي تبغى خنازير ولا فئران >> يمدحون الفئران الايام هذه

والله اللي تأكل منه ويجي منك عن طيب خاطر مانقول لا عليه ..

والجود بالموجود ..

إذا أنكم تكرموا الضيفان بذبائح فئران فما عندك مشاكل ..



نحن ... وانت شخص واحد !

أصلاً ما شاء الله تبارك الله اللي يشوفك من بعيد يقول قروب إيرانيين طالعين عمرة .


(نحن) تطلق على الشخص الواحد إذا كان ذو مكانة عالية بين الناس ..

ماعمرك شفت الخطابات الملكية إيش مكتوب في أخرها ..





[/QUOTE]


إلا القطو كان هنا وراح يطرد وراء فأر يتغدى عليه ..

وجبة هنية يالقطو <<<<< قصدي يالعندليب ..

مع تحيات
عمدة أدمنتون

أقعد أمسك خفارة عند الهندي ومطعم كبسة وبعدها تبكبك و قول القوم ومدري أيش هم اللي ضيعوا مستقبلي

و والله إن القوم بريئين منك براءة الذئب من دم يوسف .!


أنت عارف أني multi-culturas وهذا ناتج من إختلاطي مع الشعوب

أضف الى ذلك أن اخوالي فرنسيين

وترى عندنا في باريس نكرم الضيف على وجبة ضفادع

فأنت أحمد ربك أني قلت لك فئران

همسه : وجبة الفئران في باريس زي وجبة البعارين في الرياض !

قصدك بناية عالية .

شوف هذا آخر خطاب ملكي .. ولا فيه نحن ولا فيه هم .. بس أنت موسوس !





اللي ما يطول العنب ... حامض عنه يقول

وأيش سويت أنا فيكم << يا معذبهم ... يا مجننهم ... يا قاهرهم .. من أولهم إلى آخرهم

إنه العندليب يا ساده وكفى ... ولا عزاء للحاقدين !