يا هلا بيك اخوي شعطان ...
اولا اهنيك على اختيار جامعة ملسبينا
ثانيا .. اخوي الرحلة سهلة جدا ...
لما تطلع من جدة أكد على الموظف انك تبي تستلم الشنط في ننايمو
وحيعطيك لصقة تلصقها على الشنطة تأكد أنها كالتالي
LHR رمز مطار هيثرو
YVR رمز مطار فانكوفر
YCD رمز مطار ننايمو
وطبعا بما انك عى الطيران السعودي يمديك تشيل 32 كيلو للشنطة
هذا الكلام كان بتاريخ 13-06 -2008
بس توصل للندن خلك ماشي مع الناس.... وحتلاقي لوحة اسمها
Connecting flights
تظلك ماشي معاها
وحتلاقي بعدين لوحة كبيرة فيها اسماء مكاتب الطيران المختلفة .. وحسب طيراتك اللي راح تركب فيها من لندن
اذا كانت Air Canada حتروح لمكتب Air Canada
وتفضل ماشي الى ان توصل لموظفين يدققون لك الجواز والتيكت تعديهم
الى ان توصل الى مكان للتفتيش ... حتفسخ جزمتك وترمي اي سوائل شايلها معا ك لو بشنطة اليد الصغيرة ( انا كانت معاي كاسة الموية حقت الطيراة .. قال لي اشربها او ارميها ) بعدها حتوصل إلى مفترق طرق
لوحة كبيرة تعلمك وين مواقع مكاتب الطيران
وبعدها حيكون في مفترق طرق يا اما يمين او يسار ...
طبعا Air Canada على اليسار
..
بالمناسبة مكتب Air Canada بجنب مكتب Saudi Airlines
توقف في الدور .. وحجز مقعدك في الطيارة ... واذا كنت مكمل لننايمو بالطيارة راح تعطيك البوردينغ ( بطاقة الصعود للطائرة ) حق فانكوفر والبوردينغ حق ننايمو كمان
يعني لما تصل فانكوفر ما يحتاج توقف عن الموظف في المطار ...
وراح تقول لك حاجة ثانية مهمة ..
راح تقول لك لازم تستلم الامتعة من مطار فانكوفر ( مع انك من السعودية انت طالب منهم انك تستلم العفش في ننايمو )...
بس لانه صالة الرحلات الداخلية في كندا غير صالة الرحلات الدولية
والظاهر انهم ما عندهم موظفين يوصولون الشنط بين الصالتين....
المهم انت لما تقول لك هالملاحظتين تتشكرها وتمشي باتجاه يسار الموظفة (او باتجاه يمينك) ...
راح تلاقي بالطريق على يميك اول شي في تواليت ( يعني خش وريح مصارينك ..وتوضى لانك يمكن حتصلي .. في غرفة في المطار اسمها
Multifaith room
>>> المهم بس تطلع من التواليت حتلاقي اسواق ومحلات ... ظلك ماشي الى ان توصل صالة كبيرة وقبتها قزاز يدخل من القبة نور الشمس .. والصالة زحمة وبنصه قهوة ستارباكس وجنب القهوة حتلاقي لوحة كبيرة مكتوب عليها اسماء الرحلات الدولية ..
حتدور على رقم رحلتك ( فانكوفور ((الرقم )) ) وتحفظ رقم البوابة ووقت صعود الطائرة
غالبا صعود الطائرة قبل ساعة من الإقلاع
الان ريح الى ان يصير وقت الرحلة ...
بعدها تقوم باتجاه بوابة الصعود للطائرة ( لازم تكون عارف رقمها من اللوحة )
وفي لوحات راح تدلك وين رقم البوابة
راح تصعد للطيارة
والرحلة عشر ساعات لفانكوفر
مقارنة سريعة بين الطيران السعودي والكندي
( ميزة الطيران الكندي انهم عندعن دواء لدوخة السفر قول للمضيفة ابغى Anti vomiting pill انتي فوميتينغ ميديسين يعني قرص دواء مضاد للطراش ,, بينما الطيران السعودية ما عندهم غير المسكن فيفادول ودبر نفسك بس الصراحة في الطيارة السعودية ما تطفش لانك عندك تلفزيون خاص فيك والرحلة 6 ساعات للندن مو عشرة زي رحلة فانكوفر بالاضاة الى شيء مهم وهو ان الطيارة السعودية تعلمك بوقت دخول الصلاة وفي غرفة صلاة في آخر الطيارة والقبلة باتجاه ذيل الطيارة
هذا غير ان دلعت نفسي على الطيارة الكندية ووصيت موظف الحجز لمن حجزت التذكرة انه يسجل لي رغبتي بوجبة الكشر مييل )
بس توصل لفانكوفر راح تمشي مع الناس الى ان توصل الى مكان سلالم متحركة باتجاه الاسفل
بعد ما تزل من السلالم راح تلاقي ناس واقين سرى عشان تفتيش الجوازات واستلام العفش
انت بما انك جاي للدراسة فلازم تروح الاميجراشين Immigration
هذي مكانه يا طويل العمر وانت نازل من السلالم اللي قلت لك عيها من شوية .
حتلاقي موظف على يمينك اساله وين الاميغراشين ؟.. وهو راح يدلك .. وانت لو ما حصلت هالموظف .. لف خلف السلالم وحتلاقي لوحة مكتوب عليها Immigration تدخل من هالباب الصغير وتمشي في ممرات زجاجية الى ان تصل الى طابور طويل .
تمسك الطابور وتجهز:
1- جوازك
2- وقبول الجامعة حقتك
3- وورقة الفيزا (اللي جات مع الجواز من السفارة )
4- وكرت دخول كندا اللي تعبيه في الطيارة (اذا لغتك مو قد اللازم .. الافضل انك تسيبه فاضي).
رايح يسالك كم راح تجلس ؟؟ اذا كنت اكثر من 6 شهور لازم تعلمه انك رايح تجلس اكثر من 6 شهور
وراح لصق لك تصريح الاقامة في كندا جنب طبعة الفيزا الكندية اللي في جوازك ...
بعدها تطلع تستسلم العفش
( ضروري تتستلم عفشك حتى انك رايح ننايمو ) بس تطلع من صالة العفش وتمر على الكلب البوليسي.
راح تلاقي موظفة واقفة تنادي (كوننيكتينغ فلايت؟؟ بليز فروم هير....
Connecting flight ....... please from here(
كل اللي لازم تسويه انك تروح باتجاه العامل اللي واقف منتظرك عشان يشيل عفشك ويحطه على السير الكهربائي ... وسلامتكم ...
الموظف رايح يرمي لك الشنط ويقول لك اطلع Level three
طبعا رحلة ننايمو غالبا راح يكون انتظارها طويل ... فانا انصحك تطلع تتفرج على صالة المطار .. واسال عن غرفة
Multifaith room
انا لما وصلت فانكوفر كانت الساعة 1 وربع .. ورحت الغرفة لقيت واحد مصري واقف وبيخطب الجمعة وكانت الغرفة فيها حول 10 اشخاص وحرمة تصلي معانا عند الباب ..
بس تصلي ارجع الى ليفل ثري Level three
وخلي احد المظفين يساعدك ويكتب لك رقم بوابة الرحلة حقتك ( لان البوردينغ حق طيارة ننايمو اللي استلمته من مطار لندن ما عليه رقم البوابة )
بس تاخذ رقم البوابة . روح لبوابة Domestic flights
في ليفل ثريي
قبل ما تدخل راح تلاقي موظفة وعاها اكياس بلاستيك عشان تحط فيه الاسوائل اللي انت شايلها معاك في الهاند باغ ( شنطة اليد )
ورايح تمر بتفتيش ... بعد التفتيش روح رقم البوابة اللي دوبك اخذته ...
واجلس انتظر موعد الطيارة ...
حتلاقي موظف واقف وفوقه شاشة مكتوب عليها Nanaimo ووقت الرحلة
ومن الشباك تشوف طيارتك ام مروحتين ابو ثلاثين راكب واقفة منتظرة ...
بس يعلنوا عن الرحلة . وقف في الطابور ووري الموظف جوازك والبوردينغ ( ملاحظة البوردينغ هو بطاقة الصعود للطائرة
.. )
وانت طالع الطيارة اذا كانت شنطة اليد ( الهاند باغ) كبيرة .. راح تطلب منك المضيفة انك تحطها في العربة الموجود خراج الطائر وراح توصل مع العفش عادي .. بس انصحك تطلع منها اوراقك الهامة قبل لاتسيبها على العربة)
اطلع على الطيارة وما ان تتطير الطيارة حتى المضيفة تعلن اننا بدانا بالهبوط التدريجي ...
يعني ما يلحقون حتى يضيفونك كاسة عصي :... انا والله كنت متوقع اقل ما فيها كاسة شاي ... بس معصي
)
خلي معك الكامير لانك حتشوف مناظر خيالة في الطريق .. جزر صغيرة ابو 100 متر وكلها اشجار
وحتلاقي اغصان شجر مقطهة ومرمةي في البحر لانهم يتاجرون بالخشب بعد طحنه ..بس ما ادري ليش يخزنون الخشب في البحر .. يمكن عشان لما يبيعونه يكون وزنه ثقيل من المويه الي فيه ..
ما علينا ..
لما توصل مطار ننايمو راح تلاقي سير كهربائ وحيد للشنط تستلم الشنطة .. واستدر خلفك تحصل بروشورات عن الأماكن السياحية في ننايمو وخرايط لننايمو كلها مجانية ..
طبعا هذي موجود في اي مطار...
وجنبها تلفون لو انت حابب تتصل باحد يجي ياخذك .. التلفون دخل فيه ربع دولار ( كوارتر) واتصل.. أو حتلاق العيلة منتظرتك غي المطار طبعا حسب الاتفاق..
وفي كمان مكتب بدجت في المطار ....
والحمد له على السلامة
أنا كان ودي انزل صور الرحلة حتى تشوف الخطوات مع الصور
بس والله ما ادري كيف ارفها من جهازي ؟؟!
لو احد يساعدني
أووووووووووه
والله دوبي انتبهت ان هالتقرير اخذ ساعتين
يالله سلام وبالتوفيق
LinkBack URL
About LinkBacks
واخوي 0 % يعني يمكن نوصل مطار
هههههههههههههههههههه
انا بس حبيت استفسر انت مبتعث على حساب الوزارة؟؟ والوزارة هي اللي جابت لك القبول في هالجامعة؟؟
لانو انا لما دورت في الجامعات الموصى فيها على موقع الوزارة لقيتها بس مالقيت برنامج الMBA