تكفوووون امريكا او كندا ؟؟؟؟؟؟

يا شباب انا رايح لمرحلى الباكالوريس

بغيت اسالك يا عطر السحاب هل قد رحت لمتشقن كالامازو ؟ او تعرف احد فيها ؟ وهل فيه احد في كندا تعرفه ؟ او فكتوريا ؟؟؟

انا رحت فكتوريا في الصيف مرتين
والحين انا ادرس في امريكا
صراحه وبدون مبالغه امريكا افضل من كندا بكثييير

والله انك ضيقت صدري
طيب تقدر تقولي ليش افضل ؟؟؟؟
وانت في اي مدينة في امريكا ؟
ووش سلبيات فكتوريا ؟

ياليت تذكر لنا ايجابيات امريكا و سلبيات فيكتوريا

انا مايهمني غالية او رخيصة , شباب عايشين في كاليفرونيا على المكافأة والحمدلله

بس ابغا اعرف كيف وضع الدراسة في فاكتوريا , لاتكون صعبة
مومفهوم الصعوبة اقصد يعني مثل دراسة جامعة البترول عندنا معقدة والطالب يشيب راسة

الي اعرفه ان اغلب جامعات امريكا سهله بس العتب على الامان و الفيزة والبهدلة الي بتاكلها وراى امريكا , بس دام اني رايح لمصلحتي تستاهل البهدلة

كندا امان وشعب احلا من امريكا بس هذا الي متخوف منه لاتكون دراستهم مثل البترول

نبغا رد واضح مو امريكا افضل ولا كندا وبس الاسباب ( رد مقنع )


a6dullah انا معك , واي جديد راح اخبرك فيه .

ربك يسهل ويوفق

وانا زيك يا pirate v6 غالية او رخيصة ما تهمني انشالله هذي خمس سنين يعني ميب سهله يعني بغض النظر عن السعر
وثاني شي لايجي احد يقولي امريكا افضل وفيها خيارات كثيرة لاني حتى لو ابروح لها منيب قاعد كل اسبوع في ولاية الواحد بيستقر في مدينته يعني ما تهمه امريكا او كندا اوي دولة ثانية اهم شي مدينته ............

بقولكم اللي عندي طبعا انا اعرف طلاب بأمريكا وكندا

من ناحيه الدراسه بقولك هي على حسب الجامعه يعني مو دراسه امريكا كلها سهله ولا صعبه ونفس الشي لكندا مع العلم ان اغلب جامعات كندا حكوميه وحريصه على طلابها عكس امريكا جامعتها الخاصه كثيره بس معترفه من الوزاره يعني ماعليها خوف ر .... جامعات كندا حريصين على طلابهم انهم يتخرجون بكفاءه بحكم ان اغلبيه الجامعات حكوميه واكييييييد مع الدراسه والجد ان شاء الله سهله

كندا شعبها طيب وتعاملهم حلو مع الاجانب انا اتكلم من كلام الشباب اللي ساكنين مع عوايل واللي عايشين هناك يعني متعودين على الاجانب ولافيه اي نوع من العنصريه او المشاكل من كلامهم طبعا

امريكا بتكون على حسب الولايه يعني ولايه عن ثانيه تفرق وفيها نوع من المشاكل خصوصا بالانظمه ومثل ماسمعنا وشفنا بالملتقى المشاكل بأمريكا متصدره اغلب الدول يمكن تكون من كثرة الطلاب بس فعلا بأمريكا مشاكل

ومن كلام الشباب اللي رايحين تعتبر كندا واستراليا من افضل الدول تعامل مع الطلاب السعوديين وبالنسبه لي لو تكون فيه حيره تكون بين كندا و استراليا

وبالنهايه تبقى امريكا غييييييييير وكل واحد ورغبته بالنهايه


انا راي لك كندا وبأذن الله ماراح تندم

ما قصرتو والله على الردود والله يعطيكم الف عاافيه

فيه ردود ثانيه ولا خلااص >>>>> طرار ويتشرط خخخخخ

هاه وشرايك يا pirate v6 وش نرسي عليه
انا شكلي حبيت كندا بس انتم عارفين ما راح اروح فانكوفر راح اروح فكتوريا يعني ابي رايكم في فكتوريا بس المشكله كل ما اجي اقول خلاص يجي واحد ويقول العكس وتخرب الدعوه مثل رد moh 719

حبيبي كندا حلوه وشعبها طيب وتستاهل من يروحها
ودراستهم بعد حلوه
اما امريكا والشعب السعودي انا الحمدلله المنطقة الي انا فيها مافيه عنصريين ابد
ومنطقة آمنه وحلوه ومن افضل 37 جامعه في العالم
والجامعه جدا صعبة
اما عن فكترويا فصراحة منطقة هادءه دراسيه وبعض الاحيان تكون مملة

والله ما قصرت يا moh719 على ردودك
طيب انا ابغا اسألك يوم كنت في فكتوريا هل كنت تروح فانكوفر لان انا ودي اروح كل ويكند لفانكوفر هل يمديني ولا صعبه ؟ وكم اسعارهم بالباخره السريعة والبطيئة اذا عندك خلفية عن اسعارهم وشكررررا

ياعبدالله
ان شاء الله بنرمي المرسات على فيكتوريا ^_^
وربك يكتب مافيه خير