قبول ماجستير إدارة أعمال في سايمون فر يزر أو في تمبسون ريفرز .. تكفون

طيب ويش راح تسوي بموضوع الجيمات .... صعب تشوف لك فيها واسطة !

حتى جامعة ثامبسون ريفر يريدون تقريبا 500 في الجيمات ... تقدر تجيبها ولا لا ؟

وإلي يقولك أنك ممكن تدرس فيها سنة وتحول على طول ... ياريت تدلني عليه ... عندنا شباب بالهبل يبغون يحولون بهالطريقة الحلوة !

أخي الحبيب التحويل يحتاج طلب إلتحاق من جديد ... وتبيان سبب التحويل ... بالإضافة لتحقيق جميع شروط الجامعة المحول لها ..و التي قطعا ليس من ضمنها حصولك على قبولك في جامعة أخرى !

أوكي أشكرك على التجاوب اولا
وثانيا يعني تنصحني إني أبدأ بجامعة ولا أطلع منها ابد
يعني انا حاط في بالي سايمون .. يعني يا أما أحصل على قبول منها وإلا ما أفكر أحول لها ؟

بيني وبينك فيه واحد قالي ثمبسون ريفرز أقدر أجيب لك قبول منها وقالي معظم طلاب الـ MBA
تراهم في ثمبسون ريفرز لأن القبول في ماجستير إدارة الأعمال بالذات صعب في الجامعات وهذولا حبايب شوي

طيب أخوي الكريم أو أي واحد يدخل الموضوع وش رايكم النهائي أقدم قبول في ثمبسون او لا؟
وما العيووووووب فيها ؟

أوكي أشكرك على التجاوب اولا
* لا شكر على واجب يالغالي ...

وثانيا يعني تنصحني إني أبدأ بجامعة ولا أطلع منها ابد
* أنا ماقلت كذا ... فضلا راجع ردي وقولي فين لقيت هذا المعنى!

يعني انا حاط في بالي سايمون .. يعني يا أما أحصل على قبول منها وإلا ما أفكر أحول لها ؟
* أيظا هذا الكلام لم أقله لا ظاهرا ولا معنى !

بيني وبينك فيه واحد قالي ثمبسون ريفرز أقدر أجيب لك قبول منها وقالي معظم طلاب الـ MBA
تراهم في ثمبسون ريفرز لأن القبول في ماجستير إدارة الأعمال بالذات صعب في الجامعات وهذولا حبايب شوي
* أسمح لي (الواحد) هذا ماعنده سالفة ... من فين جاب إحصائيات قبول الطلبة السعوديين في جامعات كندا وخاصة طلاب الإدارة !!! ... وهذي الجامعة صغيرة وعدد مقاعدها لل MBA محدود جدا ... فقد يتساهلوا ولكن لن يتجاوزا العدد المحدد من ناحية المقاعد ولن ينزلوا عن درجة الجيمات (مثلا 500) إلي هي أصلا ليس من السهولة الوصول لها !
نصيحتي: خليه يجبلك القبول ... بس أهم شيء يكون قبول أكاديمي لبرنامج ال MBA وليس قبول لغة لأن قبول اللغة مافيه شطارة !!! ...وأن لايكون مشروطا بالجيمات لأنك ما تضمن تجيب ال 500 أو أكثر منها إلي مطلوبة من البرنامج ... ولو فعل ذلك فأنا أعتذر عن وصفه بأنه ماعنده سالفة !

أنا طالع بعثه على حساب الوزراة
وعلى حسب كلام واحد يقول إن الوزارة صعب يعطونك مقعد وقبول في الماستر
وهم ما يضمنونك في التوفل أو الجيمات .. فإذا الجامعة راح تخليك تدرس السنة التحضيرية
فيه احتمال نجاحك بها وتجاوزك وفيه إحتمال - الله يستر - رسوبك
فأنت إحسبها لو كل طالب طلع بعثه عطوه مفعد في الماستر وهو راح يدرس تحضيرية
راح يبدأ سمستر الماستر ونص القاعات فاضيه
علشان كذا لما تجيب قبول لغه وتدرس تحضيرية في نفس الجامعة اللي راح تدرس فيها ماستر
راح يقبلونك تلقائيا لما تخلص التحضيرية بدون إختبار
لكن في حالة بعد التحضيرية تبي تغير الجامعة أو درست تحضيرية في معهد غير تابع للجامعة
لما تجي للجامعة راح يختبرونك توفل وجيمات أكيد
لأنه حسب ما سمعت مافيه قبول ماستر على طوووووول وخصوصا في كندا
وش يضمن لهم إنك قوي باللغه وفاهم بإدارة الاعمال

وشكرا ... كمل النقاش معي .. ترا ماني فاهم وما عندي سالفه
لكن والله كل واحد يجيب العلم اللي عنده واللي سمعه
الوزارة ما راح تعطيك أي علم لو تبي تقول لهم الشمس من وين راح تطلع يبي يقولون ما ندري

"علشان كذا لما تجيب قبول لغه وتدرس تحضيرية في نفس الجامعة اللي راح تدرس فيها ماستر
راح يقبلونك تلقائيا لما تخلص التحضيرية بدون إختبار"

هذا هو الكلام الغلط ... وما ينطبق على كندا أبدا ... راجع موضوع "أفضل الجامعات المعترف بها في كندا" .. أو بالقوقل

لكن الجيمات يعطونك كورس تحضيري .. ولازم تختبر ولازم تجيب الدرجة المطلوبة !!

سهولي حبوبي .. طيب الحين الكورس التحضيري هذا هل هو بعد أختبار الجيمات لما أجيب درجة زينه أو درجة مو حلوه .. او هو قبل الاختبار ؟
يعني ودي أفهم شغله هل هم يعطونك كورس للجيمات حتى تجيب فيه درجة زينه عندهم ؟؟
يعني لما يختبروني وأجيب درجة مو حلوه يعطوني الكورس وبعد ما أخلص الكورس يختبروني ثانيه ؟؟

وهل كورس الجيمات يتضمن دراسة اللغة ؟ يعني الجيمات والتوفل في كورس واحد ويختبروني كلهم لما أخلص الكورس ؟؟؟
يا ناس يا حلوين نبي واحد يشرح لي بالتفصيل !!

طيب الحين الكورس التحضيري هذا هل هو بعد أختبار الجيمات لما أجيب درجة زينه أو درجة مو
حلوه .. او هو قبل الاختبار ؟
* أولا هذا الكورس لا يقدم عن طريق الجامعة ... وإنما أنت تسجل فيه بنفسك وتدفع فلوسه بنفسك ... وبالنسبة لقبل ولا بعد ... هذا شيء راجعلك وممكن تأخذ الكورس والإختبار قد ما تريد من المرات ...

يعني ودي أفهم شغله هل هم يعطونك كورس للجيمات حتى تجيب فيه درجة زينه عندهم ؟؟
* لا

يعني لما يختبروني وأجيب درجة مو حلوه يعطوني الكورس وبعد ما أخلص الكورس يختبروني ثانيه ؟؟
* لا

وهل كورس الجيمات يتضمن دراسة اللغة ؟ يعني الجيمات والتوفل في كورس واحد ويختبروني كلهم لما أخلص الكورس ؟؟؟
* إختبار الجيمات شيء ... والتوفل شيء ثاني ... يشتركون أنهم كلهم بالأنجليزي .. ويمكن أنجليزية الجيمات أصعب من التوفل ...ويفترقون في أن التوفل أو الأتلتس شرط للقبول في أي تخصص والجيمات بالأضافة للتوفل أو الأياتس شرط للقبول (يعني قبل ما يجيك قبول لا زم تجيب الدرجة المطلوبة) في برامج الإدارة عموما ...

وبالتوفيق...

(يعني قبل ما يجيك قبول لا زم تجيب الدرجة المطلوبة)

أفهم من كذا إني الآن ما معي توفل .. يعني لازم أجيب قبول معهد لدراسة اللغة فقط
طيب أجل كيف أجيب قبول ماستر ؟؟ هل أطلع ادرس معهد لغة ولما اخلص أقعد أدور قبول جامعة ؟
أعتقد الوضع دمار .. طيب وش الجامعات اللي عندها معاهد أو تبعها معاهد لدراسة اللغة وكورس الجيمات .. وتعطي قبول مشروط .. يعني قبول ماستر مشروط بإجتياز الجيمات والتوفل من المعاهد التابعة لها ؟؟