عرض مساعده لأهل فانكوفر وماجاورها

طيب السكن اللي بنص الجامعه سكن جامعي صح !

السلام عليكم
انا طالب هندسة بجامعة الملك سعود المهم اني واجهت صعوبات مع هاللغة
المهم بعض مواد التخصص انقص فيها بسبب اللغة والشرح نصه مدري وش يقول

بحذف الترم الثاني وادرس لغة 6 شهور باذن الله

المهم عزمت على كندا بريتش كلومبيا

فانكوفر مليانة عرب :") يازينهم بس انا ابي اتعلم لغة

المهم لقيت معهد في Powell River شمال فانكوفر سيارة 4 ساعات ووين تحصل السيارة.. مالك الا طيارة
والمعهد معتمد من الملحقية >> ادري مالي دخل لكن يكون كويس
وايضا معتمد من قبل الجمعية الكندية مدري شسمها المهم انهم يحطون المعاهد الكويسة

الديرة ذي سكانها 12000 بس ولافيها عرب ابدا ومحد يتكلم عنها في المنتديات وطلابها اكثرهم من اليابان وشلتهم
انا اخشى اني اشعر بالوحدة بما انهم جنسية وحده وكلن يروح مع ربعه ولا فيه سعوديين ممكن نشوفهم في الويكند
وهل العوايل هناك او في المنطقة عموما طيبين ويعوضون 10% عن اهلك شوي ولا يحوّمون تسبدك زود؟


فما نصيحتكم لي .. ووش رايكم ما احذف الترم بس واجيها في الصيفية والمدة تكون قصيرة ولا استاحش كثير بس اخاف ما تكفي :"(
مشكلتي منب اجتماعي مررة .. والحمدلله احاول قد ما اقدر اتقيد بتعاليم ديني (الموسيقى-السينما-والي اعظم عاد) وحسب الي اسمعه انه ما يتداخل معهم الا الي فالها معهم

بقدر ادرس شهرين او قل 8 اسابيع لان المستوى 4 اسابيع هل بتفيد في ديرة مافيها عرب.. طبعا اذا صاروا اهلها طيبين وسكانها 95% الي يسمونهم يوروبيان كانادين :") وهذا طبعا سؤالي السابق واعيده هل العوايل كويسين




اعتذر عن الاطالة :")

الأفضل أنك تأجل السفر للصيف و تحاول تشد حيلك هالترم و ترجم أول بأول و تحضر قبل المحاضرة بتسهل عليك إن شاء الله و حاول تخصص لك وقت كل يوم تطور فيها لغتك و أنت ترجم كل شيء بعدين بتلقى نفسك تدريجيا ما تحتاج تترجم إلا كلمات قليلة و على فكره لو حذفت ترم تنحرم من مرتبة الشرف اذا تخرجت و اذا تبي تتعلم اللغة الأكادمية أنصحك تبتعد عن الأفلام و الأغاني و تركز على قراءة مقالات بتخصصك و تتابع موقع تيد او تطبيقه على الجوال راح يتحسن سماعك و فيها كثير مواضيع علمية بتفيدك بالتوفيق

اريد منك مشوره
انا اماراتي وبدرس لغه لمده سنه في فانكوفر بعد رمضان انشاء الله
اريد معهد ممتاز لتعليم اللغه واسكن عند عائله

السلام عليكم ورحمة الله وبركاته
في خدمتك اخي الكريم والمعاهد الممتازه كثيرة

هل معهد ilsc --- ILAC

وهل الاثنين معهد خاصه او تابعه لجامعه

الاثنين معاهد خاصه وفيه اقوى منهم

عطني اسم معهد خاص قوي وما فيه عرب
ومشكور يا اخي

السلام عليكم ، منطقة surrey ما رايكم فيها من حيث دراسه اللغة ،والسكن ،الناس زي كذا يعني

- - - مشاركة محدثة - - -

السلام عليكم ، منطقة surrey ما رايكم فيها من حيث دراسه اللغة ،والسكن ،الناس زي كذا يعني