تجمع طلاب university of british columbia

اختي حلا نجد: المبنى داخل الجامعة بس اي واحد ممكن يروحله
روحي وقوليلهم انك ناوية تدرسي وتبغي تكلمي الانترناشونال ادفايزر وراح ينادولك واحد يكلمك
مموقع المبنى تلاقيه هنا
Wayfinding at UBC

اخوي العايد: ان شاء الله يوم السبت "لسة ما مو اكيد" من الساعة ٥ الى ٧ تقريبا في نفس الملعب
حسام ان شاء الله راح يرسل رسالة للقروب في الفيس بوك
اني ويز مبروك التخرج وعقبال الدكتوراه ان شاء الله
بالتوفيق
معن

الله يعطيك العافية يااااارب ما قصرت ..

أخوي معن عندك فكرة عن جامعة كابيلانو ؟؟

اختي حلا نجد :ايوة تقريبا... اعرف ناس درسو فيها وعندي خلفية عنها
اتفضلي اسالي وان شاء الله لو اعرف ما راح اتاخر بالرد ولو ما عرفت اظن الجماعة هنا ان شاء الله ما يقصرو

بالتوفيق
معن

تسلم يااارب ..

أنا عملت موضوع بس للأسف ما حصلت رد ..

استفساراتي ..

بالنسبة لمستوى الدراسة في جامعة كابيلانو.. و المعهد اللي فيها ..

هل يطلبوا توفل ولا فقط اجتياز مستوى ؟؟ و ايش هوالمستوى ؟

هل مقبولة للتعليم العالي و لا ؟ ..

نسبة العرب هناك ؟

بانتظاركم

اوكي
اول شي كابيلانو كانت كلية وقبل سنة تقريبا صارت جامعة (وعملو رجة)
انا ما ادري ليش بس الى الان ما اعتبرها جامعة لانها جدا صغيرة....

بالنسبة للدراسة
اول شي التخصصات الي تقدري تاخذيها من عندهم محدودة
في نظام اخر اسمه "university transfer program" يعني تدرسي سنة او سنتين في الكلية وبعدين تحولي على الجامعة
للاسف اغلب الناس الي اعرفهم كانو في دا البروجرام وما قدرو يحولو للجامعة "بسبب المعدل"
يعني لازم تجيبي معدل مرة ممتاز اذا ناوية تحولي للجامعة
الدراسة على كلام بعض الشباب كويسة "الحضور اجباري لان الكلاسات صغيرة" وانا اعتبر هذي ميزة
بس المعهد هممم
قبل يومين كنت اتكلم مع واحد درس في المعهد وقلي "اسهل بكثير من معهد اليو بي سي"

بالنسبة للتوفل... لو تبغى تبدأي دراسة اكاديمية ايوة يطلبو توفل والله اعلم يطلبو ٨٦ "الدرجة" بس كله طبعا على حسب التخصص
لو درستي في معهدهم ممكن في اخر مستوى بالاضافة الى اللغة تاخذي كورس او كورسين من الكورسات الاكاديمية
يعني مثلا انتي في المستوى الاخير في اللغة ممكن تاخذي كورس ماث "رياضيات" مع اللغة على سبيل المثال
وطبعا لو خلصتي المستويات كلها تاخذي كورسات اكاديمية فقط
(الشرح شوية ملخبط... لو في استفسار انا حاضر)
بالنسبة للاعتراف ما ادري بصراحة... حاولت ادخل موقع التعليم العالي بس لقيت صفحة الجامعات الموصى بها متعطلة

العرب.... همم في نسبة طيبة بس ما عندي اي فكرة كم ...


بالتوفيق
معن

شكرا ما قصرت

بس طيب أخوي معن أنا مفكرة أدرس 3 سنوات علوم + انجليزي في المعهد .. لأني ناوية أدخل طب اسنان ان شاء الله ( يتطلب 3 سنوات علوم )

فهل ممكن أنقل بعد ما أخلص الى جامعة ثانية فيها طب أسنان وأكمل ؟؟؟ أنا مفكرة ألبرتا لأن يو بي سي يقولون القبول صعب جدا عندها ..

بالنسبة للمستويات الصراحة ما فهمت كثير .. بس هم كم مستوى انجليزي عندهم ( UBC عندهممثلا 6 مستويات اذا عديتها خلاص أكون معبرة اللغة )

فكيف النظام في مثل حالتي اني أبغى أدرس لغة و علوم مع بعض ؟؟

يليت لو تقدر تجاوبلي على أسئلتي لأني من جد محتاجة مساعدة .. جزاك الله خير

اوكي
بالنسبة لعدد المستويات اظن والله اعلم انها ٥ "ما ادري عن مدة المستوى الواحد"

بالنسبة لو تبغي تدرسي لغة وعلوم مع بعض: لازم توصلي مستوى معين من مستويات اللغة "اظن انه ٤" وبعدين راح يسمحولك تاخذي مادة او اثنين اكاديمية بالاضافة الى اللغة

بالنسبة لطب الاسنان : ubc ما تقبل طلاب اجانب سواء في الطب او الصيدلة او طب الاسنان لمرحلة البكالوريوس واظن اغلب جامعات كندا نفس النظام
بس على حسب علمي ان جامعة تورنتو عندهم ٨ مقاعد بس للطلاب الاجانب! والمنافسة جدا جدا صعبة "ما ابغا احطمك بس هذي الصراحة"
بالاصح لازم تجيبي معدل مررررة قوي في ال٣ سنوات في العلوم وبعدها تختبري اكثر من اختبار وعلى اساسهم يحددو من يدخل الكلية
عشان تتاكدي اكثر ممكن تدخلي مواقع الجامعات وتشوفي بنفسك
بالنسبة لجامعة البرتا
Undergraduate Medical Education - Doctor of Medicine Admissions: Requirements
اول متطلب ان المتقدم يكون كندي! يعني ما يقبلون طلاب اجانب زي اليو بي سي

بالتوفيق ان شاء الله
معن

الله يعافيك ياااارب .. و ما قصرت ..

ما تعرف طيب جامعات ثانية توفر مقاعد للأجانب " طب أسنان " غير يو بي سي " ؟؟ >>> متعقدة منها !!

تعبتك كثير معااااي .. السموحة

اختي حلا نجد: تعبك راحة اهم شي الدعوات....

مثل ما قلتلك على حسب علمي اغلب جامعات كندا نفس الشي
جامعة تورنتو توفر في الطب ٨ مقاعد بس على حسب علمي ومثل ما قلتلك المنافسة قاتلة! اقصد جدا صعبة!
بس طب الاسنان وعلى حسب المكتوب هنا
Procedures for Application, Undergraduate Admission Guidelines - Faculty of Dentistry, University of Toronto
ما اظن انها توفر لانه احد المتطلبات : شهادة اثبات الهوية الوطنية "يعني لازم كندي"

للاسف ما عندي فكرة عن الجامعات الثانية
طبعا اظن ان كل الجامعات تقبل طب اسنان للدراسات العليا بالنسبة للطلاب الاجانب

اذا مرة تبغي طب اسنان ممكن تشوفي امريكا "ما عندي فكرة عنهم ابدأ" بس اظن الاخوان في منتدى امريكا ما يقصرو معاكي
لو مرة ما تبغي تتركي كندا ممكن تختاري تخصص اخر غير "طب صيدلة او طب اسنان"

بالتوفيق ان شاء الله
معن

في البداية الله يوفقك و يحقق لك كل امانيك يااارب ..

الله يعين شكله مصيري بيكون أمريكا ..>> رغم اني ما أواطنها بالمرة !!

بس أتوقع عادي لو أدرس العلوم بكندا و اكمل طب الأسنان في أمريكا و لا ما يصير ؟