تجمع طلاب university of british columbia

السلام عليكم وشكراً
الله يجازيكم الف خير في هذا الشهر الفضيل اعزائي
انا تخصصي في البكالوريس ادرةاعمال
واتمنى اكمل ماجستير إدارةمالية في جامعةuniversity of british columbia
هل التخصص موجود وكيف نظام الدراسة كورسات ام بحوث
وعدد السنوات وكيف مدى صعوبة الدراسة في هذه الجامعة
آسف على الاطالة

بدااااية .... السلام عليكم ورحمة الله وبركاته

مساكم الله بالرضــآآ ...صراحة هذي ثاني مشاركة لي بهالمنتدى اللي اتمنى القى غايتي فيه

واول مشاركة بهالموضووع الموووهم مالكم بالطوويلة

كلمت مكتب ابي قبول مشروط ببريتيش كولمبياا قال مااتعامل مع هالجامعة جب قبول بنفسسسك

ودخلت السايت تبع الجامعة وكذا طلع الحمدلله عندهم قبول مشروط بس ماااعرفت ياناااس اسوي شي

تكفوون انا ماابي اطلع واتغرب واخسر اهلي على جامعة تصنيف جامعة البترول اعلى منهاا

احد يعرف مكاتب , شخص يدبرني , اي شي واكون له شااكر

مع العلم نسبتي مو ذاك الزود واللي عنده جامعة قويية وبمدينة حلووة لا يبخل علي
املي بالله ثم فيكم كبيييييييييييييير

يآرب يسر

بسسألكم سؤال وأتمنى تجاوبوني أمأنه

كم النسب اللي تنقبل لتخصص الهندسسسه
سمعت إنه فوق الثمآنين وبس
أبي أتاكد ... تكفوووووووون

يب سارونه من فوق الثمانين

انا مثلك ابي هندسة بس اني اقل من ثمانين

وابي قبول مشروط منهم بس الله بييسسرها

كل اقسام الجامعه فوق 80 لازم

والقبول المشروط يعطوك بس سنه وحده لازم تخلص فيها اللغه بمعهدهم فقط

مع العلم ان معهدهم ست مستويات والمستوى الواحد 4 شهور

يعني لازم يكون مستواك باللغه متوسط او فوق متوسط بحيث تبدي من المستوى الرابع وبخلال سنه تخلص السادس

لو بديت من البدايه مالك مشروط

واذا مثلا كنت تدرس بالمستوى الخامس وجبت درجه الايلتس او التوفل مالهم دخل لان قبولك مشروط لازم معهدهم

في حين لو انك بس دارس بالمعهد وتجيب اختبار اللغه تقدر تقدم على قبول عادي

واستغلوا هاي فتره التسجيل بالجامعه وتعطيكم فتره الى شهر 3 انجليزي تعدوا اختبارات اللغه فاذا لغتكم حلوه حاولوا تعدوا الاختبار من الحين


والي سئل عن نسيته مو زود مادري كم نسبتك بس الجامعه مو هينه يعني اذا جاي لدراسه بتمشي اذا لا ماراح تمشي
فيعني اذا ماجبت نسبه بالسعوديه لاتظن هنا تمشي الا اذا بديت جد لاسيما ان اول لسنين راح تاخذ المواد العلميه

ونقطه صحيح المهم اكثر من نسبتكم المواد العلميه الي بتخصصك يعني هندسه مهم لهم رياضيات وفيزيا لازم فوق الثمانين وهكذا

يعني لو الي رافع نسبتك مواد عربي او دين ماهمهم ولا يطلعوا فيهم

صدى الغربه .. الله يسعدك ويوفقك
اللي فهمته انك درستي في معهد بريتش كولومبا ..
طيب .. انا اتصور ممكن يحطوني مستوى ثاني او ثالث لان مستواي تحت متوسط الى متوسط بالويل
طيب .. هل يمكنني اذا اجتهدت على نفسي اخلص معهم في مده اقصر يعني يعطوني جمب
طيب .. انا مهندس زراعي وابي ماستر ام بي اي من نفس الجامعه .. تتوقعي بيعطوني قبول مشروط اذا جبت قبول من نفس معهدهم
مع العلم عندي خبره بالاداره وتزكيه من خمس دكاتره
طيب .. اذا نيتي اتواجد اخر فبراير وبادرس اول مارس .. هل فعلا وقت دراسه عندهم معهد برتش كولومبيا
طيب اقدر اجيب القبولين بنفس الوقت .. بأريح نفسي من الرياض علشان تكون الامور قدامي تمام واقدر الحق اقدم على الملحقيه

صدى الغربه الله يوفقك ويسهل عليك الغربه وصداها ويرجعك سالمه غانمه
انتي وكل الدارسين يارب

برتش كولمبيا ماعندهم مشروط لطلاب الماجستير على حسب علمي

وبالنسبه انك تخلص

عندهم نظام انك بالميد تيرم او بنص السمستر عدنا اختبار وقبله بيكون عدنا شغل وواجبات اذا كان مجموع درجاتك بنص السمستر 90 او اعلى فيحق لك ترتفع مستوى زياده

يعني السمستر الي فات معي وحده كان مستوى الكتابه عندها 3 وانا كنت الرابع
نص السمستر ارتفعت وصارت 4
والحين صارت بالخامس
يعني خلصت مستويين بوقت مستوى واحد

فلكل مجتهد نصيب لو اجتهدت ممكن تخلص
وغير المعهد عنده كل مهاره عندك لها مستوى معين يعني انا مستواي لسبيكنق واللسننق يختلف عن مستواي بالرايتنق والريدنق
وكثيرين كذا
فممكن بمهاره معينه يكون مستواك عالي وبمهاره ثانيه مستواك اقل

ماستر الا م بي اي عندهم اصلا حتى متعاونين مع السعوديه فيه وسابك وهالشركات فشي حلو انك تجي عندهم
ويقبلوا ناس بما ان عندك خبره بس ممكن يطلبوا منك تدرس مواد معينه
انا مافتي بالماستر كوني بكالريوس
لكن انصحك اتواصل مع الجامعه واسئلهم
في قسم الطلاب الاجانب واسئلتهم ممكن تستفسر عن طريقهم وعندهم واحد عربي يجاوب عليك (
اسمح لي ماقدر احط ايميله لان عطاني اياه شخصيا بس لو تراسلهم من موقعهم الاقرب بيوجهوك له
)
والله الموفق

وبالنسبه للالحاق كمان ماعندي علم لان طالبين قبول جامعه مثل مانت عارف وبرتش كولمبيا ماتعطيك مشروط
لكن يسمحوا الملحقيه انك تغير بعدين الجامعه قبل ماتبدي اذا جبت قبول منها ونصيحه ادرس لغه بالبلد وقوي حالك قد ماتقدر عشان تختصر على حالك وقت وتوفر فلوس

ايه ممكن تجيب جامعه غير وبعدها تغير الجامعه بعد الالحاق اغلب الشباب كذا اشوفهم

والانجليزي اسمح لي انا عندي عقده باللغات اذا انقلبت لا عربي انجليزي افهمهم ولا انجليزي عربي

هل القبول في الجامعه صعب لكثرت الاعداد بها ؟

لاني لم أجد التخصصات التربوية غير في هذه الجامعه

فهل القبول لتخصصات التربوية صعب أم سهل