تجمع طلاب Simon Fraser University

هل الجامعة تعطي قبول مشرووووووط؟؟؟

بلييييز ارجو الاجابة

اخوي ترللم اسم المعهد التابع لجامعة سايمون فريزر هوا
the English Language and Culture

اذا تبي مكتب جيد عندك الرحلات الذهبية فقط 1250 ريال ويجيب لك قبول فيها
-----------

اخوي برنس نعم تعطي قبول مشروط

الله لايهينك ياعبدالعزيز ماقصرت

بس الظاهر المصري ماقدملي على ذا المعهد للي تقول عليه ..

قدملي عل معهد ثاني يقول مافيه ولا سعودي !!

قلتله معتمد من الوزارة ؟ قال ايه .. قلت الجامعه معترفه فيه قال ايه !!

مدري شكله ينصب علي ؟؟

يعني اروحله اقول ابي المعهد ذا the English Language and Culture
؟؟

والله لنا الشرف تكون معانا يافهد

بس ياريت تعرفنا عن نفسك....

ايوا اطلب منه هذا المعهذ لأنو هذا المعهد التابع لسايمون فريزر وتقدر تاخذ قبول مشروط بالإلتحاق بالجامعة بس لو سجلت بمعهد مختلف أعتقد او اكيد مش حتحصل على قبول مشروط في الجامعة

وبالنسبة لمسئلة السعوديين لاتشيل هم هناك في المعاهد في إهتمام بالناحية هذي بحيث مايكون في اكثر من جنسية في كلاس واحد لأنو يأثر على تعلم اللغة للطلبة

وعموماً في فترة الصيف اللي تبتدي بعد اسبوعين من الآن تقريباً فيه كمية كبيرة من السعوديين خاصة وهم فئة ماراح تطول كثير بمعنى انو خلال شهرين بالكثير بيرجعون للبلد غالبيتهم لأنهم سياحة ودراسة بنفس الوقت ومش هدفهم دراسة طويلة المدى

وبالتوفيق

ياشباب ايش اخر اخبار السكن انا إلى الان مش لاقي اي حاجه ياريت احد يفيدنا لو يقدر

عبد العزيز طلع المعهد اللي سجلني فيه المصري اسمه SEC

ويقول انه معتمد من الجامعه وهو بيجيب قبول من الجامعه والمعهد في نفس الوقت ..

بس يقول لازم تعدي المعهد وتجيب درجة مدري كم في التوفل بعدين تدخل الجامعه ..


ادري ثقلت عليك اعذرني

بالنسبة للسعوديين
على حسب الليفل اللي انت فيه
يعني كل ماتقدمت في الليفل كل ماقل عدد السعوديين غالبا <<< تعرف السعودين بلابل انجليزي لوول

اعرف واحد في ليفل 3 في معهد سايمون فريزر ...
الفصل فيه 6 اولاد سعوديين وبنت سعودية من اصل 13

الله يوفق الجميع

اخوي عبدالعزيز ودي اخذ رايك في سفري

انا قرات كثير جدا عن الجامعات في كندا والمعاهد ايضا .. وحسيت ان معهد سيمون فريز مناسب من ناحية البرنامج حقه واخذت البروشور من شخص بالسعودية وشرحلي عن المعهد وقالي انه يقدر يجيب لي قبول المعهد بظرف يوم واحد بدون اي رسوم

سؤالي هو

ايش طبيعة القبول المشروط الي تكلمت عنه بالجامعه هذه ؟؟ هل يوجد عندهم قبول مشروط ؟؟

من طبيعة فهمي لبرنامج معهد سيمون فريز ان تدرس عندهم وتختبر توفل وما عندهم نظام تخلص ليفل معين وتروح الجامعة ؟؟؟ لان كندا مافيها قبول مشروط ؟؟

اتمنى توضحلي النقطة هذه بنوع من التفصيل لاني بطلع على حسابي الخاص انشالله وودي احول على البعثة بس اضن الالتحاق بالبعثة لازم يكون معاك قبول جامعة

انا معاي بكالوريس هندسة كهربائية من جامعة الملك فهد للبترول والمعادن ومعدلي 2.3 من 4
انشالله بدرس ادارة اعمال

هل تنصحني بالمعهد هذا عشان يسهلي القبول بالجامعة لان معدلي معدوم ؟؟


لك الشكر مقدما