استفسار عن برنامج اللغة الاكاديمي في جامعة جالجري

وعليكم السلام .. و رحمة الله و بركاته ..

بالنسبة لـ EAP .. فايدته انك إذا خلصت المراحل الثلاثة تدخل على بعض الأقسام بالجامعة بدون ايلتس .. بس بعض الأقسام لأ .. و أنه أكاديمي أكثر .. هو اللي يفيد في الدراسة الأكاديمية .. و ال ESL للمبتدئين ..

يعني إذا كان القسم اللي انت حابب تدخله بيقبل بدرجة ال EAP تحاول تدخل ع EAP .. و إذا لأ .. تركز ع الايلتس ..

ممكن تاخذ فصل دراسي أو فصلين بـ ESL و بعده تدخل ع EAP و حتكون في حدود مدة اللغة
لأنه زي ما ذكرت أنت انهم ما يقبلوا المبتدئين .. أو بصراحة يخيروك و يقولولك اننا نقبلك بس ممكن ترسب - لا سمح الله - و دا من وقتك طبعاً
ممكن هما ذاكرين أنهم يحتاجوا ٥ و نص ايلتس بس عموماً بداية الفصل الدراسي حيعملولك تحديد مستوى و على أساسه يقبلوك أو يعطوك خبر أن مستواك أقل بس ممكن نقبلك

و ممكن إذا جبت درجة معينة في EAP 1 تروح ع EAP 3 ع طول و ما تحتاج السنة كاملة

وربي يوفقك و ييسر أمورك ..