تجمع طلاب university of british columbia

الله يعطيك العافية ^^

الاخت "حــ كلي ـــلا"

أنا ما قد جربت اقدم على برنامج اللغه في جامعة بريتيش كولومبيا.
دخلت على موقع الجامعه وجبتلك نموذج التقديم:
UBC English Language Institute - Program Application Form

او تعبي هذه:
http://www.eli.ubc.ca/application/do...ppForm_Rev.pdf
وترسيليها بالبريد على:
Student Services
English Language Institute
The University of British Columbia
2121 West Mall
Vancouver, BC, Canada
V6T 1Z4

مطلوب منك تدفعي 450$ او 750$ .. مني متاكدة .. واذا كنتي مبتعثه تقدري تطلبي تعويض من الملحقيه بعد ماتجيبي القبول.
ومطلوب معلوماتك الكامله.. الاسم الكامل, عنوان البريد, الايميل, تاريخ الميلاد, قدراتك في اللغه, وبعدها تختاري عدد الاسابيع اللي ترغبي تدرسيها, مع الدفع وترسيليها

وترا مو شرط تدرسي عندهم انجليزي عشان تنقبلي ماجستير.. انا جبت قبول الماجستير من يوبي سي بدون ما ادرس عندهم.. بس تحتاجي علامات عاليه في التوفل والجيمات اذا مطلوب..
وبعدين القبول في جامعة بريتيش كولومبيا كان اسهل من التعامل مع الملحقيه!

اوقفو عنا الراتب قبل 3 شهور وبعد اقل من شهرين من الان ما راح يكون عندنا سكن والى الان ماادري وين حنروح انا واخوي مع اننا ساكنين في ارخص غرفه لقيناها في فانكوفر.. هذا ومعنا 5 اشخاص ساكنين في البيت.. قدمت علي فيزة عمل ولقيت وظيفه في سوبرماركت والراتب قليل جدا وعندي امل اننا نلاقي سكن ارخص!

كل مااملك دفعته للجامعه لاني درست الترم السابق على حسابي الخاص بعد ما قطعت الملحقيه البعثه عني!! حتى حساب الادخار من ايام كنت موظفه قرب انه يخلص!

ما اقدر اقول غير حسبي الله ونعم الوكيل على وزارة التعليم والملحقيه على اللي سووه فينا!

مدري هم يرضوها على بناتهم؟؟؟؟

واهلي غير مقتدرين على مساعدتي ووظيفتي السابقه خلاص راحت علي واتصفرت سنوات الخدمه يعني ابدا من الصفر اذا رجعت الحين بدون شهاده!!

نصيحتي لك اذا اهلك مايقدرو يدفعو مصاريف الجامعه لمن الملحقيه تقطع عنك البعثه..
مدري ايش اقولك .. بس فكري كثير في الموضوع قبل ماتتخذي قرار ممكن يهدم مستقبلك وكل اللي بنيتيه!
والله يوفق الجميع...

اختك - ريم

مشكووووووووووووووووووووووره ياريم
الله يجزاك ألف خير وربنا يفتحها بوجهك ويعوض صبرك خير
يعني مراسلة المعهد تكون عن طريق البريد مو الايميل
يعني في البدايه اعبي بياناتي واطبعها وارسلهم اوراقي بالبريد بعدين هم يتواصلوا معي ع الايميل ؟؟؟؟
ومتى تبدأ الدراسه في جامعة برتش كولومبيا في اي شهر تكون بداية الدراسه من كل سنه ؟؟؟
وفي تاريخ كم بتكون بداية الفصل الدراسي الجاي ؟
ومعليش تعبتك معاي
مو عارفه وش اقولك من جد وضعك صعب جداَ
الله لايحط احد في مثل موقفك
بس انا مافهمت وش قصتك مع الملحقيه يعني انتي اخترتي تخصص وابتُعثتي على اساسه
وبعدين رحتي جبتي قبول ماجستير لتخصص آخر غير التخصص اللي ابتُعثتي عشانه
مع انهم تحت نفس المسمى والملحقيه رفضت القبول لأنو مو نفس اللي على اساسه ابتعثتي
يعني انتي غيرتي تخصصك عشان كذا رفضوا قبولك
هذا اللي انا فهمته صح ولااناغلطانه

السلام عليكم
ياغالييييييييين جاوبيني
الحين ضروري حضوري لرياض عشان اخذ ورقة الضمان المالي لسفارة
او ارسلها عن طريق البريد الممتاز

ومن راح يسافر في 28-3-1432شهر ابريل
نبي نتواصل مع بعض

السلام عليكم,
ما ابغى اطول عليكم بس بغيت افيدكم ان تاريخ انتهاء التسجيل المبدئي للجامعه هو:
Winter Session (September start) application deadline: February 28
وهذا التاريخ هو فقط لتعبئة البيانات وليس تاريخ انتهاء استلام الاوراق, ولكن يجب على جميع الطلاب التسجيل قبل هذا التاريخ وبعدها ارسال الشهادات ونتائج اللغه متى ما توفرت قبل انتهاء التسجيل النهائي في بداية الصيف.

للتفاصيل: Application and Document Deadlines - Admissions - Vancouver Calendar 2010/11 - UBC Student Services
بالتوفيق للجميع وانا حاضر لاجابة اي اسئله عن الجامعه

السلام عليكم

الله لايهينك يااخ UBC 13 او اي شخص يقدر يفيدنا
برنامج اللغه الانجليزيه المكثف فصل الربيع بداية شهر مايو هل التسجيل مفتوح او متى وقت انتهاء التسجيل
وكيف طريقة الدراسه فيه هل لازم اكمل جميع الدورات للالتحاق بالبكالريوس او فيه اختبار تحديد مستوى بين كل ترم
يعني اذا تطورت اللغه عندي اقدر انتقل لمستوى اعلى او لازم بالتدريج

ولكم جزيل الشكر

اللي مبين من موقعهم ان التسجيل الى الان مفتوح, بس لازم تسجل باسرع وقت قبل لا يوقف التسجيل لازدحام الطلبه. لآن خصوصا ترم بداية شهر مايو يكون مزدحم جدا لآنه على بداية فصل الصيف.

بالنسبه للدراسه المعهد عندهم 6 مستويات اذا خلصتها تدخل الجامعه بدون اي اختبارات ثانيه, واول يوم يكون فيه اختبار لتحديد المستوى. بس بنفس الوقت متى ما حسيت ان مستواك تحسن تقدر تسجل باختبارات اللغه(tofel or ielts) .. وتقدمها للجامعه بدون الحاجه انك تخلص جميع المستويات.

اذا كانت الامور ما تغيرت من سنتين ,فالعاده تنتقل بالتدريج الا اذا كان معدلك في المستوى فوق 90% ذاك الوقت تقدر تطلب انك ترتفع للمستوى الاعلى( اذا كنت مستوى 2 ترتفع ل 4.......)
بس اذا وصلت وكنت حاس ان المستوى اللي انت فيه غير مناسب(سواء سهل او صعب) تقدر تسأل المدرس انه يغير لك المستوى اذا كان هو موافق على الشي هذا.

university of british columbi
السلام عليكم ورحمة الله وبركاتة اخواني الطلاب
ابي منكم احد يساعدني ابي قبول من الجامعة والمعهد ابي احد يدلني على احد يجيب لي قبول
من الجامعة كولمبيا برتش فاياليت احد يرد علي وارجوو محد يبخل علي وهذاا اميلي pg.2006@hotmail.com
وانا انتظر منكم رد

وش رايكم بالجامعه يا اخواني وهل تستحق الواحد ينسحب من جامعة البترول عشان هذي الجامعه

وكيف يقبلون الطلبا علما ان نسبتي ۹۷ مدرسه و ۸٥ قرات وتحصيلي لاني زهفت من النظام الغبي الي في الجامعه

وياليت اي من الاخوان يحط ايمليله وحاب اساله

أنا إنشالله سفرتي بتكون في شهر آبريل .. بالظبط بقلع بيوم 20 ..

بآخذ كورس في معهد جآمعة British Columbia الله يسهلها إن شاء الله ..