تجمع طلاب university of british columbia

هايات الحمدلله على السلامة دلوعة بابا
نونا يا حلوة انتي متى طالعة كم التاريخ؟
لاني حلحقكم ان شاء الله يوم 3 ابريل
المدينة - جدة
جدة - لندن
لندن - فانكوفر
ودلوعة بابا ونونا ايش حتعملو اول شي راح تنزلو في فندق وكيف حجزتو ؟؟؟؟؟؟؟؟؟؟؟
الله يجمعنا على الخير دايما يارب

السلام عليكم جميعا,,
نونا وميس نايس ان شاء الله توصلوا بالسلامة وربي يوفقكم ,,
وطمنونا عليكم,,,,,,,,,,,
الاستاذ adawode,, شكرا على تعاونك معانا وجزاك الله خيرا
طيب أنا عندي سؤال برضو بالنسبة للسكن اللي مجننا ومررة محتارين فيه,,
ايش هي المنطقة اللي موجود بيها الجامعة حقتنا لأنو ابغى اروح وارجع مشي لو ممكن..
وياترى هي قريبة من الداون تاون؟؟
وزي ماقالت حور تنصحنا نستأجر مفروش ولا فنق من البداية؟؟
وشكرا مرررة ثانية

سمورة كيفك ؟ وكيف البيبي؟
ها بشرينا ان شاء الله النفسية الحين احسن؟

وربي يسهل امورك
خليها على الله وربي بيسهلها
لا تنسينا من دعائك ياغالية

هلا

انا رحلتي يوم الاثنين بالليل الساعة 2 (يعني صباح الثلاثاء) بتاريخ 1 ابريل

وبنحجز بفندق لين ندور على سكن

والله يعييييين

هلا بالغالية حور والله حبيبتي للحين ماولدت!!!
شكلها مطولة الشغلة خخخخخخ
ربي يسهلها علي ويسهل أموركم ياكريم,,
دعواتكم ,,

هلا نونا ..سمر ..ميس نايس ..حور ..ايمي ..ان شالله تمام انا حجزت في فندق بسعر طيب عاملين ديسكاونت للنادي السعودي 110 دولار كندي ..في الداون تاون ..شارع بردواي ..قريب مرة على هوليدي ان ..في نفس الشارع ..وهذا رقمهم 0016048728661
العنوان West Broadway 898

مرحبا الاخوان الي بيسالو على السكن انتو ليش ما كلمتم الجامعة نفسها وطلبتو سكن فى عندهم سكن للعوائل وهي عبارة عن فيلا صغيرة او اطلبو هوم ستاى ....؟ او سكن طلاب ؟؟ ليش ما استفسرتو؟؟
الاخوة السالو عن المنطقة يلى جنب الجامعة ممكن تسكنو على بردواى او كتسلانو ..او جرانفل بس كل هادى المناطق حتركبي باص منها للجامعه يعنى 10 او 15 دقيقة ولا تخافى من الباص عادى وامن جدا ومافى خوف ..لو حبتى بس تمشي من بيتك للجامعه لازم تسكنى بسكن الجامعة لانو بكره حتشوفى الجامعة كبيييييييييييييرة جدااااااا وحولين الجامعة سكنهااااااا بس على فكرة منطقة الجامعة كل شي يسكر على الساعة 8 ولو سكنتو بمنطقة قريبة من الجامعة حيكون نفس الداون تاون السعر اسكنو بالداون تاون وهو احلا واحسن محل بس غالىي عني ممكن غرفة بى 1300---الاخت يلى سكنت بالداون تاون بالفندق ..مافى شارع بالداون تاون اسمو بردواى لا ضيعو ياناس يمكن اسمو بررد واى حرفين رر ؟اتنتبهو ترا الاسم الاول بعيد جدا عن الداون تاون يعنى لو طلعتم فى باص او تكسى وقلتو اسم غلط الله يعوض.......... عموما هادى مواقع شقق لاجار وماتقدرو تستاجرو الا لما تيجو هنا لكن انا اقول اتفرجو واتعرفو بالاسعار وان لقيتو شي كويس سجلو على ورقة مع التلفون واول ماتوصلو اتصو وروح تشوفو وان عجبكم استاجر بس ياناس فى شى مهم بالاجار هنا ...لو قلت كلمة تتحاسب عليها يعنى لو قلت اوكى انا بجى استلم بكره او اوقع بكرة وماجيت ممكن انت تروح محكمة وتدفع ضرر لان الرجال زحلق الباقين على شانك والشي التانى والاهم مهم مهم مهم لو حبيت تطلع مافىك تروح تقول للرجال والله انا طلع بكرة او الاسبوع الجاى يامحمد..ممكن يدفعك كمان شهر لانو انت لازم تقولو قبل 15 يوم عشان يدور ناس غيرك لان البيوت هنا للبنوك والعالم لازم تدفع قسط وانت مافيك تغدرو فلازم تبلغ قبل ب 15 ولازم تعرف على ايش موقع واحد زميلى وقع عقد على سنة وهو مو دارى ولما طلع بعد شهر اخدو محكمة ودفع 6 شهور للمحكمة انتبهوووووووووو.... انا دافع 4000دلر لمحامى رحتلة يساعدنى ايام الجنسية وقعنى من اول يوم على ورقة انى ما اقدر اتعامل مع محامى غيرة لنفس القضية ونا ما ادرى ويوم طنشتو ورحت لواحد تانى قام الالول سحبنى محكمة زى الخرووووف. ودفعنى باقى الاقساط انتبهووو كلمة اوكى ممكن تتحاسب عليهاااا...
المهم الاخت التسال عن الحجاب ترا مافى اى مشاكل بالعكس كل الاحترام والتقدير وماحد يتعرضلك ولو حصل وهو مستحيل لو لو حتلاقى كل الحكومه معاكى
بالنسبى للمدارس فهى ثوية جدا والتعليم بكندا اقوى من امريكاااا عشان كدا فى شباب كتير تجيى كندا وبعدها ورررررررر يهرب امريكا وبكره تشوفى الكلام هدا ..بس برضو فى اسماء معروفة زى الجامعة هدى من اقوى 20 جامعة بالعالم
عموما انا طولت عليكم بس والله حابب اكسب اجلا وهدا مواقع الشقق واتشوفوى
http://vancouver.en.craigslist.ca/vac/

http://vancouver.kijiji.ca/f-housing...t-W0QQCatIdZ37

http://vancouver.sublet.com/
http://www.apartmentcorner.com/searc...apartments.asp

وفى مواقع كثييير لو حبيتم اجيبلكم كمان عموما شيكو على اول موقع اقوى واحد وكل 5 ساعات يزيدو شقق والموقع نفسو فى سيرات للبيع واثاث سياكل هدا الموقع كل شي تبي فى ولو تبي تبيع فيه كمان موقع معرووف هنا وكل شى مف صور


اخر شى انا اقول استاجرو فندق او اسبعين وخلال هالفترة بتلافو سكن ولو متل احسن مو هتل ..متل ارخص...السعر الاخدتو الاخت مناسب جدا جدا بس للمدى البعيد اكتر من اسبعين بيكون غالى

http://maps.google.com/maps

اكتب داخل المستطيل UBC
حتجيك الخريطة وحتشوف الجامعة وحجمها وحوليها زى اشجار وبحر بسسسس هادى منطقة الجامعة فى كم عائبة سكنين هناك وفى ملعب للجولف بس المنطقة مافيها شى تانى
الداونت تاون يبعد عن الجامعة بالباص 25 دقيقة وكل باص يجى بوقت معين وبجدول يعنى بين كل باص وباص مرات 10 دقايق مرات نص ساعة مرات ساعة حسب اوقت الطلب.....و كل باص برقم


ممكن تكتب بالمستطيل يلى بالموقع VANCOUVER
---- VANCOUVER DOWNTOWN
اى شي حابب تشوف الخريطة
المهم فى المربع يطلع داخل الخريطة مكتوب فيه تو هير----- فرم هير .........لو حبيت تعرف المسافة من او الى هالمنطقة تكبسي على واحد منهم وتكتب عنوان المنطقة يلى رايح عليها
وهووو يعطيك الوقت بالسيارة او للباص او للسكاي ترين ويقولك ايش تركب وايش تستخدم بالخطوة مع الوقت ويعطيك الطريق والخريطة وهدا الموقع كل امريكا ماشية عليه وهو زى الموجود بالسيارة النافجيتر

جزاك الله خيرا أخي الكريم ,, وماقصرت ,,
بصراحة كلامك مفيد جدا جدا,, وشكرا على النصائح,,

اخي الكريم /

انا ارسلت للجامعة اني ابغى سكن عند عائلة ردوا علي بانه مافي اي امكانية الان ،،

عشين كدة احنا حايسين

وشكرا للمساعدة