تجمع طلاب university of british columbia

أخوي top_of_mercy

كلامك ضيق صدري أجل الدنيا زحمة عندكم ؟

شكلي بروح على المعهد التابع لكالجري

يا جماعة في احد يعرف عن جامعة SIMON FRASER الي في فانكوفر- داون تاون.

الأخ Top_of_mercy
الله يعطيك العافية على معلوماتك القيمه يا مراسناا من الأراضي الفانكوفرية ههههههههه

انا جاني قبول من معهد الجامعه والدراسة تبدا 7 ابريل

وانا مستحيل اطلع بهالموعد شسوي برايك؟

أكلم المعهد يأجلون لي الموعد ؟ وايش الأشياء المطلوبة لهالإجراء؟؟؟؟؟؟

ولى اكلم الملحقية؟

ولى الوزارة؟

والله اني في قمة الحيرة ولو جاوبت على تساؤلاتي راح تريحني

واحب اقولك انو القبول جاني من الوزارة

وياليت تقولي وش موعد الدراسة اللي بعد 7 ابريل ؟؟


وتسلم يالغالي على روح التعاون اللي عندك


أنتظر ردك

بسم الله الرحمن الرحيم
اخواني واخواتي معليش على التاخير في الرد لانو انتو عارفين فرق التوقيت وتوني صاحي من النوم
نبدأ نجاوب على الاسئلة وحده وحده والي ما اعرفو اتقبلو اعتذاري
اول شي الاخت نونا ماستر
السكن عند عايلة من عند المعهد بصراحة ما ادري عن نظام الملحقية بدا الشي بس انا من طلاب سابك يعني كل شي كان مجهز ليا من البداية
عموما اظن والله اعلم انك لو راسلتي المعهد راح يوفرولك السكن ممكن تساليهم او كيف وبعدين ترسلي طلباتك طبعا احب انبه انو السكن عن عوايل قسمة ونصيب يعني واحد من الشباب غير عوايل خلال الست شهور دي 5 مرات ودحين اخيرا استقر في شقة بالنسبة ليا انا جالس في عايلتي ما طلعت منها من اول ما جيت وان شاء الله ماني طالع الا بعد السيشن الجي

بالنسبة للجامعه
على حسب كلام الشباب انها جدا صعبة لانها مليانة صينيين((دوافير)) بس احب اقول للجميع انا ما دخلت مزاجي كلمة صعبة على قد ما تسوي ان شاء الله تحصد ولا تنسو الدعاء ترا اهم من كل شي

بالنسبة للبريكات
تفرق من مجموعة لمجموعة
لو كانت كلاساتك التلاتة ((ريدنج ورايتنج وسبيكنج وليسننج)) فوق مستوا 4 يحطوكي مجموعة A
تبدأي دوام الساعة 8:30
الكلاس الاول 8:30-10:10
بريك 10 دقايق ما اظن يمديكي تصلي عبال الوضوء وكدا وعلى حسب الغرفة مين فيها واصلا مافي صلاة
الكلاس التاني 10:20-12:00
بعد الكلاس التاني عندك ساعتييين كاملة لنش تايم راح تقولي كتيرة مرة بس في سبب لانو الطلاب كتير والكلاسات ما تكفي للمجموعتين يعني مجموعة A بريك ومجموهةB يدرسو
الكلاس الاخير 2:00-3:40
دحين اكتب جدول مجموعة B
اول شي غالبا طلاب مجموعة B مستواهم اقل من 4 في احد الكلاسات(ريدنج ورايتنج وسبيكنج اند ليسننج) او كلها
يبدأ الدوام الساعة 10:20
الكلاس الاول 10:20-12:00
بريك عشرة دقايق انا بالنسبة ليا كنت اصلي فيه لانو كنت الحق نفسي والحق الكلاس الي بعدو ولا اتاخر عشان ما اعطي للمدرسة فرصة انها تتكلم عليا ((ما اتاخر يعني ما اتاخر حتى ثانية))
12:10-2:00 الكلاس التاني
بعدين لنش تايم الى 3:50
الكلاس الاخير 3:50 -5:XX
سوري والله نسيت الى 5 وكم بس عموما وقت الكلاس ما يتغير نفسو

عدد الطلاب في الكلاس يفرق بس ما اظن يزيد عن 16

بالنسبة للسكن
عموما السكن في الجهة الغربية للمدينة ((ويست فانكوفر: شامل الجامعه والدوان تاون)) تقريبا اغلى شي بس لو كان في يدي الاختيار اسكن في الداون تاون فترة الانجليزي بس لكن وقت الدراسة الجامعية من المهم جدا(على كلام الشباب) انك تسكن في الجامعه
بس زي ما قلت انا ساكن في عايلة ومرتاح فعشان كدا ما راح اغير

عزوز
بالنسبة لدا الشي ما اقدر اتلكم فيه لانو موضوع شوية معقد فان شاء الله لما تجي هنا راح تشوف كل شي وبعدين النادي السعودي هنا راح يساعدوك كتيييير في اشياء زي كدا
لا تشيل هم
سوري والله بس زي ما قلت انا كمان من طلاب سابك يعني ما ادري عن دي الاشياء

نور
ثانكس

ابو مهند
معليش والله بس دي الصراحة
في ناس جو عندنا المعهد ووالله نقلو يقلك مليان سعوديين
انت ما همك عادي ترا النظام بس انت شد حيلك واتكلم على الاقل داخل المعهد انجلش وكل شي يمشي تمام


bafakieh
بالنسبة لجامعه سايمون فريزر فهيا مو في الداون تاون هيا في برنبي ((مدينة في مقاطعة فانكوفر العظمى))
الجامعه ممتازة جدا في البزنس على كلام واحد من الشباب وسوري والله غير كدا ما اعرف

لعيونك
والله ياخي ما ادري عن الملحقية ولا الوزارة اعيد واقول انا من طلاب سابك
بس الي اعرفو
انو المعهد يبدأ في اوقات معلينة في السنة ((4 مرات في السنة))
عندهم اربعة sessions
كل سيشن مدته 3 شهور
اتمنى اكون افدتكم

بالنسبة للنقاب
جاتني رسالة في الخاص تسال عن النقاب
انا قلت انو انا ما عرمري شفت منقبة بس على كلام الشباب ان الموضوع جدا عادي
ومن ناحية شخصية ما اشوف ان الموضوع فيه اي مشكلة الناس هنا طيبة والمدينة فيها اعراق كثير يعني في احترام متبادل اتمنى ما احد يشيل هم

اتمنى اني قدرت اجاوب الي كنتو تبغوه
والي ما عرفت اسف ما اعرف ما راح اقول شي ما اعرفو
الي عندو اي سؤال يسأل وان شاء الله راح اجاوب لو كنت اعرف واذا لقيتو مني تاخير ارسلولي على الخاص عشان يجيني تنبيه
لكم مني اطيب تحية
اخوكم معن

شكرا يا اخي على اجوبتك ،،

وربي يعطيك العافية ،،

خخ أسئلتي ما خلصت لسه ،،

اذا ابغى استاجر شقة ،، هل تنصحني احجز من هنا بالنت ولا اروح بنفسي ؟؟

وهل لازم المعهد الي توفر لي عيله ؟؟ مافي طرق تانية ؟؟ طيب اذا ما عجبتني العيلة ايش اعمل ؟؟

حاسة ان الجامعة عندكم زحمممة ؟؟ ايش رايك في دي النقطة؟؟

طيب اخر شي انا تخصصي رياضيات هل في اختبار جيمات ؟؟

اممم بالنسبة للشقة
بصراحة ما ادري كيف اقلك بس لو انا كنت مكانك
افضل اني اروح بنفسي عشان افهم كل شي عن العقد وايش شامل وايش لا وكمان لازم تاخدي بالك من شغلة مدة العقد
وكمان الصور احيانا خادعة احسن تشوفي بنفسك

ممكن المعهد يوفر العايلة او انك تجيبيها بنفسك بس ميزة المعهد انو لو ما عجبتك العايلة مسؤولة السكن تغيرلك او لو عندك اي مشكلة كمان المسؤولة عندك
او تجيبي العايلة بنفسك وفي موقع بس ما اتحمل مسؤولية شي
www.homestayfinder.com
وطبعا لو ما عجبتك تدبري نفسك وكدا يعني
بالنسبة للجامعه
الجامعه تقريبا 44 الف طالب من كل الاجناس بس بصراحة انا امنيتي اني اقدر اجيب القبول فيها وادري فيها لانو من جد احسها جامعه مختلفة
يعني الحرم الجامعي جدا جميل الحياة الجامعية الناس رايحة وجيا مرة حلوة ان شاء الله تجو وتشوفو بنفسكم وتحكمو بنفسكم
سوري ما ادري عن اختبار الجيمات يمكن احد تاني يفيدك

عموما مو مشكلة اي سؤال ان موجود
وان شاء الله لو كنت اعرف ما راح اقصر
ولو اتاخرت ارسلولي على الخاص عشان التنبيه
لكم مني اطيب تحية
اخوكم معن

شكرا والله يديك العافية ،،

الله يعطيكم العافية

الصراحة تساؤلات وإجابات مفيدة جدا

وتفاعل ممتاز

أنا مو محتاجة أسأل إلى الآن لأن الأخوات والاخوان مو تاركين شي

عيني عليكم باردة

بس أنا إلى الآن مقهورة !!! !!!