جامعة ريجاينا

وعليكم السلام ... بالأول تقدمي الابلكيشن اونلاين وبعد كذا هم يرسلون لك طلب انك ترسلي اوراقك ...

ولكن الأفضل انك تراجعي موقع الجامعه وتشوفي ايش المستندات اللي يبونها للتخصص .. عشان تجهزينها من الحين ويجب ان يكون كل شي مصدق ...
عموما على مايبدو انك لسه مش موجوده بكندا وانتي بمرحلة اللغة ... فإذا كان الامر كذلك ... فما اعتقد ان الجامعه تعطيك قبول لانك لسه ماعندك ايلتس او توفل او حتى تخرجتي من معهدهم ... فكيف تقبلك ؟

فالافضل اذا كنتي مصممه على منطقة ريجاينا هو ان تأتي وتدرسي بمعهدها وبعدين تقدمي على الجامعه ... والأفضل انك تقري عن المنطقه وتعرفي عنها أكثر قبل ان تقرري المجيء لها ... لانها برأيي من أتعس الهجر الكنديه وذلك بشهادة أهلها

موفقه يارب

اتعس ؟
يا ساتر !!
من آي ناحية آتعس ؟ جامعتها ولا المدينة

اتعس من ناحية كون المدينة بسيطه لاتتوفر فيها وسائل خدمات عديده او ترفيه

السلام عليكم

طلاب جامعة ريجاينا ..

عندي كم سؤال أولها :
هل الجامعة لها توصية معينة ؟ يعني ما أجيب من جامعتي ؟ اذا ايه قولوا لي كيف اسويها ..
الجامعة مالها توصيه معينه وتقدرين تقدمين بالتوصيه اللي معك من السعوديه


السؤل الثاني:
لو بقدم على الجامعة كيف ارتب الأظرف ؟
تقديمك يكون اون لاين الاجراءات جدا بسيطه وبعدها تدفعين رسوم الابليكيشن 100$ وترسلين لهم التوصيات وكشف الدرجات بالبريد
التوصية / السجل الاكاديمي / الوثيقة
كل واحد لحال ولا كيف ؟
كلها مع بعض
طيب الاصل من الوثيقه اقدم فيه ولا كيف ؟
لاصوره


السؤال الثالث اقدمه في يدي ولا رسله من السعودية ؟
ترسلين من السعوديه
وبخصوص المدينه اذا انتي تبغي جو دراسه ف راح ترتاحين فيها ان شاء الله
مميزاتها:
الجامعه ممتازه وسهله بالقبول وتعطي قبول مدته سنه يعني حتى وانتي بالسعوديه وقبل تبدين اللغه تقدرين تاخذين قبولك
معهد الجامعه قوي ودراسته ممتازه وتقدرين تدخلين الجامعه مباشره اذا اجتزتي اخر مسستوئ بدون اختبار توفل
دراسة الماستر فيها مريحه من ناحية النظام وممكن طول الترم ماتداومين الا اسبوع والباقي شغل ابحاث بالبيت وهذي ميزه وخصوصا للعوائل المحافظه
المدينه محافظه<< بمفهومهم<< مافيها خدش للحياء مثل المدن الثانيه
ماراح تصرفين كثير بالمدينه يعني من الناحيه الماديه ممتازه
تقدرين تاخذين لك سياره خاصه من معرض شخص مسلم اسمه طاهر سليم اجار السياره 350$ بالشهر وشامل التامين يعني يعتبر بلاش بكندا
والتنقل بسياره خاصه اريح وافضل حتى السعوديات يسوقون بانفسهم ومرتاحين الحمدالله
المدينه طبيعتها حلوه وهاديه وامنه واهلها كنديين اصليين ومافيها اجانب كثير والسعودين اخذين راحتهم فيها
عيوبها:
بارده من نوفمبر الى نهاية مارس
انشطتها قليله وخصوصا في الشتاء
المدينه صغيره وليست للناس اللي يحبون التسوق والانشطه في المدن الكبيره.

ششششكراً لكممممم