تجمع طلاب university of british columbia

الأخ Just Deam

مشكور جدا على هالمعلومات

الصراحة شي جديد عليا

والله يعطيك العافية

بس فكتوريا يقولون جميلة جدا وهادئة جدا

وإذا يتكلمون اللهجة البريطانية أحلى بعد

لأنها أوضح في النطق

شكرا ياختي نورا
افاديني بجوابك
لوتعرف المزيد عن فكتوريا بلغيني

أهلين وسهلين بأختي أحلام مؤجلة

لا شكر على واجب

والله كأني ما حطيت شي مفيد !!

لكن ما عليه إن شاء الله بحاول أشوف أي شي عن فكتوريا وأحطه هنا

ولا تنسين إن احنا في نفس الولاية ( british columbia ) يعني لا بد من المرور علينا هناك

أنا ميدو .. ماستر رياضيات .. معاكم في UBC أخدت قبولي من مكتب جدة بس لسة ماقدمت ع الفيزا وماني عارفة لازم اطلع الرياض عشان الضمان المالي ؟؟.. كلمت السفارة الكندية في الرياض ..قالتلي الموظفة لازم أجيب الضمان المالي خاص باسمي !!..وأنا في ينبع ومافي وقت ايش العمل والدراسة مابقي عليها شي !!وغير كدة زوجي مايبغى يروووووووووووووووووح ولاسوى أي شي في عمله رغم إنه يعمل في قطاع حكومي !!. ومع كدة بحاول معاه إني أطلع لو سنة بس.. مو راضي وممكن يوافق بس شهرين غيرها مافي !! ..خلوها على الله .. أنا تعبت ..وفيها أروح وفيها لا !!.......دعواتكم .....

اختي نور
بالنسبة للجامعة ما فيها قبول مشروط ((توضيح))
المعهد على حسب ما قريت في المنتدى القبول ياخد 5 ايام تقريبا
الفيزا بصراحة ما عندي اي فكرة لانو زي ما قلت اول انا من طلاب سابك يعني دي الاشياء كلها ما سويتها قبل ما اجي
الي اعرفو انو اول ما انقبلت اعطيتهم كل اوراقي وجوازي واستلمت كل شي احتاجو في المطار يوم السفر
اسف والله ما عندي فكرة عن دا الشي
تقبلي ودي
واي سؤال تاني انا حاضر
لكم مني اطيب تحية
اخوكم
معن

upppppppppppppppppppppppppppp

السلام عليكم ،،

إلى الاخ top_of_mercy

أنا رايحة كندا مع أخي إنشاء الله ،، ماذا تنصحنا بالنسبة للسكن ،، هل الافضل مع عائلة (( خصوصا أنني فتاة )) أم سكن مستقل ،،

وما هي نصائحك بالنسبة للسكن ؟؟

وممكن تعطينا اسماء فنادق ما تكون غاليييييييية وقريبة من جامعة بريتش كلومبيا ،،

معليش بس انا شايلة هم السكن وابغى اعرف كيف ممكن الواحد يوفر سكن كويس ،،

وشكرا سلفا ،،

اختي نونا
بالنسبة للسكن ترا عادي
انا اعرف بنت معانا ساكنة مع عايلة
الوضع كلو يعتمد عليكي انتي وكيف طريقة تاقلمك وهل انتي من النوع الي تمشي حالك((flixable)) او تبغي كل شي احسن شي
طبعا ما انكر انو السكن في العايلة جدا ممتاز ويساعد
بس كمان يعتمد على العايلة الي راح تسكني فيها في عوايل اوووكي زي الي انا فيها الحمد لله مرة مو ناقصني شي
وفي عوايل يمكن ما تعجبك طريقتهم او بخلهم في الفلوس او في اي شي من دا القبيل
اما بالنسبة للشقة
الشباب ليهم شهرين نقلو لشقة وكلهم كانو مرتاحين في عوايلهم بس يقولو الشقة احسن
بس السبب حقهم هوا انو كلهم مع بعض
بس الشقة عيبها انو غالية
يعني بتدفعي للايجار ات ليست زي الي تدفعيه في العايلة بس الفرق انو العايلة مع سكن
بس ميزة الخصوصية ممتازة في الشقة
مع انو بالنسبة ليا انا ما اشوف انو في اي مشكلة في الخصوصية في العايلة بس يعني زي ما قلتلك تفرق من شخص لشخص
ممكن ازا تبغي تجربي اول شهر في عايلة وشوفي نفسك ارتحتي ولا لا ازا لا انقلي لشقة
بالنسبة للنصايح
انا ما جربت اسكن في اماكن معددة
يعني كلها دي العايلة من اول ما جيت الين دحين
بس ازا شقة انتبي لكل شي في العقد تمااام
لا تخلي اي نقطة او سؤال في بالك الا وتقوليه
انتبي لمدة العقد وهل شامل الموية والكهرباء والتدفئة ولا لا
اما بالنسبة للفنادق
بصراحة ما اعرف فنادق قريبة من الجامعه
بس ممكن تسكني في الداون تاون وتروحي الجامعه وقت ما تبغي بالباص ترا كلها نص ساعة في الباص
الداون تاون مليان فنادق بس حطي في بالك انو الاسعار طبعا غالية مقارنة بالسعودية يعني لو شي ب100-200دولاركندي يجي نضيف وحلو
واحب اقلك لا تشيلي هم السكن وترا كلها تتيسر بس انتي ادعي ربك والله يكون في عون الجميع
ولو تبغي اي مساعدة حتى لو بعد الوصول ان شاء الله بالسلامة انا في الخدمة
لكم مني اطيب تحية
اخوكم
معن

أخ معن

ربي يوفقك لما يحب ويرضى

تراك هونتها علي ربي يهون عليك كل صعب

تشكر ،،

بس أخرررر سؤال

هل ممكن نسكن أنا واخويا بعيلة وحدة ؟؟

وهل ممكن نتشرط على العوائل بشروط معينة ؟؟ ولا هما الي حيتشرطوا علينا ؟؟

وشكرا ،،

مراحب ,,شخبار اصدقاء الدراسة؟
ربنا يوفقنا لما فيه الخير والصلاح يارب ,, قولوا امين
بس حبيت اسأل بدأتوا بالتأشيرات ولا لسه؟
good luck