تجمع طلاب university of british columbia

السلام عليكم ورحمة الله وبركاته

أنا حابة استفسر على معهد اللغة التابع للجامعة وعرفت انو معهد ممتاز جداا لكن عرفت انو المستوى الواحد 4 شهور
والمبتعث معاه سنة 6 شهور فقط ؟
فارجو الرد رجاااااااااء

انا جبت قبول ماجستير من UBC ولكن الوزاره رفضته!!!!!!!!!!!!!
جبت القبول بطلوع الروح وGMAT كان موت صعب والدراسه والسهر!!! لو اقدر والله كان درست على حسابي! من جد ماتسوا علي هالبهدله!

مدة اللغه راح تنتهي بعد 3 اشهر واذا ما بديت دراسة الماجستير بعد شهرين حيروح القبول ولا اكون استفدت شي من البعثه وضاعت سنه من عمري في الهوا وحسسسسبي الله ونعم الوكيل!!!
مدري ابدء ادور وظيفه او اخذ قرض لمصاريف الجامعه او ..... مدري بس حسسبي الله ونعم الوكيل! والله قهرررررررررر

على اي اساس الوزاره رفضته ؟؟!!!!

اليو بي سي هاي لشو يرفضوا ياريت توضح اخوي

لان التخصص المكتوب على القبول يختلف عن المكتوب في بوابه المبتعث
مكتوب في البوابه اني علوم صحيه وقبولي فرع من العلوم الصحيه
قالولي اسوي طلب تغيير تخصص وسويت الطلب وبرضه اترفض
والتذكره اترفضت ومابقا قدامي غير شهر على بدء الدراسه

والله انه كان مررره صعب اجيب القبول وUBC يطلعو روح الواحد قبل مايقبلوه
الGMAT لحاله اخذ مني 5 شهور دراسه ومرت علي ايام رميت الكتب واستسلمت وقررت اني مااقدر عليه
بس كان يمر اسبوع واقول اني لازم اكمل اللي بدءته واني راح اشوف واحصد نهايه كل تعبي
لكن للاسف نهايتها اني اتبهدل زياده!

كلم الملحق الثقافي نفسه لاتسكت

واصلا مفروض يشجعوا الطلاب على جامعات كذا والي يحصل قبول باي تخصص يعطوه

بس تواصل مع الملحق دكتور فيصل

واصلا انت فرع من تخصصك فيحق لك تواصل واشكي له وخله يزبطه لك وان شاء الله امورك تمام وموفق باليو بي سي

قولووو اميييين


ان شاءالله يجيني القبول بفانكوفر ومعهد برتش كولومبياااا

سمعت انه بطـــــل بس صعــــب < كيف

هل الصعوبه من ناحية واجبات او اختبارات ؟
اذا على الواجبات ان شااءالله اذاكر واشد حيلي

لكن ماودي اختباراتهم تسبب لي احباط خصوصا انه باذن الله اذا انقبلت يبعد عن المنطقه اللي بسكن فيها لمده ساعه

معروف انه فيه سعوديين كثير أثر عليكم هذا الشي؟

الله يوفقكم يارب

سمعت مثلك قبل ماجي مافيه ذره صعوبه

على العكس حبيته اكثر

وحلو ان كل كلاس انت مستواك يختلف ومختبرينك فيه

مثلا السعوديين عاده لسبيكنق عدنا قوي في اشياء ثانيه اقل من غيرنا

فلما يناخذ كل المستوى على بعضه نصير بالنص شوي

نصير بعدها بكلاس اليابانيين يمكن اشطر منا برايتنق بس بلسبيكنق احنا اشطر منهم ونتبهدل كذا

باليو بي سي

كل كلاس حسب مستواك يعني عادي يكون مستواك لسبيكنق اعلى من الباقي
فبتالي بكل كلاس كل الناس الي معاك بنفس مستواك بزبط فانا اشوفها نقطه ايجايبيه

الواجبات ماهي بذيك الصعوبه واجب مباشر على الي تاخذ بلكلاس ان طول مدته ساعه

اللهم واجبات الرايتنق اذا تبي تكتب ايسي او المستوى السادس يسووا بحوث

بس هذا يكون واجب واحد بالاسبوع عندك الاسبوع كامل تشتغل عليه

واختباراتهم انا ماكان عندي مشاكل وياها

القبول في UBC اصعب من الجامعات الثانيه لكنه ممكن اذا اثبتيلهم انك طالبه مجتهده
والحلو فيهم انهم يقدرو التعب والمجهود

الصعوبه معظمها من الوزاره لانهم قد ما تحاولي تثبتيلهم اجتهادك ماينفع وابدا مايتفاهمو بالمنطق
انا معاي قبول ماجستير من UBC والى الان رفضته الوزاره 3 مرات مع اني ذكرت مبررات جدا مقنعه لكن واضح جدا انه لااحد يقرا الخطابات

المهم الحين ان بعثتي تنتهي اكتوبر 2010 وراح اصير على حسابي الخاص والحمد لله رتبت اموري اني ادور وظيفه في فانكوفر عشان اقدر ادفع مصاريف الجامعه والله ولي التوفيق
الله يغنيني عن البهدله والمذله اللي سوتها فيني وزارة "التحطيم" العالي!!!!!

خطابات ياختي ماحد يسمع

كلمي الملحق بنفسه تلفون او حطي له بالفيس

اوراق مابيقروها

بس اول كلميه واذا احتاج خطاب قال لك اكتبي

صدى الغربه

انتي مشاءالله عليك شاطره وانجليزيتك بعد زينه ماعليك خوف

لكن انا ماقولك اني كسلانه لا نسبتي بالثانوي 95.17% والحمدلله

بس المشكله بالانجليزي ماعرف الا اساسيات ويمكن حتى اساسياتي غلط !!

اكيد اني بذاكر وانا جايه عشان ادرس ومفكره اني لو اجي بمعهد تجاري بعدين احول على معهد الجامعه
او اني ابدا اخذ اساسياتي من عندهم اخاف يخلص الوقت وانا ماخلصت اللي هو 6 لفلات كل لفل 4 شهور تنقص هذي المده لو تقدمت باللفل ؟

وافكر بجامعة سايمون احسها اسهل من برتش كولومبيا مع اني ماعرف اذا جامعتكم فيها ماستر ماركتينق ولا لا الله يعيني القى قبول لهالتخصص


ليش يرفضووون؟؟ نسبتك البكالوريوس اقل من المطلوب ولا ايش ؟