تجمع طلاب Malaspina University-College

مبتعث لبى شرايينك يالسنافي
بس اليوم الصباح تكيت بالدوام مع واحد من العيال الجامعه اعجبني برنامجهم وتحمست معهم خصوصاً انهم قريبيين من فانكوفر وفيكتوريا يمديني اسير على الي عرفتهم بزيارتي الاولى

بس انصدمت يوم جاني خبر ان الجامعه غير معترف بها !!؟؟

ودخلت موقع الوزاره وغير موجوده ... فياليت تقول لي هل هي معترف بها او لا ؟؟ وسالفة الووااااو الكبيره استخدمها عشان احول البعثه سواء كنت بجامعات فيكتوريا او فانكوفر او اي مكان بكندا !! ولا احتاجها للجامعه ذي بس عشانها غير معترف فيها ؟؟

عشان الحين اسخن الواسطه لان فيه واسطه توه فرخ مابعد نضج بس شكلنا بنمغط للعود ههههههه

ياليت توضح لي الله لايهينك

واذا عندك خلفيه عن عدد الطلاب اكون شاكر ولو تعرف احد يدرس ماستر واقدر اتواصل معه لاخذ معلومات تكون خدمتني خدمه تحدد مستقبل شاب سعودي يبي يجي مع ورعانه وامهم

ط§ظ„ط¬ط§ظ…ط¹ط§طھ ط§ظ„ظ…ظˆطµظ‰ ط¨ظ‡ط§ وهذا رابط الجاامعه بموقع التعليم العالي .. بس مو تقول هل الماستر معترف فيه والا لا انا اشوف البكا لكن الماستر ما ادري حاول تتأكد منهم بالوزاره بنفسك اريح لك

Master of Business Administration | Business & Management Programs وهذا رابط تخصص الماستر من الجااامعه.

http://www.mbt3th.us/vb/forum107/thread54176.html موضوع يمكن انك ما قريته لكن راح يفيدك عن المدينه شوي ما قصر صاحبه فيه شرح مفصل الله يجزاه خير

بخصوص الواسطه ,, الواسطه بكل شي مطلوبه وزينه علشاان امورك تمشي بسهوله وبسرعه
اوما الطلاب اشوف انه كل جامعه راح تروح لها لازم يكون فيها احد لو ما فيها بيوم وليله من المكااتب تلقااها مليانه من السعوديين
اخوي الرد هذا ملخبط ومحيوس لك اعذرني وحاول تفهم الي تبي منه ههههههههههه
ولا تنسااني من دعائكـ
تقبل مروري واجابتي الي مجتهد بها مع انه نحترم راي الأخرين وتوضيح بعض الأمور الي يمكن انا اكون غلطاان بها
...

الله يعطيك الف عافيه يالغالي ماقصرت وفيت وكفيت
واستشفيت الاجابات من بين الاسطر << الرد كله عشان يكتب استشفيت خخخخخ

بس مدري احس الماستر غير معتمد مع ان الجامعه اعجبتني وبرنامجهم مره يمشي معي

الله يستر انا بفلت من الدوام واسئلهم لعلى وعسى يفيدونا

بس الله لايهينك بحكم خبرتك .. لو ماحصلت لنا فانكوفر ايلند هل هناك جامعات تكون في مدن صغيره وتكون قريبه من فانكوفر او فيكتوريا

اذا فيه ياليت تفيدنا بأساميها

والله يوفقك وينجحك وينصر على كل من عاداك

هنا والله انا اقول لك وبصراحه اني ما اقدر افيدك العذر والسموحه لكن اسئل ان شاء الله ما يقصرون معاك الأخوان

والله اخوي الماستر ما عتقد انه معترف فيه ..
بس لو بتدرس الانجليزي بالجامعه عادي يمديك ..

وترا عدد الطلاب كثيــر
يعني تخيل الطلاب المستجدين لهالترم فوق 50 طالب سعودي ..
الكلاس كله طلاب سعوديين
5 كلاسات كلها طلبه سعوديين .

والشهر الجاي جاي عدد كثير

الله يوفقك حبيبي ..

الله يعين يا مشااكس والله عاد انا بالدفعه الجاايه ان شاء الله

هلا شباب..
هذا تجمع للي تبدأ دراسته April 26 أبريل في Vancouver Island University

ياعيال احتاج مساعدتكمممممممممممممم

اللي خلص اللغة و يبي ينقل لجامعة فانكوفر ايش متطلباتهم ؟؟!!

شكلك مشيت
اتصل علي 0012507566687



توفل 6 على ما اعتقد او 6.5

انت دارسه بنفس معهد الجامعه