تجمع طلاب University of Regina

بشرى ســـاره للطلاب الجدد القادمين لمدينة ريجاينا ..

قريباً بإذن الله سيتم تفعيل اللجنة "لجنة مساعدة الطلاب السعوديين" من جديد!
اللجنة توقفت لفترة بسيطة نظراً لإجراء بعض الترتيبات التي هي في الواقع تطوير لبعض الأخطاء التي واجهناها من قبل!

أهداف اللجنة هي كما كانت في السابق:
رد على جميع استفسارات الطلاب الجدد .. حجز سكن للطلاب الجدد "سكن جامعي أو خاص أو مع Homestay" .. الإستقبال في المطار .. إستخراج Saskatchewan ID .. فتح حساب في البنك .. إستخراج شريحة جوال وبعض المساعدات الأخرى

فور تجهيز اللجنة سأخبركم

موفقين للجميع

السلام عليكم ورحمة الله وبركاته
أخواني جميعاً شكراً لكم على جهودكم والله يوفقكم في دنياكم وآخرتكم

أنا جاي لرجاينا في 12 ديسمبر هذا الشهر وحاولت أحصل سكن مستقل او عايله مؤقتا ماحصلت ( kiji و craigslist)
سكن الجامعه يبدأ بجانوري وانا بقائمة الانتظار !
فلو أخواني تساعدوني بالأمر ولكم جزيل الشكر
أخوكم
أحمد الشبيب

الأخ أحمد عبدالله

فيه طريقتين لك:
1- ارسل ايميل لمكتب السكن بالجامعة وقل لهم بأنك جاي في التاريخ المحدد وماعندك سكن الى الآن فهم أعتقد راح يحطونك في الغرف المؤقتة guest rooms
هذا رابط لموظفي خدمات السكن وحاول ترسل للعم Eric
http://www.uregina.ca/residences/contactus.shtml

2- ارسل إيميل لمكتب الـ ESL وقل لهم نفس الكلام فهم إحتمال يلقون لك سكن مع عائلة إذا لك نية تسكن مع عائلة
هذا ايميل الـ ESL
ESL at uregina.ca

إذا مافيه مجال أبد فالله يعينك تجي وتسكن في هوتيل أو موتيل لين الله يسهلها وتقدر تحجز سكن الهوتيل اون لاين

موفق

سلام عليكم ، يا جماعة أنا لقيت إن التسجيل للكورسات في الجامعة و إعداد الجدول بدأ من 3 نوفمبر لحد 2 ديسبمر و بعدها انتهى ، و أنا ما وصلت كندا إلا في 14 ديسمبر !! هل تتوقعون إني قادر على التسجيل أو بأواجه متاعب لبكره ؟؟؟
شاكر لكم و مقدر

وعليكم السلام ..

الله يعوض عليك أخوي سلطان وماعندك إلا تنتظر للسنة الجاية ... بالله ماكان أحسن لك تجلس في أدمنتون وتدخل جامعة ألبرتا زي العالم ..

أمزح معك سلطان باشا وتمنياتي لك بالتوفيق والله يسهل أمورك .. وإن شاء الله يفيدوك الشباب اللي عندك ..

بس أهم شيء لا تنسانا ..

أخوك
عمدة أدمنتون

السلام عليكم و رحمة الله و بركاته
أخواني أنا طالب جديد في ساسكتشوان و في UNIVERSITY
أتمنى من أخواني اللي بنفس المنطقه أو أو نفس الجامعه يراسلوني لأني ممكن راح أسافر في شهر 3 ميلادي
و أنا مثل الأطرش في الزفه,,
و بصراحه ما أستغني من مساعدتكم لي .
شاكر و مقدر لكم .

اخواني الله لا يهينكم وين تفع محطة الباصات اللي حول عمارات BOARDWALK و كم أرقام الباصات اللي تمر عليها ؟ و كم رقم الباص اللي يودي للمول ؟

و بالمناسبة ، بالنسبة للانترنت .. اللي عرفته ان فيه شركتين و لهم طريقتين في توفير النت لك :

- الأولى إنهم يرسلون شخص لك و يضبط لك المودم و الدنيا .
- الثانية إنهم يرسلون لك المودم أو انت تآخذه من عندهم و تضبط المودم بنفسك .


هل عندكم تجربة بهالخصوص ؟؟


الله لا يهينكم و اصبروا و صابروا و رابطوا على هالبرد الله يكفينا شره لا يكسر خشومنا

اهلين اخوي

بالنسبة للإنترنت

أنا أخذت المودم من الشركة ورحت البيت ضبطت الإعدادات حقت المودم بنفسي وهي سهله وبسيطه ما يبيلها شي

طبعا انا اخذت المودم من الشركة وركبته بنفسي لان الشركة قالولي نرسلك شخص يسويلك الاعدادات بس المشكله اعطوني موعد بعد اسبوع فقلت لا عطوني اياه وانا اركبه بنفسي

اتمنى اني افدتك

ما قصّرت يا ياسر ، الله يبيض وجهك