المقيمين في ساسكتشوان يتفضلو

اختي ساسكاتشيوان اسم المقاطعة ...وفيها مدن كبيرة مثل ساسكاتون ( وهي الموجود فيها جامعة ساسكاتشيوان ) وريجاينا ... الف مبروك بخصوص الفيزا وبالنسبه لسكن لعوائل يختلف من مكان لآخر .. حاولي تتواصلي مع هذي الشركة على هذين الموقعين بالذات لانهم اقرب شيء للجامعة ويسمحون بوجود الاطفال ... ونصيحة للقادمين على سبتمر ..تعالو شوي بدري عشان تحصلون سكن ..لان موعد جيتكم يوافق موعد عوده طلاب الجامعة ..وبيصير البحث عن سكن مهمة صعببة

Stonebridge Apartments - Saskatoon, Saskatchewan. Apartments For Rent

Stonebridge Townhomes II - Saskatoon, Saskatchewan. Apartments For Rent

Stonebridge Townhomes I - Saskatoon, Saskatchewan. Apartments For Rent

بخصوص الاسعار ...شقة غرفتين تتراوح مابين 900- 1200$ لا تخافين المبلغ جدا معقوووووووووووووول والمكافأة توفي وتزيد ... انا عايش بشقة غرفتين وعندي طفلة ..وتبعد بالسيارة 5 دقائق عن الجامعة .. وايجارها 1000$ شهرياً ...موفقة باذن الله

يعطيك العافيه وماتقصر بس يالبيت تعطيني اسم العماره اللي انتو فيها وموقعها
يعني ادا مافي مانع نكون جيران وانا دراستي بتكون في شهر 6 تاريخ 18

.
.

الله يعافيك اختي ...بخصوص العمارة اللي انا فيها وضعها شوي يختلف لان الشقق اللي فيها عبارة عن تمليك وانا استأجرتها من المالك مباشرة وهذا النوع من الشقق يعرف باسم condo او اختصار condominium عموما عنوان العمارة هو tait crescent-saskatoon 306 اكتبي الرقم قبل الاسم يعني خليه من اليسار ..وشوفي موقعها عن طريق القوقل ..واذا كان عندك قوقل ايرث بامكانك مشاهدتها على الطبيعة مع الحي كامل ... طبعا الشركة اللي ارسلتك اسمها فوق عندهم عمارة في نفس الحي يفصل بيننا وبينهم شارع فقط وهذا هو موقعها :
Wildwood Ways B - Saskatoon, Saskatchewan. Apartments For Rent

طبعا قبل لا القي شقتي الحالية تعبت معاهم وانا ادور شاغر في هذي العمارة بالذات لان موقعها مررررره روعة وقريب من كل شيء .. حاولي ترسلين لهم ايميل وباذن الله يردون عليك او يقبلون يحجزون لك ... للأسف هم ما يقبلون التعامل الا مع صاحب الشأن ولا كان رحت وكلمتهم لك ..عموما اختي حاولي تجين قبل موعد دراستك ب10 ايام او اسبوع على الاقل واذا كان معك صورة من الضمان المالي يكون احسن .. لانك بتجين على الصيف و راح يكون هناك شقق ان شاء الله فاضية والمعهد راح يعطيكي تعريف من ثاني يوم عشان السكن ..لكن الملحقية ما تعطيكي الا بعد ما تفتحين ملف لك ...
.
.
اذا عندك حساب بالفيس بوك ياليت تدخلين علية وراح تلاقين صفحة النادي السعودي ..وباذن الله الجميع ما يقصرون في الخدمة .... موفقة باذن المولى

يعطيك مليون الف الف عافيه وماتقصر كفيت ووفيت بس شلون اجيب الضمان المالي وراح يفيدني بشنو من ناحيه السكن
معليش على كثره الاسئله

.
.
العفو اختي ...معليش انا يمكني لخبطت لكن فيه ناس احضروا معهم صورة من الضمان المالي باللغة الانجليزية من الوزارة وفائدتة انه كنوع من الدعم والتصديق لكي انك وعائلتك مشمولين بمنحة ومصاريفكم تغطيها الدوله وهذا الشيء يخلي المؤجر يتطمن زيادة ..لكن لا تشيلين همة اذا ما اعطوكي اياه ... احد الزملاء بلغني ان خطاب المعهد كافي لانه المعهد راح يذكر في الخطاب انكم طلاب منحة ومصاريفكم مغطيه من قبل الملحقية السعودية ...على اية حال مثل ما ذكرت لك اذا انتي جايه ومعك محرم , زوج او اطفال ..احجزي بفندق لمدة يومين او ثلاثة وراح اعطيكي رقم التواصل معي عشان في حال وصولكم لتورنتو او اي مدينة ثانية تعطوني خبر عشان نرتب موضوع الاستقبال لكم ...ونشوف لكم سكن ثاني ارخص من الفندق اذا كنم حابين ..و بعد ما ترتاحون نروح للمعهد نطلب لكم خطاب تعريف عشان ندور فيه على سكن مناسب لكم ....
.
.
هذا احد الفنادق النظيفة والممتازة في البلدة وقريب من الجامعة ...بس تراه دائما زحمة ..واذا ما عندك حجز مسبق ما يستقبلك ولا يرضى بالتمديد :
Park Town Hotel

.
بالتوفيق

والله مو عارفه ايش اقول لك حقيقه عجز لساني عن شكرك يجعله يارب في ميزان حسناتك وكثر الله من امثالك
مشكووووووووور مشكوووووووووور والله يوفقك

.
.
.
العفو اختي الفاضلة ... الناس للناس والكل بالله اهم شيء لا تقلقون من اي شيء ....وصولكم راح يكون على اجازة اغلب الشباب هنا ..والاخوان والاخوات هنا باذن الله راح يرتبون لكم اموركم من الاف الى الياء بس احرصي على شغلة وحدة وهي وجود بطاقة فيزا او ماستر كارد معك ..واقل شيء فيها ما يعادل 2000-3000$ كندي تكفيكم الين يتم فتح ملفكم ويبتدي الصرف عليكم لان الصرف راح ياخذ من اسبوعين الى ثلاث .. بالتوفيق

الله يعطيك ألف عافية ويكتب لك الأجر أبو غادة

.
.
.
.
يعافي قلبك يابو يحيا