تجمع طلاب University of Victoria

السلام عليكم ورحمه الله وبركاته,,,
أولا الحمد لله على سلامه الوصول.
ثانيا الله يكون في عونكم, إن شاء الله بعد هذا الإسبوع راح أفضى وراح أساعدكم بإلي أقدر عليه, وإللي يبغى إي إستفسارات يرسل رقمه على الخاص وإن شاء الله راح إسوي باللي أقدر عليه, والأخوان هنا ما راح يقصروا معاكم...
عشان السكن, حاولوا تحجزوا سكن من الأن على بدايه الشهر الجاي, وأحسن طريقه هي عبر النت بما أنكم ما تعرفوا البلد.
راح أرفق بعض المواقع للسكن, حاولوا إيجاد ما يناسبكم وأحجزوا بالتلفون أو بالإيميل...
http://victoria.en.craigslist.ca/
http://housing.uvic.ca/ads/index.php?a=5&b=193
وراح أرفق موقع المسجد اللي هنا, تقدر تعرفوا منه الموقع ومواعيد الصلاه.
بالنسبه لي, أنا أطبع مواقيت الصلاه شهريا وأعلقها بالبيت...
http://www.bcmavictoria.com/
الله يعينكم في غربتكم ويوفقكم في دراستكم...
ونلتقي إن شاء الله...

يا شباب الي موجودين الان بفكتوريا ياليت احد منكم يخدمنا ويسأل لنا عن وضع التأخر بالوصول

الدراسة ستبدأ في 30/6 لكن الى الان ما وصلت الفيزا والمتوقع انها خلال اسبوع الى اسبوعين وتصدر ان شاء الله يعني راح يكون هناك تأخر على البرنامج ما يقارب الاسبوع هل فيه مشكلة؟

وكيف طريقة تأجل الدراسة وما هو اقرب موعد للكورس الثاني؟


ومشكورين..


ياليت لو في احد بعد عنده نفس المشكلة يقلنا وش راح يسوي؟

ابو معاذ انا مثلك ورحت للوزاره قالولي مايمديك تدرس الكورس هذا لازم تأجل

إلي بسويه ان شاء الله اني راح اراسل الجامعه بالتأجيل

إذا عندك حل ثاني نسويه اقترح علينا

وربنا ييسر امورنا ويكتبلنا مافيه الخير

ومثل مايقولون كل تأخيره بخيره

اخوي Wa'el
شكرا على اهتمامك وحرصك والله يكتبلك الاجر بس الحمد لله انا لقيت اللي ساعدني
ومشت اموري والحمد لله.

اما بالنسبة لي وللعائلة فوصلت مونتريال وتابعت بالسيارة على اوتوا

مريت الشباب بالسفارة والشباب في الملحق الثقافي خصوصا الاخ محمد الطويل ماقصر خلصت معاهم شويت امور ثم رجعت على مونتريال اليوم وبكرة السبت بكون في فيكتوريا انشاء الله

على فكرة الشباب في الملحق الثقافي يسلموا عليكم كثير السلام

وابو الياس انتظرني لا تفر البلد كلها في اول يوم انتظر نفرها سوا اوكي

سلام

اخوي ابو زينة استفسار عن مطار مونتريا لو تكرمت.

هل الاجراْات معقده فيه ؟ بخصوص الامقريشن بالتحديد لاني وانا اخوك طالع من مونتريال الى فانكوفر ومحطة مونتريا ماهي الا ترانزيت , ياليت لو بايجاز تقول لي ايش صار معاك مع الامقريشن في مونتريال وماهي المستندات الي طلبها منك

الاخ ابو معاد انا بعد راسلت الوزارة وقالوا لي راسل المعهد . طبعا بالنسبة للغة الكورس يببتدي في 30/6 بس كورس ثاني بيبتدي بعد شهر يعني في جولاي فاذا ما قدرت تدخل في الجاي ادخل في اللبعده بس حاول انك تكلم المعهد

اخوي فهووووود

بالنسبة للأجراءات في المطار اول ماتوصل كندا اول مرة ومعاك طبعا الفيزا

1- راح يعطوك اوراق في الطيارة تكون عبيتها بالانجليزي تسلمها لمكاتب الجوازات يسجلك دخول في النظام عندهم وبعدين يختملك على الجوازات

2- راح يحولك على مكتب التجنيس بيطلب منك اوراق القبول مال الجامعة اذا موجودة علشان تسرع لك الورقة حقت بطاقة الاقامة الكندية حيث انه برقم خطاب القبول راح يبين معاه في النظام انت جاي كندا ليه بالضبط

3- بيطبعلك الورقة ويدبسها في الجواز علشان هي تعتبر بطاقة الشخصية حتى المعهد بيطلعلك بيها بطاقة الطالب وتقدر بالورقة هذي تفتح الحساب البنكي حقك

اخيرا اجراءات الشحن للرحلات الداخلية لازم تعرف انه لك في كل شنطة 24 كيلو بس لاتزيد ترى بيدفعك وزن زائد حتى لو ماوصلت للوزن الاجمالي يعني عندك شنطتين وحدة 15 ك والثاني 28 ك راح تدفع فرق وزن 4 ك انتبة حتى لوتاخذ كيس وتحط فيه الوزن الزائد

يعني الاجراءات لاهي معقدة ولا شي المسألة ومافيها انهم ماشين على نظام ماشي على الكل

الله وفقك انشاءالله اكون افدتك

حيآكم آلله ..

وآللي للحين مآسجل .. يحآول يبتعد عن فكتوريآ !
وضعهآ صآر مثل فآنكوفر
آلسعوديين كثروآ بشكل ملآحظ جدآ

يا شباب احد يعطينا ايميل معهد جامعة فكتوريا من اجل تأجيل الدراسة إلى الان ما وصلت الفيزا وبقي 6 ايام عن الكورس!!!

هلا بيك و neoxxx<< بشروني اخواني ايش سويتم راسلتم الجامعة ردوا عليكم؟
واذا ما عليكم كلفة ممكن الصيغة بالانجليزي الي اراسل بها الجامعه