تجمع طلاب university of british columbia

هلا بحور الله يسهل امورك يالغالية وربي يكتب لنا اللي فيه الخير,,
بس انتي متى راسلتي المعهد؟؟
<<على فكرة اسم حور ببالي احتمال اسمي بنوتي حور <<

دعواتكم ربي يسهل علي ولادتي ..

اهلين بأحلى سمورة
أنا أرسلت لهم ايميل الاسبوع اللي فات (تقريبا يوم الأحد)
وحور اسم جميل جدا (اسم بنتي) ويارب تتسهل امورك وتقومي لنا بالف سلامة ياغالية

بس من جد سمر انتي ايش تنصحيني
أقدم عالفيزا ؟ ولا أراسل المعهد مرة ثانية اليوم وأشوف ايش يقولوا؟

والأخوات الباقيين كمان ياريت تفيدوني بآرائكم تراني أختكم ومن جد والله نفسيتي صايرة ما يحتاج

وبالتوفيق للجميع يارب

هلا يا عسل

كيف النفسية ان شاء الله تماااام

هونيها وان شاء الله تهون

والموضوع لا يحتاج لا ضمان مالي ولا شي راسلي السفارة وخلاص بالاوراق التانية المطلوبة

ربي يسر لك امرك ويفرج همك

هلا بنات كيفكم نونا وماستر 2 وجست دريم و رهفه الكلام وحور وايمي و نور ودلوعه بابا والكل والجميع

عندي بعض الاستفسارات:

هل قبولكم يبدا في 24 مارس ام 7 ابريل؟؟


في احد وصلتوو الفيزا؟؟


بالنسبه انا تخصص كيمياء وشايله هم اختبار التخصص لكن نتوكل على الحي القيوم اش رايكم ؟؟


متى تتوقعوا الوفت المناسب للسفر اذا الدراسه تبدا 7 ابريل ؟؟


كيف بالنسبه للمرافق ان شالله يحصل شغل او دورات بعد اللغه اذا ما قدر يحصل قبول ؟؟


ما هو اقل معدل للقبول في الجامعه ؟؟


معليش طولت عليكم بس ترا مرره وحشتوني.

كيفك ياورد400 ...واهلا بالبنات كلهم ...حبيبتي الدراسة تبدأ 7 ابريل ...وبالنسبة للفيزا لسة ماوصلتني بس قريب ان شالله ..وبالنسبة لوقت السفر أتمنى قبل الدراسة بأسبوعين على الأقل ...وبالنسبة للمرافق أنا سمعت من الموجودين هناك إنه في دورات كتيرة في الجامعة ..والباقي معليش ماعندي فكرة .. وأنا حاضرة حبيبتي أي شي حيسير حأقولكم عليه أول بأول ...

العفو يا حور


كيف الجميع ؟ وكيف الاعصاب؟ اكرهها هذه الفتره انتظار وقلق وتعب...الله يعين الجميع

ورد
المرافق يحق له يدرس لغه او دورات على راحته وفي اي مجال خاصه فانكوفر مليانه كليات
القدوم الى فانكوفر على الاكثر اسبوعين قبل الدراسه كافي ان شاء الله

هلا بالجميع
وهلا بورد 400 حبيبتي انا زيك كيمياء بس انا مرحلة الدكتوراه وشايله هم الاختبار دا تعرفي الواحد اتخصص بفرع معين بالكيمياء وغالبا نسي باقي الفروع وربك يستر
خلاص نذاكر سوا انا اجلت كورسي والان دخلت بمشكله جديده طلعت حاااااااااامل ومااعرف اش الحل؟

السلام عليكم يابنوتات اهلين ياورد400 طولتي الغيبة هالمرة انا كمان ان شاء الله 7 ابريل ويارب نسافر قبلها بفترة كافية اكثر من اسبوعين تعرفوا عشان موضوع السكن واوراق الملحقية وووووووووووووووووو.....وقبل هذا كله الله يسهل

سمورة ربي يسهل عليكي وموفقة واختيار موفق للاسم

الله يسهل امورك رهفة الكلام والف مبروك واطمني ربي يسهلك ان شاء الله وحتى لوبديتي دراسة لاتنسي انها مرحلة لغة يعني ممكن تخلصيها في اقل من سنة والوقت الفاضل تولدي فيه وترتاحي وربي يسهل امرك


انا عندي سؤاااااااااااااااااااااال الله يرضى عليكم ساعدوني

امس لقيت في موقع جامعة بريتش كلومبيا التوصيات لكن اية واحد فيهم المطلوب؟؟؟؟؟

الؤال الثاني لو رحت لدكتورات جامعتنا الموقرة اخاف يقولولي احنا نرسلها على الجامعة بس انا ما ابغاهم هم يرسلوها لأننا لسه ماقدمنا على الجامعة لسه والقبولات اللي عندنا لغة فقط فكيف حيكون ساعتها العمل؟؟

رجاء لاتبخلوا بالرد انا في انتظاركم

تحياتي للجميع

هلا حبيتي شوفي على حسب علمي من الي شفته من المنتدى هنا ان تعملي انتي نموذج توصية فيه كل الاشيتء المطلوبه ولكن لايخص اي جامعه يعني عام عشان نقدر نقدم بأكتر من جامعه
لان شروط بريتش شوي معقده مثلا بالكيمياء يبغوا GRE ودا شغله تانيه وانا بأدور عن جامعات اقل تعقيد

والله يوفق الجميع

صحيح بالنسبه للي عملوا الكشف الطبي لما سويتوا الاشعه احد طالع بالصور و فيكي؟