تجمع طلاب University of Alberta

السلام عليكم
بس تنبيه علي عجاله /

كل من يبي يجي الي ادمنتون في شهر May ابو بعده ، لازم يحاول انه يدور له سكن من الان ، لا ني ومن تجربتي الاسبوع الماضي بالدوران علي المساكن والبحث عن سكن لي . تبين لي ان اغلبيه المساكن الممتازه ( مكان وسعر ) محجوزه الي سته شهور قدام ، ولا تحصل شي بس يطلع غالي جدا . ولا يسوي. طبعا فيه مساكن رخيصه بس تكون في امكن غير مريحه وامنه ومزعجه .
ان شاء الله ابي انزل خارطه توضح الاماكن الزينه والاماكن الغير مرغوب فيها ، بس في الرد الجاي ان شاء الله لاني ماشي الحين .
وسلامتكم

اخوكم / ابو عبدالكريم - رحال الديره

مررررررررررره مرسي أخوي رحال على الرد ,,,
وادا على كلمة بليز عادي متعوده عليها ,,, بس لايجي في بالك إني خطيره بالانقلش
وياناااااسو عليكم حبايبي روزان و أنين وربي حسستوني إني مرررررررررررره مهمه
وان شاء الله نجتمع على خير يارب .... ونكون أخوات في الغربه

والله من جد!.....
مافي بيوت!
اخاف اقعد انا وعائلتي الكريمة في الشارع!
انا قرأت ان الاقبال على هذي المدينة صار كبير لأن الفرص الوظيفية عندهم كثيرة...
وبالتالي فيه ارتفاع في اسعار السكن...
طيب احنا في انتظارك تقول لنا الأماكن الزينة علشان نعمل حسابنا ...وربنا يوفقك على مساعدتك لاخوانك <<<طلعت احسن من النادي السعودي حقهم


طيب يا أخوي بغيت اسألك عن بطاقة الماستر كارد هذي تكفي ولا لازم نحول الفلوس على البنوك الكندية ...ولا ما ذا نفعل؟؟؟<<<< خاصة ان الوزارة متبرية مننا في الشهور الاولى وحيقوم اهلنا الله يرزقهم ويصرفون علينا


معليش كمان سؤال <<<<ياكثر اسئلتها
بالنسبة للكهرباء يمشي الحال اذا جبنا اللاب توب والمكواة حقنا من السعودية؟
ولا لازم محول كهربائي وما ادري ايش؟؟



وبالنسبة للفيش ايش رايك بهذا الفيش يفي بالغرض؟ولا لأ؟



والفتحات اللي في الجدر ثلاث ولا اثنين I I
فيه موضوع كان منزله الاخ اخلاق عالية أي واحد فيهم هو اللي موجود عندنا<<<في ادمنتون


هذا او الآخر


وجزاك الله خير وسهل امورك يااارب ...وان شاء الله تكون معلومات مفيدة للي معانا وللزوار

السلام عليكم جميعا

الجواب ما تري ما لا تقراء



وش مكتوب NO VACANCY

الماستر كارد تمشي الحال ، بس في بعض الاحيان تحتاج الي الفيزه كارد . وهي سهليه يمديك تطلعينها من البنوك السعوديه بطريقه مسبقه الدفع ،
واذا وصلتو الي هنا بالسلامه ان شاء الله لازم اول شي تسوونه تفتحون لكم حساب في البنك عليشان رواتبكم تنزل عليها ،

الافياش المستخدمه في ادمنتون هي



وانا جايب معي من الرياض تحويله ايتعملها سعرها بالرياض ب ١٠ ريال وحصلتها في ادمنتون ب ٤٠ $ دولار



وهي استعملها في كل سفراتي لاي نوع من الافياش في اي منطقه


اخيرا خريطه السكن في طور الاعداد اصبرو لي شوي

اخوكم / ابو عبدالكريم - رحال الديره

رحااااااال الديرة تراك خوفتني

يعني حأسكن انا واهلي في الشارع؟؟

وبعدين وانا اختك وش ذي الأفياش؟ شكلها غريب
هذي من فين نجيبها؟؟؟

يوه نسيت يا اخوي اشكرك من العجلة لأن وقت الصلاة دخل

تسلم على الصور وجزاك الله خير

سلام لكم جميعا

انحرجت والله بترحيبكم فيني والله يجعلنا اخوان وعون لبعض هناااك
احد عنده موقع المعهد باخوان ياليت يعطيني اياه
لكم منى ارق تحيه
اخوكم ابو عبدالله

السلام عليكم

بالنسبه للسكن ما اقول ما في سكن ، لا فيه سكن بس بصعوبه تحصلون علي المناسب بالسعر والمكان ، ولا اذا تبي تدفع علي الغالي تحصل، ولا تحصلون رخيص بس في اماكن سيئه .
بس ابي اوصل معلومه كل ما عجلتو في البحث عن سكن كل ما حصلتو شي طييب


بالنسبه للافياش تتحصلونا في الكترو ولا اي من المحلات الاكترونيات الكبيره وفي جرير


اخوي عبدالله حياك ربي وبياك وجعل الجنه مثوانا ومثواك ان شاء الله .
بالنسبه لموقع الجامعه يختلف عن موقع المعهد
موقع المعهد هو
http://www.extension.ualberta.ca/faculty/index.aspx

بينما موقع جامعه البرتا هو
http://www.ualberta.ca/

وخل نشوفك

لي عوده قريبه ان شاء الله

االسلام عليك ورحمه الله وبركاته

مثل ما وعدتكم اني ابي انزل اماكن السكن اللي ينصح فيها في ادمنتون ، بالاعتماد علي البعد عن المعهد والجامعه .
اول شي علشان تعرفون كيف طريقه التعامل مع العناوين المكتوبه للسكن وماذا تعني الارقام والحروف في العنوان ،

مسميات الشوارع في ادمنتون تنقسم الي قسمين
١- الشوارع المتجهه من الشمال الي الجنوب والعكس صحيح تسمي ST
٢- الشوارع المتجهه من الشرق للغرب والعكس صحيح تسمي AVE


فا مثلا اذا صار عنوان المكان هو
34535 67ST
معناها : ان المكان هو علي شارع 67ST
واقرب شارع يتقاطع معه هو شارع 34Ave (وهو ماخوذ من اول رقمين في العنوان )
ورقم المنزل او العماره هو : 535 ( اخر الارقام الموجوده )

ونفس الشي اذا كان مكتوب علي Ave

هذي لتسهيل عمليه البحث في الخريطه


ادمنتون متعارف عليها انها مقسمه لجهات اربع (N-S-E-W) وهذي بحكم وجود النهر القاطع للمدينه .فما هو فوق النهر هو شمال

ومقسمه المدينه الي ضواحي وهي مبينه بالخريطه التاليه



موقع المعهد في السنتر ( CENTRAL )


وهنا المكان المكتوب فيه الداون تاون هو نفسه مكان المعهد




طيب لو تتابعون معاي الحين علي موقع القوقل ماب (maps.google.com)

راح تشوفون هذي الخريطه




راح تشوفون حرف A هذا هو مكان المعهد باضبط واللي عنوانه هو
10230 jasper ave,edmonton

اسم الشارع jasper وهو الداون تاون في ادومنتون واي شي تحصلونه من السكن حوله ممتاز جدا

الاماكن ممتازه حوله بس غويليه ، تروحون شمال جنوب شرق غرب عنه نفس الشي.
بس!!!!!!
شمال المعهد حدكم الي شارع 104 Ave
بعدها لا تفكرون بالاجار ، يعني بالخريطه لو قربنا زياده راح توضح لنا ارقام الشوارع



المنطقه هذي المظلله ( المعفوسه لا تفكر انك تاجر فيها ) المنطقه مزعجه وغير امنه . وراح تلاحظ ان الاجارات فيها
رخيصه بشكل واضح .

وثاني شي اذا اجرت بعيد شوي عن المعهد لا تقول والله فيه شارع علي طول الباص يمر عليه
تذكر ان الباص ما يمشي مستقيم ، كل شوي داخل حاره يشيل اللي فيها


ثاني شي المنطقه البعيده شوي بس ممتازه جدا هي اللي حول الجامعه
وميزتها المترو ينطلق من عندها يمر عند المعهد بالتمام
وموقع الجامعه هو جنوب النهر مثل ما هو موضخ بالخريطه



والمنطقه هذي ميزتها انها هاديه جدا والسكن فيها نضيف والمسجد الجامعي قريب منها وااااامنه جدا بشكل ما تتوقعونه
وفيه محلات كثيره واسواق قريبه وفيها شارع حيوي فيه كل شي تقريبا وهو 82Ave او اللي يسمونه الوايت افنيو (whyte Ave) وهو الداون تاون الثاني للمدينه من حيويته
واذكر واحد من الشباب ساكن هناك يقولي من الامان اللي فيه انك اذا تبي تطلع بالليل وكنت خايف ، تدق علي شرطه الجامعه يجون يوصلونك الي المكان اللي تبيه ويرجعونك ( طبعا هذا اذا كان مشوارك مشي فهم يمشون معك )
وانا كم مره اصادفهم اذا رحت للسكن الجامعي بالليل واذا شافوك غريب يستفسرون عن اثباتك ،
بالنسبه لي انا انصح وبقوه للمنطقه هذي اللي يحصل فيها اجار لا يتردد ابدا.

باقي الاماكن بعيده ومافيها اي اختلاف

بالنسبه للنادي السعودي فهو موجود في منطقهMILLWOOD

جنوب شرق ادمنتون هي اللي موضحه بحرف A


السكن حولها ممتاز ومتوفر بس عيبه انه بعيد عند المعهد بعد الله لا يوريك ، يعني ما ينفع الا اللي عنده سياره ويبي يتحمل
مصاريف التنقل والمواقف كل يوم ، بالنسبه لي انا ساكن عند النادي ومن تجربتي في التنقل جدا ، المسافه جدا طويله ( الي درجه اني احل الواجبات ولا احفض بعض الكلمات بالطريق) وعلشان اوصل للمعهد استعمل باصين .

هذا اللي عندي الحين واذا كان فيه اي استفسار فانا باخدمه

اخوكم / ابوعبدالكريم - رحال الديره

هلا بالمبتعثين معليش ظولنا عليكم لظروف النت ......................................


جزاك الله خير اخونا رحال الديرة على ما تبذل