تجمع طلاب Simon Fraser University

سلام عليكم ورحمة الله وبركاته
تحيتي واحترامي لكم جميعا
انا مبتعث لكند بالتحديد فانكوفر وانا الان ادرس في معهد لغة VEC الي في الداون تاون صارلي شهرين تقريبا
وصراحة كل يوم اشوف مبني اللغة تبع جامعة سايمون فريزي
وودي اتحصل على قبول في جامعة سامون فريزي لانها من افضل الجامعات في البزنيز طبعا لمرحلة الماستر

تخصصي تسويق
ياليت لو احد يدلني على طريقة معينة اتحصل فيها على قبول لعام 2009 م

السلام عليكم ..

مساكم الله بالخير
انا عضو جديد في ذا المنتدى والي خلاني اسجل في ذا المنتدى روعة صفحتكم الي شدتني وخلتني اسجل تقبلوني بينكم كأخ وصديق واي خدمه انا تحت امركم ..

انا جاني قبول في جامعة سايمون فريزر تخصص بزنس 9 سبتمبر 2008
ومقدم على السفاره تقريباً لي اسبوع من يوم ما ارسلت لهم الاوراق وقاعد انتظر ورقة الفحص

واهديهم اغنية الصبر وياك محتاج لصبر
تقبلوا مشاركتي

اخوكم الجديد ستيليوس

أخوي ستيليوس .. القبول اللي عطوك سايمون فريزر هل هو قبول ماستر أو قبول لغة فقط ؟
أو الاثنين كلهم ؟

أبو عداي .. ليش درست بمعهد الـ VEC ؟ هل هو تابع لجامعة معينة ؟

ياطلاب سايمون تعبنا واحنا نسألكم

هل الجامعه تعطي قبول مشروط ،

انا قدمت وعطوني قبول مبدأي بس غير مشروط

اخوي تويكس

القبول الي جاني قبول بكالوريس بزنس مع قبول للغه

تحياتي ..

اخوي برنس ..

الي اعرفه من القبول الي جاني انهم يشترطون اللغه
وبعدها تقدر تكمل في الجامعه في التخصص الي انت تبيه
واذا اعطوك قبول مشروط ارجع راسلهم وقلهم ابي قبول غير مشروط ..
هذا الي اقدر افيدك فيه .
تقبل مروري..

اخي توميكس
بعد السلام والاحترام
انا جاني قبول في هذا المعهد ولقيت نفسي فية والمعهد ليس تابع لاي جامعة
وما ادري اش اسوي عشان اجيب قبول في جامعة سايمون فريزي
ماستر طبعا تخص تسويق

ابوعداى وتويكس وكل اللي يسعى يجيب قبول من سايمون
أول حاجة طلاب سايمون اللي يدرسون في المعهد وخاصة الماجتير القبول اللي عندهم لغة فقط ماله ايعلا قة بقبول الجامعة
وجامعة سايمون تعطى قبول مشروط ولكن بالتوفل حيث لا تلتزم بانك لو انتهيت المعهد تقبلك
لأنها شرطها التوفل 560 تقريبا وليس له علاقة بالجامعة
عشان كذا ما راح تلقى احد يخدمك في الموضوع هذا وشد حيلك وجيب لنفسك قبول عن طريق مخاطبة الجامعى يالايميل
لكن كلنا ما عندنا قبول جامعة وجالسين ندرس لغة في المعهد اللي تابع للجامعة وندور قبول جامعة في اي جامعة من جامعات كندا
وان شاء الله افدتك
طالب خطيييير

مهندس خطير .. أنا أشهد إنك خطير من جد
هذا العلم اللي نبيه من زمان .. عز الله أرسل حكيما ولا توصه

طيب يا أستاذي .. السؤال هنا كيف نجيب قبول منهم اللي هو قبول لغة في معهدهم ؟؟
هل العملية سهله؟
لأني فكرت إني اجيب قبول في تمبسون ريفر وبعدين لما أوصل هناك أتفاهم مع سايمون
مع إن الوزارة البهايم .. إلى الحين ما يدرون هل تمبسون معتمدة او لا ؟؟
آخر زمن وزارتنا الحكيمة .. تقيم جامعات كندا وتقول هذي معتمدة وهذي غير معتمدة !
من زين جامعاتكم .. لكن لا فات الفوت ما ينفع الصوت

اخوي مهندس خطير .

الكلام هذا ينطبق على طلاب(( البكالوريس)) ولا لا

انا على القبول الي جاني من سايمون فريزر يقول بعد ما تخلص اللغه تلتحق في التخصص الي في الجامعه ..

ابي منك توضيخ اذا ما عليك امر

وشاكر لك ..