الطريق من الرياض - لندن - فانكوفر

January 3rd, 2009, 06:35 PM

السلام عليكم ياخوان

حبيت في ا لموضوع هذا وضع شرح مبسط لرحلة الطيران من الرياض - لندن - فانكوفر

اولاً : بدأت الرحلة من الرياض الساعة 2 صباحاً بتوقيت الرياض طبعاً قبلها ب 5 ساعات رحت لمطار الملك خالد عشان اشحن العفش وكانت معاي 5 شنط كبيرة لأن معاي عائلتي ( زوجتي وطفلتين ) المهم لما جيت أشحن العفش قالولي لازم وزن الشنطة الواحدة مايتعدى 25 كيلو طبعاً اضطريت اشتري 3 شنط من المطار واوزع الاغراض عشان الوزن يتساوى لكل شنطة بمعدل 25 كيلو ( طبعاً مسموح لكل شخص شنطتين فقط يشحنها والباقي لو يحب هاند باق ) .... المهم اطلب من الموظف انك تستلم العفش من فانكوفر .... ضروري جداً عشان ماتتبهذل في مطار لندن وخذ كروت العفش معاك لانك تحتاجها في مطار لندن.
ثانياً : في الطيارة من الرياض الى لندن وزعوا كروت لجميع المسافرين طبعاً اللي ماراح ينزل لندن مايحتاج يعبي الكرت .... والرحلة مدتها 6 ساعات من الرياض .

ثالثاً : لما تنزل لمطارهيثرو في لندن خليك ماشي مع لوحة (flight conecting) ابداً مع اللوحة هذه لين توصلك الي صالة كبيرة فيها خطوط الطيران دور على الخطوط اللي انت حاجز فيها ووقف في السرى عشان تقطع البوردنق راح يطلب منك الموظف الجواز والكروت حقت العفش وبعد ماتخذ البوردنق راح تتوجه للصالة الكبيرة حقت الإنتظار .

ثالثاً : راقب الشاشات الكبيرة حقت الرحلات وشوف رقم رحلتك الرمز والرقم مثلا ( AC855) راح تلاقي قدامها رقم البوابة حقتك او عبارة...... البوابة راح تفتح في الساعة 12:25مثلا ( GATE OPEN AT 12:25)

رابعاً : تتوجه للبوابة حقتك وتحضر البوردنق والجوازات بس .

خامساً : في الطيارة لفانكوفر تستمر الرحلة 10 ساعات وراح يوزعون كرت حق طويل تعبية حسب معلومات الجواز ( شكل الكرت والمعلومات اللي فيه موجود في هذا المنتدى دور عليه تلاقيه ) عموماً اللي فيه
الاسم
تاريخ الميلاد
الجنسية
واسئلة كثيرة جوابها كلها NO
واخر شي التوقيع لمن عمره اكثر من 16 سنة .

سادساً : لمن تنزل لطار فانكوفر خليك مع لوحة مرسوم عليها صورة شنطة او WELCOM TO VANCOUVER اهلابك في فانكوفر

اول ماتتطلع من الممر حق الطيارة راح تتطلع مع سلم كهربائي وبعدين خليك مع اللوحة اللي قلت فوق راح توصل لسلم كهربائي ينزلك تحت وتنزل بعدين من سلم ثاني اول ماتنزل من السلم الثاني هذا على طول لف يمين ( للطلاب فقط , اما الزائرين يروح على طول ) المهم للطلاب راح تلاقي لوحة وسهم لمكتب الجوازات ( IMMIGRATION OFFICE) راح تتدخل في ممر كله قزاز على اليمين واليسار لين توصل لموظفين الجوازات .
جهز الجواز وقبول المعهد او الجامعة والضمان المالي والورقة اللي جات مع الجواز والتاشيرة في البداية ( وهذه اهم ورقة ) راح يسالك منين جاي وكم راح تجلس ومين يصرف عليك واش راح تدرس وبعدين يطبعلك ورقة يدبسها في الجواز وتكمل طريقك تستلم العفش وتتطلع من المطار .


هذه اللي صار معاي بالضبط وانا واصل ماليه غير يومين بس لكن حبيت اساعد اي احد حاسس انه تايه او خايف وترى الموضوع جدا جدا جدا جدا بسيط ولاتشيلون هم ابداً .


وتقبلوا تحياتي ..... اخوكم صابر الحربي

• نشر عبر تويتر
• نشر عبر فيسبوك
• نشر عبر جوجل