تجمع طلاب university of british columbia

مرحبا بنات,, كيفكم ؟؟
الواحد يدوخ السبع دوخات عشان يحصلكم!!
شكرا يانونا ياعسل انتي ع المعلومات والسؤال عننا,,
أبشركم سوبنا الفحص والحين ف انتظار الفيزا زيك ياحور وان شاء الله ماتتأخر يارب,,
تصدقي ياحور انك فتحتي موضوع شائك طول الوقت وانا بفكر ف وضع زوجي ووظيفته,, مايبغى يفصل وهم مو موفرين خيارات كله مو موجود بالنظام ع قولتهم,,
عاد أنا زوجي لمن جا يقدم للمسؤل عندهم انو مرافق وهو زوجي و مافي غيرو يروح معاي ,,
كتب لا نوافق ولا يوجد مادة ف النظام تسمح بذلك,,ويقول ماله داعي وتغريب للشباب ومدري وشو,,
وهو بامكنه يوفعها ويحل أزمة ,, الله يحلها لنا وهو أعلى وأعلم
بس حور انتي زوجك شو وظيفته؟؟

أهلين بالغالية أم حور
كيفك وكيف الامورة؟

زوجي محاسب بالقوات البحري يعني الوضع عندنا أخف شوي لانو مو عسكري زي زوجك
بس خليها على الله أنا بصراحة تعبت وأنا أفكر
ان شاء الله ربي بيسهلها
لا تنسي بوسي لي حووري الحلوة

اهلين كيفكم يا بنات
والله الهم واحد نفس الظروف الي نمر فيها يا حور ويا سمر مشكل الاجازه من عمل زوجي
يا الله يا بنات نوحد الدعاء يارب يا كريم يسهلها من عنده قولوا اميييييييييييييييييييييييييين

اهلين يا بنات اخيرا طلعتوا ،،

الجو دي اليومين حر صراحة طفشنا عمرنا ،،

بس ان شاء الله يستعدل قريب ،،

ربي يفرج همومكم ويسر دربكم ويختا رلكم الخيرة الطيبة ،،

حور ، نونا ماسترز , سمر ، ماستر 2 .... إلخ

السلام عليكم ..

كيف أموركم ؟؟

شكلكم نسيتوني لأني قاطعة

الصراحة الوحدة تحتاس إذا جت تسافر !!

خلاص أنا طالعة بعد شهر وبديت أوضب الشنط .

مشغولة وايد مع الشقة .. لأني قاعدة أجمع الأغراض وأجهزها وأكرتنها !!

تدرون ....... الشقة تأجير ولازم نشيل أغراضنا لأن بنطلع منها .

والله إني مقهورة على أغراضي .... ومملكتي ( بيتي )

أنا بالنسبة لي كنت مخلصة أموري من زمااااااااااان

لكن زوجي أجل الدراسة لي لأنه كان ما يقدر يطلع من عمله في أسبوع ( وصلت الفيزا قبل أسبوع من موعد الدراسة السابق )

أنا حاسة إن الأمور بتتسهل إن شاء الله

وطبعا حجزنا على لافتانزا من الدمام إلى فرانكفورت ومنها إلى فانكوفر .

الله يعينا على الرحلة الطويلة والانتظار الطويل .

واكثر شي شايلة همه هو ( نتعلق في السما لمدة 17 ساعة طيران ) والله شي عظيم

بالنسبة للسكن شكلنا بنحاول على منطقة ريشموند ( لتواجد المراكز والمساجد الإسلامية )

والشيء الطيب إن فيه واحد يعرفه زوجي طالع على فانكوفر قبلنا بعشر أيام !!

يقول بيسوي عليه تجارب

موفقين يارب ,,,,,, ونراكم في أقرب فرصة .

نسيت أقول ...

أنا زوجي مدرس

والمدرس ما فيه أسهل من إجازته

حتى هو تفاجأ من التسهيلات .

هلا والله بالغالية نور
وينك اشتقنا لك بصراحة توني اليوم اقول بنكتب نداء لنور ههههههههههههه
عالعموم الله يقويك ويسهل أمورك وأمورنا يارب

ايمي
امييييييييييييييييييييييييين الله يسمع منك وربي يسهلها ويكتب لنا كل خير
بالتوفيق

نونا الله يبرد عليكم ولا تخافي كم يوم ويرجع الجو حلو
نوووووووووووور أهلين وين الناس؟
الله يعينك ويسهل أمرك يا رب
وتوصلين بالسلامه
تحياتي لكل البنات هنا

اهلين يا بنات

لا ابشركم الجو صار كويس

والامطار رجعت تاني

سبحان الله كيف جوهم ينقلب بين لحظة وضحاها ،،

نور توصلي بالسلامة يا عسل ،،

زين يانونا
ربي يجعلها أمطار خير عليكم