تجمع طلاب University of Regina

بـ رد على كذا استفسـار لكم ..


بالنسبه للأخ Al 8

راح تكون الدراسه على طريقة المستويات ..

و هي 5 مستويات في جامعة Regina

و اختبار تحديد المستوى هو سـ يحدد من اي مستوى راح يبدا الشخص ..

اما بالنسبه للتوفل ، فـ هذا شي راجع لنفس الشخص ..

اذا كان يبي يدخل يختبر و يجرب حضه ، يدخل و لها اوقات معينه ..

و لكن هو ليس مطلوب ابداً في الجامعه ..

الا اذا كان الشخص شايف ان اللغه الأنجليزيه عنده قويه ..

و انظلم في اختبار تحديد المستوى ..

فـ يختبر توفل و يأخذ درجة فوق الـ 80 ، و يدخل الجامعه من دون دراسة اللغه


** ايضاً بالنسبه لموعد الأختبار ..

ما ادري بالضبط متى راح يكون لكن ، و لكن غداً استفسر لكم ..

من مكتب الـ ESL

و بالنسبه لمكان الأختبار ، هم دائم يقولون بالمدرج ..

و لكن الأختبار يكون في مسرح في الدور الثاني ، فوق صفوف طلاب اللغه

ايضاً لو لا قدر الله احد فاته الأختبار ، بسبب موعد رحلاته او شي من هذا القبيل ..

فـ الموضوع طبيعي جداً تقدر تختبر لو جيت متأخر

فـ لأحد يشيل هم من هذه الناحيه ابداً ..


ايضاً بخصوص الفيزا ..

اتوقع الان تم السماح للطلاب و الدكاتره في السعوديه بأخذ فيزا 18 شهر عدت سفرات ..

على كل حال امر الفيزا بسيط جداً و ما من خوف ..

حتى و ان كانت لدخول مره واحد فقط ..

لان بـما انك طالب ، فـ راح تأخذ شي يسمى ستدي برمت في مطار تورنتو ..

في الأمقريشن اللي راح تقابلهم في المطار بخصوص جوازك ..

و هذا الأستدي برمت ، راح يعطيك فايلد الجلوس في كندا اكثر من الفيزا ..

و هو اهم من الفيزا طبعاً لانك راح تحتاج في كل شي ..

و ان اردت ان تجدد الفيزا ، الأمر سهل و انت في كندا ايضاً ..

ما عليك الا تعبي الأبلكيشن و ارساله مع الجواز الى اي دوله خارج كندا و فقط


ايضاً بالنسبه للملابس فـ انا شفت رد يقولون نجيب شتوي ولا صيفي

انا اقولك جيب الأثنين و لكن كثر من الشتوي ..

لان اغلب فصول السنه شتاء ، حتى صيفهم بارد تقريباً الا ثلاث اسابيع منه تكون حاره ..



ايضاً حبيت اقولكم عن السكن ..

طبعاً هي تنقسم الى ثلاث اقسام ..

اما سكن الجامعه او سكن خاص او مع عائله ..

طبعاً كـ بدايه انصح الجميع بالعائله ..

و من ثم لما تعرف البلد و تحس انك قادر على الأعتماد على نفسك ، اخرج ..

اما لسكن الجامعه او الى سكن خاص بك



و اي استفسار اخر انا بخدمتكم ..

اخوي MeSaFiR ياريت تضيفني عندك

hamzah250 at hotmail com

تمت الأضافه يالغالي

اخوي مسافر استفسار بسيط بنسبه للابتوبات يقولون فيه تفتيش لها ياريت تفيدنا فيها
واكون شاكر لك

بالنسبه للابتوب اخوي عبدالرحمن ..

والله يالغالي هم بالعاده ما يفتشونه بشكل مكثف ..

يعني يكون من الشكل الخارجي ..

لان مجرد نزولك في اي مطار في مكان التفتيش ..

لابد ان تخرج الابتوب من الشنطه و تضعه على مكان التفتيش ..

و لكن ايضاً يمكن ان يكون تفتيش مكثف و لكن نادر ..

فـ انت يالغالي احتياط لنفسك حاول تحذف البرامج الغير اصليه ..

و الصوره المشبوه فيها و الأفلام المنسوخه و من هذا القبيل ..

حاول يكون الجهاز نظيف من كل شي للاحتياط فقط ..

و اهم شي لا يكون معك سيديات غير اصليه ..

مشكور اخوي علي الافاده الي اعطيتيني اياها المهم اخوي
ممكن تضيفني عندك يمكن احتاج استفسار بسيط ولا شي ،،،، اذا تقدر
aljeei at live

مرحبا حبايبي:

الي معي بمدينه الرياض الرجاء منهم تحديد أوقات الرحلات الى كندا وخط السير .

علشان نسوي هيليب مع بعض اذا صادف رحلة اي احد مع الاخر وشكرررررا ( وجة نظر)

فخامتي طالع في 7/6 الساعه 11:50م تقريبا خط السير = الرياض >لندن>تورانتو>مدينتا الحبيبه ريجاينا (لاحضو الحبيبه)

ملاحظة :
اشكركم يا شباب بدون ذكر اسماء وبدون حصر على جميع المعلومات والمساعدات لان الجميع استفاد منها فجزاكم الله كل الخير.

مرحبا حبايبي:

الي معي بمدينه الرياض الرجاء منهم تحديد أوقات الرحلات الى كندا وخط السير .

علشان نسوي هيلب مع بعض اذا صادف رحلة اي احد مع الاخر وشكرررررا ( وجة نظر)

فخامتي طالع في 7/6 الساعه 11:50م تقريبا (خط السير = الرياض >لندن>تورانتو>مدينتا الحبيبه ريجاينا (لاحضو الحبيبه)

ملاحظة :
اشكركم يا شباب بدون ذكر اسماء وبدون حصر على جميع المعلومات والمساعدات لان الجميع استفاد منها فجزاكم الله كل الخير.

مبروك ياحمزه وصول الفيزه

اهلا شباب

انا رحلتي يوم ٥ جون على الخطوط السعوديه

الرياض -لندن - تورنتو - ريجاينا

ياشباب انا شريت هاردسك خارجي كبير 1TB وناوي احمله افلام ومسلسلات
هل فيه احد سوى نفس الفكره وهل يدققون على الهاردسك الخارجي ولا لأ ؟

ماتلاحظون ان حنا اكثر الردود في القسم ذا D: