تجمع طلاب Simon Fraser University

اخ عمرو باشا.......
انا حالي زي ماهو جالسة استنى الففحص الطبي الى الآن ماجا وانا لي تقريبا 7 أيام
انت بعد كم يوم جاك الفحص الطبي اتأخروا عليك ولا كيف؟؟؟؟؟؟؟

هذي صور اتحداكم اذا شفتوها للجامعة قبل كذا...
http://www.sfu.ca/FacilitiesManageme...a_gallery.html

وهذي صور لزملاؤكم في المعهد طبعا غير الوجيه الكريمة اللي معنا في المنتدى طبعا اقصد الصورى الاولى...
http://elcnews.blogspot.com/

برو اهلين ....كيفك
اناطبعا في الفترة اللي كنت انتظر فيها اوراق الفحص الطبي كانت اصعب مراحل حياتي ال21سنة اللي فاتت...
جاتني بعد عشر ايام ولله الحمد لانو كانت بياناتي سليمة...
بس اذا تاخرو عن 14 يوم لازم تتصلي على السفارة وتشوفي ايش مشكلتهم..
انتي لما راسلتيهم عن طريق ارامكس مين اللي عبالك بيانتك؟؟؟في احد ساعدك ولا لوحدك؟؟؟

لا والله مليتها لوحدي ...... بس الأشياء اللي ماعرفتها سألت فيها صحبتي في كندا
يعني انا شبه متأكدة انه بياناتي صحيحة ومافيها غلط بس اللي خايفة منه هو فيزا الوالد
ترى من جد اصعب شي الانتظاررررررررررررررررر .....

هما يقولوا فيزة المرافق الان اصعب شي ......
ليش قد كذا مشددين على فيزة المرافق مع انه فيزته سياحية يعني اسهل من حقت الطالب..؟؟؟
وبالنسبة للانتظار انا حسيت بللي قاعدة تمري فيه ويمر فيه الغير لاني مريت في هاالمرحلة
بس من يوم مايطلعلك الفحص راح تعدي الايام بشكل ماتتصوري
بس دحين سؤال انتي لمن تروحي انشاالله هناك ورجع ابوكي بالسلامة السعودية يقولوا لازم يكون في شي يثبت للملحقية انه المحرم موجود كل ست شهور ايش الحل اذا ماكان موجود ابوكي في ها المرحلة (انا افترضت انه ابوكي يوصلك ويرجع)؟؟

أخوي عمرو ,, ماتوقع الملحقية تتابع الطالبات وتلزم المحرم يجلس 6 شهور او اكثر

ماحد حولك يارجال خخ

الله يوفق لكم وتجيكم الفيزا باقرب وقت ممكن

هلا شباب
عندي لكم خبرية مزعجة شوية
آخر موضوع وصلني عن جامعة سايمون معهو على المعهد
يقول المصدر "ترتفع نسبة الانتحار سنويا في جامعة سايمون وذلك بسبب موقع الجامعة الذي يقع على منطقة جبلية في منطقة برنبي حيث أن المنطقة معزولة عن الناس والسكن الجامعي بعيد قليلا"
المصدر:صديق سعودي يدرس في جامعة برتش كلومبيا

والخبر الثاني
محتاج والله دعمك والدعاء
أعاني ضغوطات شديدة وصراع نفسي في ترك البعثة وخاصة أنني موظف براتب 10,000
والشركة عطتنا زيادة وصلات راتبي 12,500
زوجتي حامل في الشهر الثاني وما راح نروح معي الآن
طموحي أصير تاجر لأن بصراحة تسعة أعشار الرزق فيها يعني بالنسبة ليا الوظيفة راح تكون مصدر دخل ثاني إذا ربي وفقني
ودائما الصدمة من الشباب اللي معاي
ايش راح تستفيد من الماجستير وبعد 3 سنوات راح يوصل راتبك 15,000
غير الارباح اللي توزعها الشركة سنويا راتيبن أو 3رواتب
وغير كذا يحطمونا وخاصة بعد سنتين الشركة راح تعطيني بيت بنظام المنتهي بالتمليك
بصراح يا شباب إنت لو عندك هذه المميزات راح تروح البعثة وإلا تستمر على هذا الوضع

أنا زيك يابرو أستنى الفحص الطبي لكن لاتهتمي لسى يعني ان شاء الله تتسهل امورنا..

أخوي مهندس أنا عارف أنك تبي أحد يدعمك بقرار الدراسة لكن الصراحه لو أنا بمكانك والله أجلس بدون تفكير ..الغربه وأنا أخوك صعبه خصوصا وأنت متزوج ولاتدري وش الظروف أذا رجعت ولا تدري هل أنت راح تقدر تعدي الماجستير لأن لاحظت الكل حاط بجيبه انه بيعدي ولا فكرو بصعوبة الماجستير راتبك والمميزات الي حاصل عليها يحلم فيها أي شخص أذا أنت مرتاح بعملك أنصحك وبقوه أنك تجلس أفضل لك واذا على اللغه إطلع بعدين على حسابك وأدرس براحتك ..

هذي وجهة نظري وأنصحك بالاستخاره ماخاب من أستخار ربه ..

أتمنى لك التوفيق..

اولا
الأخ عمرو والله مشكوووووووووووووور على مساعدتك لي في الابليكيشن وطبعا على السؤال
وربنا يكثر من امثالك
ثانيا
الأخت برو... لا تشيلي هم
ثالثا
الأخ عمرو تاني مره... ليش يرجع محرم برو؟؟؟
خليه يقعد هناك ولا ترى بنشتغل سواقين
وجعانه...جيعانه....بابا وحشني وتقعد تبكي وطبعا من حكم اننا اهل بلد وحده والمسلم للمسلم كالبنيان يشد بعضه بعضا محد يقدر يطنش ويقول نفسي نفسي
لا يا سيدي خلي البابا جنبها
بس لو كان مررره ضروري يرجع البابا يسير امرنا لله (احسنو النيه)
رابعا
يا مهندس خطيييييييير
راتبك وصل 12.500 وبعد 5 سنوات حيوصل 15000 هدا وانته معاك بكالوريوس
طيب ومع الماجستير كم ممكن يسير؟؟؟ 20000 ولا 25000
بعدين انته راضي دحين بوضعك وعطاءك شغال.. بعد 10 سنوات حتوقف مرتبتك وممكن تسير عاله على الشغل (طبعا احتمال وارد) لكن شوف لو جيت بدكتوراه فكر ايش ممكن يسير وضعك
شوف ياعمي اللي ماسكين مناصب في شركات والله بعضهم ماتعرف كيف وصل والف واحد يتكلم عنو وانه كيف وصل..
فما بالك لو دكتور ولا معاك ماجستير
والله احنا اهل لهدي المناصب بس تنقصنا كلمة دكتور
شد الهمه ولا تتراخى ابدن
انا ترى حالي بالضبط زي حالك الفرق انو عندي بنت ومرتي مهي حامل
وراتبي زي راتبك ولسه في مميزات جايه للشركه
وعندي طموح بمنصب حساس في البلد اخدم فيه البلد والشعب

توكل على الله ومن سكلك طريقا يلتمس فيه علما فهو في سبيل الله حتى يرجع
مايكفيك انك في سبيل الله؟؟؟؟؟؟؟؟؟؟؟؟؟؟؟؟؟؟
اللي رزقك دحين يرزقك بكره والرزق فوووووق عن رب العباد محد يقدر يخمن
وهدي فرصه حلوه انك تتعلم وتطور نفسك وتكسب خبره وياسيدي يكفي شلالات نياجارا ولو رحت شفت حريم كندا وهم يتمشو في شوارع كندا هدي لحالها تعادل 5 سنوات خبره في التحليه او العليا ولا شارع الحب (اعتقد انو هدي هي الشوارع اللي يتفلتو فيها الحريم)

اسف على الاطاله
بس كلام من القلب اتمنى انو يوصل للقلب خصوصا للمهندس خطييير

وليد ...حبيب قلبي ...العفو وان شاالله في غمضة عين ماتدري الا القرارطالعلك...
احلى شي لمن قلت على محرم برو انو خلي محرمها معاها لا نشتغل سواقين معاها...
بس عدلت الموجة في الاخير وقلت المسلم للمسلم كالبنيان المرصوص...نظام رقعلي وارقعلك

بالنسبة لمهندس خطير انا اضم صوتي وبشدة مع الاخ وليد والله ييسرلك مرادك ويهديك للصواب.