تجمع طلاب university of british columbia

هلا ايمي
العفو
بالنسبه للتوصيات صحيح اعتقد لازم 3
وتكون فعلا مختومه ومغلفه ما احد يطلع عليها الا الجامعه والدكتوره او الدكتور يعبيها ويعطيكي اياها مغلقه واذا فتحت تكون غير صالحه
اذكر مره في المعهد قالت لنا المدرسه انه اي احد يحتاج توصيات يطلب مني حأكتب له وحده
فممكن بعد ماتجي تأخذي لغه تسأليهم لانه ممكن يقبولها او ممكن اي احد يسألك من المعهد
لاني ما اقدر الفتره هذه وانا بعيده عن المعهد ولا كان سألتلك بنفسي
واذا مانفع اطلبي من اي شخص من اهلك يروح للجامعه ويجيب التوصيات ويرسلها لك هنا
بس اعتقد 75% انهم يقبلون حقت المعهد وياليت طلاب المعهد الحاليين يسألون
وبالنسبه للتجاره الالكترونيه ايش اسمه بالانجليزي؟



رهفه الكلام
هلا والله
ادخلي على هيئه التدريس بالقسم اللي بتدرسي فيه وشوفي كل دكتور في ايش يشتغل
واذا لقيت واحد يشتغل في نفس المجال اللي ناويه تتخصصي فيه
راسليه على ايميله واكتبي له انه انك طالبه ناويه تدرسي دكتوراه ونفسك تتخصصي في المجال الفلاني وانه تبغي تشتغلي معاه
يعني زي هذا الكلام ..
الجي ار اي لا ما اخذته مو مطلوب في تخصصي

إلى الأخت : just dream

ممكن اعرف كيف يعني تكون مغلفة ؟؟

يعني اروح للدكاترة الي درسوني واطلب منهم توصيات مغلفة ؟؟

والله يا عزيزتي ماني فاهمة قصدك ؟؟

وبرضوا ماني فاهمة موضوع المعهد !!

معليش ان ازعجناك بس وضحي اكثر

وجزاك الله خير

e-commrece تجارة الكترونية في جامعه برتش كولومبيا موجود بكالوريس بس ماستر مادري ياليت تسألي وبخصوص التوصيات ماني فاهمة نحط كل توصية في ظرف مغلق نخلي الدكتور يقفلة على كدة نحتاج ظروف كثير لانة من كل دكتور نأخذ اكثر من وحدة لانة ماندري على كم جامعة نقد م ان شاء الله ومعليش الاستمارات لازم يعبيها الدكتور الا في السعودية يعني نرسل الفورمات لاهلنا يعبوها ويرسلوها ثاني طيب ما نقدر نأخذ فورمات جامعه برتش كولومبيا من النت ونعبيها من الان وكيف ممكن توصيفي وجزأك الله الف خيروتعبناكي

هلا نونا ماسترز وايمي
يطلب منك اسماء عدد من اعضاء هيئة التدريس الذين قاموا بتدريسك ودرجتهم العلمية وأرقام هواتفهم والبريد الالكتروني. ولا تنسي انه لازم تقومي بتبليغهم بأنهم سيكونون "المرجع" لك لان الجامعة سوف تقوم بالاتصال عليهم..واذا تعذر وجود العدد الكافي من هيئة التدريس يمكن أن تكون التوصية من عضوه في هيئة تدريس ورئيسه القسم على أن تكون جميعها مغلفة وموقعة من الموصيه وتكون بالانجليزيه وتذكر فيها انك كنت طالبه مجتهده وجاده في الدراسه وخليها تمدحك حبتين لانه التوصيات مهمه في المفاضله في القبول بين الطلاب اسمع عن بعض الطلاب
يجيبون توصيات جاهزه ومكتوبه بالانجليزيه ويودونها للدكاتره وهم يوقعونها مع العلم اني ضد هذا لانه نوع من الغش في اعتقادي وبعد ماتوقعها الدكتوره وتعبيها في الفورم الخاص من موقع الجامعه و ارسليها مع المتطلبات
طبعا لازم كم وحده من كل دكتوره على عدد الجامعات اللي بتقدمي فيها
انا اقصد مو لازم انتي تروحي بنفسك لو كنتي هنا يعني اختك تأخذ الفورم من موقع الجامعه وتوديه للجامعه اللي درستي فيها وترسله لك بعدين هذا اذا كانت الدكتوره تتذكرك
والشئ الثاني معليش نسيت اذكره قبل لازم تكون بالانجليزي لانه لو بالعربي فوجودها زي عدمه
اما انك توديها لمكتب يترجمها وترجعيها للدكتوره توقعها بعد كذا او من البدايه مكتوبه بالانجليزي

اما موضوع المعهد انا لما كنت ادرس في المعهد قالت لنا المدرسه مره على اخر الترم انه اي طالب يحتاج توصيه للجامعه هي ممكن تكتبها ما عندها مانع بس لازم تبلغيها اول بالموضوع
ومن كلامها هذا اتوقعت انه مو لازم التوصيات تكون من السعوديه ممكن تكون من اللي درسوك في المعهد ..عشان كذا اتمنى لو في احد من طلاب المعهد يسأل في هذا الموضوع لانه اسهل من حوسه التوصيات من السعوديه

اما ال e-commrece ان شاء الله اسألك فيه

تحيتي لكم

والله الأمور كل ما لها تصعب

لكن انا خلوني أروح أول

أنا أخذت توصيات من ثلاث مدرسات في الكلية بالانجليزي

ولكن لا ختم ولا منظر ولا شي ...

كليات البنات تعبانة ولا ترضى تعطي أكثر من ثلاث توصيات ، والله ما أدري شسوي ؟؟؟

يعني أرجع ؟؟ وأخليهم يختمون على التوصيات ويسكرونها ؟؟؟

طبعا الكل أتوقع وصل له الإيميل اللي من المعهد .... ؟؟؟؟

يقولون لا تخافون إذا ما أمداكم تخلصون في الوقت المحدد نأجل الدراسة

زلكن الشرط أنه يكون قبل 24/مارس

يعني مو لازم نخاطب الوزارة في هالأمر ؟؟

أنا ما بروح الوزارة إلا إذا تأكدت من السفر

وخلصت كل أموري

وأخذ زوجي الإجازة ....

والله سوى لي سالفة ويا الإجازة وقاعد يقول انه مو عارف كيف وما أدري شنو ...

شكله مو مشتهي ...

إن شاء الله ما يهون .

الله يعين الجميع
فعلا التوصيات حكايتها حكاية
انا حأقولكم اللي بأسويه راح اطبع التوصيات حقت كم جامعة كندية
واوديها للدكاترة اللي درسوني واخليهم يعبوها ويختموها واقراها اولا
بعدين احطها في ظرف واختمه من القسم وكمان الوثيقة وكشف الدرجات
كلها راح احطها في ظروف مغلقة ومختومة
وبالنسبه للمعهد ناويه ان شاء الله أجل الدراسة لشهر 7 عشان اقدر اخلص
كل هذه الامور وكمان بابا يكون قدم استقالته وخلص اموره
والله يعيننا جميعا وننقبل في الجامعة

هلا ايمي
ارسلت للجامعه ايميل استفسر عن e-commrece اذا كان فيه ماستر ولا لا
فكان هذا ردهم:
Thank you for your message.

We have a MSc Program specializing in Management Information Systems (MIS). Our MBA Program also has a MIS specialization.

Information about our MSc Program can be found at www.sauder.ubc.ca/msc/overview/index.cfm. Please note that our application deadline for September 2008 admission has now passed. Our next application date will be September 2009 (the on-line application will be available in September 2008).

Information about our MBA Program can be found at www.sauder.ubc.ca/mba. You can also contact them directly at (تم حذف الإيميل لأن عرضه مخالف لشروط المنتدى).

Thanks,