السلام عليكم ورحمه الله وبركاته
يا شباب وش عندكم طبيتو ببعض كل واحد يقول بيتي هو الاحسن
اذا بغيتو الجد مافي احد فيكم بيته احسن من بيتي ( وش عنده )
الصراحه لا بيتي ولا بيتكم احسن ، كل واحد عنده ميزات في بيته وعيوب . ومن تجربه لي في كل نوع من انواع البيوت عرفت ان
البيوت البعيده عن المعهد مثل البيت اللي يتكلم عنه اخوي حمود واللي هو عباره عن :
بيت بحوش والسكن يكون في السرداب ( البيسمنت) له ميزات وعيوب
ميزاته : كبر المساحه الخاصه لك ، لك حوش خراجي يمكنك الاستفاده منها ، ممكن نقول اكثر هدووء ودافئ في الشتاء اكثر من غيره . وقريبه من الارض ( ما يحتاج تصعد ولا تنزل )
عيوبه : عاده الموقف حق الباصات يكون بعيد عن البيت ( وذلك بسبب ان البيت يكون في حاره ) وهذا اعتبره عيب رايسي وخاصه في شتاء ادمنتون الطويل والثالج ،
غير كذا عندك الساحه التابعه للبيت او التابعه لك لا بد لك من تنضيفها من اوراق الشجر واذا حولها ممر عام او قراج البيت لا بد لك من تنضيفه من الاوراق والثلج ولا تكون عليك قسيمه ( والتنضيف يومي ) ، والشتاء الماضي اذكر كانت شغله التنضيف حلوه ومزعجه في نفس الوقت ، حلوه انك تشيل الثلج من قدام البيت ومزعجه انك من تخلص من تنطيف الثلج ينزل الثلج عليك مره ثانيه ،
ايضا بما انك ساكن في بيت مشترك او مقسم لاكثر من واحد ( والبيوت معروفه هنا انا من الخشب ) فا راح يكون فيها شويه ازعاج من هم فوقك ( رايحين جايين ) وصوت المشي والدرج .
اما بالنسبه للسكن في شقه :
من عيوبها :
استعمال المصعد وصاعد نازل ولا منتظر المصعد جاء ولا ما جاء ، صغر حجمها مقارنه مع البيوت
وصعوبه الحصول علي شقه للعوائل اللي معهم اطفال . عاده تكون غساله الملابس مشتركه لمن هم في الدور نفسه ،
واما المميزات اللي في الشقه :
ما تحتاج تنظيف ما هو مقابل العماره ، الصيانه المتوفره ٢٤ ساعه ، اكثر هدوء من ناحيه الجيران ، اكثر امانا من غيرها من المساكن ( لان المدخل ما يفتح الا بمفاتيح اكترونيه خاصه ) ، اكثر خصوصيه حيت انه لك صندوق بريد بحالك ، ولا يسمعك لا اللي جنبك ولا اللي فوقك ولا اللي تحتك .
علشان كذا نشوف ان الكنديين يحبون الشقق اكثر من البيوت ، والبيوت مصاريفها اكثر ولا تصلح الا للعوائل الكبيره اللي ما تكفيهم الشقق ،
غير كذا البعد ولا القرب من المعهد ،
لاحظ انك كل يوم راح تروح للمعهد وتجي منه يا صباح ولا مساء ، وقليل انك راح تطلع في وسط الاسبوع متاخر الي اي مكان ثاني،
وبالنسبه لمقابله السكارا ( الله لا يبلانا ) في كل وقت وفي كل مكان
انا كنت ساكن في الجنوب ( ابعد منطقه عن الداون تاون ) احتاج اني اخذ باصين ولا ثلاثه علشان اوصل من البيت الي المعهد وياخذ مني الطريق حول الساعه وربع رايح ونفس الشي راجع ، وكم مره اقابل سكرانين في المحطات .
اصلا قابلتهم في الباص بعد بس الله فكني منهم وفزعلي واحد كندي معي في الباص وفكني من شر السكران،
يعني ماهوب شرط انك راح تبعد معناه انه خلاص مافي سكارا .
بينما الحين انا ولله الحمد ساكن في الداون تاون بس احتاج سبع دقايق للمعهد والمكان هادي وممتاز
وميزه الداون تاون ، هي اخر الباصات توقف فيها ، يعني الباصات اللي تمر الحواري عاده توقف بدري وخاصه في الوي كند ، بس في الداون تاون اذا وقف هذا تحصل غيره ، غير كذا اذا فاتك الباص الاول بعد خمس دقايق تحصل باص بعده علي طول ، وهذي ميزه ما يعرفها الا اللي جرب انه يمشي ثلاث ساعات علي رجليه بسبب توقف الباصات اخر الليل
صحيح ماهو مثل هداوه الحواري اللي عند الجامعه او اللي جنوب الجامعه بس مكفيتني وزياده واذا حسبت المشوار والوقت .
بس انا اعيب علي البعد هو مسافه الذهاب والرجوع كل يوم و خاصه ان المعهد دوام يومي وصباحي بعد ،
انا طولت بالموضوع ، علي العموم قالوها من قبل
لولا اختلاف الاذواق لبارت السلع 
وكلا ينام علي الجنب اللي يريحه ..
بالنسبه لانتضار الباص في الشتاء عاده ماهي مشكله ، بس تحتاج انك تتدفئ مضبوط قبل ما تطلع ، وتعرف وقت الباص صح ،
المشكله اذا صار فيه هواء ايام الشتاء او نزول درجه الحراره الي مستويات خياليه مثل ٣٠ تحت الصفر حولها بذاك الوقت يصير لانتضار الباص طعم ثاني ، وغالبا الكنديين في هذا الوقت يستعملون سياراتهم ولا التكاسي او انهم يضبطون وقت وصول الباص صح ، ولا الله يخلف عليك اذا راح عنك الباص
لانه لا يمكنك الانتضار لفترات طويله في الخارج ، وهذي مشكله اللي بيته بعيد عن موقف الباصات
مع تحيات اخوكم / ابو عبدالكريم ، رحال الديره
LinkBack URL
About LinkBacks
ههههههههههههههههههه
وانا قلت انو نصيحة مني اخد تخفيض ولا شي زي ما قال بعض الناس كدة الا اذا هو يقول رأيو ويدافع عن رأيو عشان ياخد فلوس
على العموم شكرأ ويعني انا قلت نصيحة ورأي ممكن تتقبلو وممكن لا بس مو تتريق