تجمع طلاب university of british columbia

اهلا باهلي وجيراني، يعني انا مني معاكم في نفس الجامعه بس في نفس المدينة ورايح جامعة سايمون فريزر الي في الداون تاون، لاززم نشوفكم.

اللـــــــــــــه يحيــــــــــــك .....

السلام عليكم ورحمة الله وبركاته

الف مبروك للي جاهم القبول ليونيفيرستي اوف بريتش كلومبيا
بس للمعلومية بس القبول جا من المعهد وليس من الجامعه
في كم سؤال مريت عليها بس ما عرفت والله اجاوب لانها اغلبها باجرات المرافقين
بس بما اني ادرس في المعهد راح احاول اساعدكم ان شاء الله
طبعا اول شي في كم معلومة مرت في الموضوع ما دخلت مزاجي
اول شي المعهد في فانكوفر ويبعد عن الداون تاون تقريبا نص ساعة
المدينة فانكوفر بشكل عام دحين ملياااااااااااااااااااااانة سعوديييين لابعد حدود
وفي المعهد مليان ومع دفعتكم اتوقع يتفير اسم المعهد من english language institute اليsaudi language institute
عموما الله يوفقكم وتجو بالسلامة
بالنسبة للمعهد راح احاول اكتبلكم تفصيل شوية عن طريقة المعهد
في 6 مستوايات ((1 اقل مستوا و6 مرة ادفانس))
طبعا لو خلصت مستوا 6 تدخل الجامعه بس عشان قبول الجامعه شوية صعب لازم تخلص مستوا 6 في وقت معين
لكل طالب 3 كلاسات
قراءة ((reading))
كتابة ((writing))
محادثة((speaking and listening))
افرض انو ان شاء الله بعد الاختبار حطوك في مستوا
4 ريدن
4 رايتنج
5 سبيكن اند ليسننج
تحضر الكلاسات عادي وتشد حيلك طبعا وان شاء الله لو جبت 75% او فوق تروح المستوا الي بعدو
لو جبت 50%-75% تعيد نفس المستوا
بالنسبة لو جبت اقل من 50% ما عندي فكرة للاسف
لو ان شاء الله عديتها كلها في السيشن الاول تاخد شهادة اقل مستوا يعني في المثال الي فرضناه تاخد شهادة مستوا 4
للتوضيح اكتر لو انت في
3 ريدنج
4 رايتنج
5 سبينج اند ليسننج
وعديت تاخد شهادة مستوا 3
اول ما توصلو اول يومين اختبار بعدني تعريف بالمعهد والنظام
المدرسين بشكل عام ممتازين والتدريس ممتاز
ممنوع انك تتكلم غير الانجلش في المعهد
في عدة جنسيات في المعهد بس الغالبية للاسيوين بس ان شاء الله بعد دفعتكم السعوديين راح يحطمو الرقم
في غرفة صلاة في المعهد ((في الاساس هيا غرفة اسعافات اولية)) تقريبا مترين في مترين بس احنا نصلي فيها
الاخوان الله يجزاهم خير موفرين السجادات والشراشف للحريم واوقات الصلاة معلقة في الغرفة
نظام المعهد شوية صارم بس ممتاز
بالنسبة للجامعه
الجامعه مافيها قبول مشروط
بالنسبة للتوفل او الايلتس
التوفل طالبين الجامعه 86 او اكتر بس بتقسيم محدد ماني متاكد منو للاسف
الايلتس طالبين والله اعلم 6.5
يعني انت عند 3 خيارات يا المعهد يا التوفل يا الايلتس
بالنسبة لغلاء المعيشة هنا
بشكل عام نار بصراحة يعني
بس الراتب لمبتعثين الوزارة ان شاء الله يكفي بس للشخص الي صرفياتو متوسطة
السكن هنا عموما لو انجليزي مع عايلة ((30 دولار لليلة)) دا طبعا لو العايلة كانت من المعهد
ممكن تلاقي عوايل تانية بنفسك وارخص بس المعهد مضمون اكتر لانو اي شي يسير معاك ممكن علطول تروح تكلم مسؤولة السكن في المعهد
شقق تلاقو ان شاء الله شقق حلوة بس الاسعار تفرق من مكان لمكان
بس المتوسط
1000-1500 شقة غرفة نوم وحده غير مفروشة
ترا الاسعار ماني متاكد منها مرة يعني ان شاء الله لما تجو تشوفو بنفسكم احسن
لانو ممكن تلاقو شي ارخص بس بصراحة انا ما لقيت ارخص من كدا
اممممممم
بالنسبة للحجاب للبنات
طبعا معانا سعوديات هنا في المعهد في منهم محجبات ومرررررررررررة عادي ما احد يكلمك ولا يقلك شي
بس اهم شي االبنت يكون حالها حال نفسها
بالنسبة للمنقبات
انا والله ما شفت منقبة الى الان بس في شباب قالولي كانو يدرسو معاهم منقبات وعادي مررررررررة يعني ان شاء الله مافي اي مشاكل
وعموما بصراحة يعني انصح البنات الي يجو ان شاء الله بالحجاب والله يكون معاهم
اممممممم
ايش في شي كمان ممكن تحتاجو
الي عندو اي سؤال يسأل وان شاء الله لو دخلت المووضوع ارد لو اتاخرت بالرد يرسلي رسالة على الخاص عشان يوصلني تنبيه بالايميل وان شاء الله ادخل
باي ذا وي
انا طالب في المعهد وفي خدمتكم
اخوكم \ معن

السلام عليكم

كيفكم بنااات ،،

حبيت اقولكم اني مريت المكتب اليوم (لانه جاني ايميل بالقبول) واستلمت ولله الحمد القبول ،، و وقعت على التعهد

ما تحتاجوا غير رقم الطلب الي موجود في رقم بطاقة الملتقى ،، و رقم الترشيح الموجود في حالة الطلب ،،

سألت موظف المكتب عن الضمان المالي وخطاب السفارة قال ما يحتاج اسمائكم خلاص في السفارة

بعد كدا رحت لارامكس العصر اخدت الطلبات والاوراق

بعدها رحت اتصورت

وبكرة باجدد جوازي عشين يعطوني فيزة بمدة دراستي للغة ،،

وانشاء الله على بعد بكرة بالكثير اودي الطلبات لارامكس وانهي اجراءات الفيزا ،، باذن الله

دمتم بود

الاخ الفاضل : top_of_mercy :

حابة اسألك عن السكن عند عائلة ،، كيف يمكنني الاختيار والحجز ؟؟

هل اذا وصلت الى هناك أم من هنا ؟؟

وما هو مستوى صعوبة الجامعة لاني سمعت الدراسة فيها صعبة ؟؟

وحابة اسال كم بريك تاخدوا في اليوم ؟؟ وهل يمكن الصلاة فيها ؟؟ وكم عدد الطلاب الي في الكلاس؟؟

هل تفضل السكن في الداوان تاون أم بالقرب من الجامعة ،، وايش ارخص؟؟

واسفة على اسالتي الكثيييرة ،،

نونا خيتووو ..
اشكرلك تواصلك معانا
بس لو سمحتي ممكن اسالك عن شي
ايش اسم المكتب اللي استفسرتي منه عن القبول وكم رقمه (ازا كاان سؤالي مكرر اعتزر )
تاني شي
متى تبدا الدراسه لو سمحتي
ربنااا يوفقك خيتوووو