تجمع طلاب university of british columbia

اهلين يابنوتات انا كمان حاسب معاكم ربي يسهلنا جميعا

soso2 كيفك؟ ماني فاهمة ايش قصدك لما تقولي نأجل علشان الماستر راح يبدأ في شهر 9 يعني تبغي تدرسي اللغة شهرين بس ولا كيف؟

تحياتي للجميع

zozo1984 كيفك ؟
والله فرحتيني انك معايا أخيرا لقيت أحد حاسب
انا رسلت اوراقي للسفارة والله يعين

الظاهر كلنا يا بنات أرسلنا أوراقنا مع بعض

بالصدفة

فأنا أرسلتها الأربعاء ولكن لما تتبعت الشحنة في موقعهم لقيت ان الوصول أمس

والحمد لله على سلامة الشحنة

اهلين عصفورة
انا قصدي انوا لو بدأنا في شهر 7 ماراح نتأخر في الماستر
يعني في القبول اللي جانا كان اللغة تبدأ من 7/4 /2008 الى
26/3/2009 تمام والماستر يبدأ في شهر 9 "بداية السنة الدراسية "
في معظم الجامعات يعني لو بدأنا في شهر 7 نفس الحكاية راح نخلص
في 6/2009 ويكون عندنا شهرين نختبر فيها الـ GRE
هذا اللي قصدته انوا ماراح نتأخر في الماستر في كلا الحالتين

اهلين بناااات

انا زيك يا نور في كلا الامرين >> خخخخ مرووووقة

اول الامرين ان ارسلت اوراقي للسفارة من الثلاثاء الماضي ولا حس ولا خبر زيك تماااام

والامر الاخر << اني حاسقط ( بمعنى المشاركة بالطريقة المكاوية ) على البزنس حقك لاني رياضياااات والساعة بنص ريال >> خخخخ

وكمان راضية ولله الحمد بتخصصي

بس مقهورة من الاختبار دا

يا رب يشوفونا سعودياااات ويلغوا بالمررررة

حبيبتي ماستر 2

ان شاء الله راح ااجل لانو بنتي عندها مدرسة والاجراءات تبع الفيزا تطول وكمان زوجي يحتاج وقت عشان يوافقو على اجازته لانو موظف حكومي

بالتوفيق للجميع يارب

السلام عليكم ياحور مشكلتي نفس مشكلتك ولدي يدرس في المدرسة واجلت عن طريق المعهد وارسلولي نسخة من القبول الجديد الي في جولاي وقالوا حيرسلوا الاصول عن طريق السفارة السعودية الى الوزارة هنا الخطوة الي بعدها ايش راح نسوي نرسل خطاب للوزارة ولا نروح بنفسنا ولا ايش الحل الرجاء المساعده من الجميع

نور يا فشيلتاه صرتي أكرم مني
!!
نونا ماسترز
أنا بخير وأتمنى انك بخير وصحه
...تصدقون للحين ما قدمت عالفيزا
حصلت ظروف منعتني
يا رب تسهل أمورنا جميعاً

سمر
بالنسبه للتخصص حطيت تسويق لأنه أقرب
بس ضاق صدري لما لقيت انه يحتاج جيمات
بس التجارة الإلكترونيه ما يطلبون جيمات
وخاااااايفه مره من قصة ان قبولات ماستر كندا صعبه
اللي أقراه هنا في المنتدى خوفني
الله يسهل علينا يا رب وإن شاء الله مافي شي مستحيل

هلا ماستر 2

كيف عرفتي انه التجارة الالكترونية ما يحتاج لها جيمات ؟

عشين اعرف بس ،،