تجمع طلاب Winnipeg

طيب احد يعبرنا ياشباب ويرد علينا ويعطيكم العافية

http://www.umanitoba.ca/student/elc/...plication.html

بعدين يرسلولك رد بعدين تحول الفلوس

فعلا ياشباب والله نحتاج نعرف من الاحوان اللي هناك كيف الجو العام للدراسة وكيفية تعامل الشعب هناك مع العرب والسعوديين بخاصة وكيفية تقبلهم لكم هناك

السلام عليكم ورحمته الله وبركاته
كيف الحال ياشباب اولا المعذره ما ردينا عليكم بسرعه والله انا اتكلم عن نفسي والشباب اكيد حالهم من حالي صراحه تو الدراسه بدت من ثلاث اسابيع علشان كذا لسا محووسين شوي

الشي الثاني الدراسه شوي مكثفه واجبات كل يوم لان اغلب الشباب السعوديين او كلهم تقريبا دخلوا البرنامج الاكاديمي فهو مره مكثف لكنه يفيدنا في مرحله الماستر ان شاء الله

عموما طولت عليكم

الاخ sult والموسوعه بالنسبه للجو في المدينه الحين تقريبا بدى الجو يحلو البرد خف الحين وحنا تقريبا في الربيع احيانا الجو يجيه هفات يعني تمر عليك الفصول الاربعه في يوم واحد
لان ونيبيق بالذات معروف عنها انها متقلبه في الجو يوم مطر يوم هوا شديد يوم شمس حاره لكن على العموم الجو بدا يدفا تقريبا البرد انتهى والله العالم هذا الي حسينا فيه الايام الماضيه

اما الدراسه والله تمام والجامعه تقريبا حنا اول دفعه من الطلبه السعوديين يدرسون هناك الامور والله كلها تمام معاملتهم لنا والله كويسه متفهمين الوضع فيه عيب وحيد انه كثره الطلاب الصينين معنا لانهم بصراحه همجيين لكن الشباب هنا في جامعه ونيبق متعاونين ويد واحده ولله الحمد المدرسين والله جيدين اتكلم عن الي يدرسوني في المستوى الاكاديمي الثاني

المدينه حليوه ما اقدر اقول سيئه او جيده لاني ما اقدر اقارنها بمدن ثانيه لاني ما رحت الا وينيبق لكن فيها اسواق جيده ومنتزهات ممتازه يعني فله

الشعب جدا ممتاز والله ومتفهمين ويقدرون انك جديد على البلد واللغه مش ولابد
هذا مجملا ما قدرت اشرح لكم عنه والعذر الموضوع مو مرتب لكن لضيق الوقت والله يعين الجميع

بالنسبه للشباب الجاين حاولوا تنسقون وترسلون لمنسق الهمو استي من الحين للي ناوي يسكن مع عايله
لان السكن شوي مكلف وربنا يعينكم

الافياش لا تنسونها

اي استفسار حنا حاضرين

للتواصل kd1kd1 على الهوتميل
دمتم سااالمين

الافياش بس يالرايق هيا شوف احد يوصلك الجمعة من الملعب كيف تنسى الماربورو الابيض يا اخوان اعقلوها وتوكلو واللة الوضع هنا كنك في السعودية مع فرق الاسعار البسيط وفرق الوجية والطباع والاخلاق الكبيرقبل اقلاعكم اتصلو من السعودية اما على احد الاخوان في النادي السعودي الموضحة ارقامهم لديكم او على اخوكم ابو فارس الرقم 2042305441 وان شاء الرحمن الامور مقضية بس المهم زي ماقال الرايق الهوم استي نسقولة من السعودية

السلام عليكم ورحمة الله وبركاته ..
استفستار واتمنى من الاخوان الردود ..
الله لا يهينكم .. ان شاء الله جاي على وينبييق بالصيف .. وبقعد ان شاء الله شهرين ونصف تتوقعن الفلوس اللي راح اصرفها كم راح تاصل ..
ادري انكم بتقولون على حسب صرفك وكذا ..
لاكني الله لا يهينكم ابي اسعار المعيشه بالحالات الثلاث اذا كنت
مقتصد جدا ، واذا كنت عاادي ،واذا كنت مسرف ..
ادري كثرت عليكم .. بس ان شاء الله تتحملوني شوي وترودن ومالنا
غير الله ثم انتم لا هنتم والله يوفقكم ..

اولا السلام عليكم كلكم
ثاني شي حبيبي انا راح اذكر لك التكاليف وانت جمع الله لايهينك
تكلفة السكن مع عائلة شاملة الاكل وغسل الملابس من 600 إلى 650 دولار كندي
التنقلات تذكرة الباص لمدة شهر للطلاب 57 دولار
القهوة بعض الاشياء الخفيفة يمكن يكفيك 300 دولار في الشهر
الدراسة والله ماادري بس ادخل موقع المعهد وتلقى الاسعار بس اتوقع انة ماتتجاوز 3500 دولار كندي
والمعيشة في المدينة الصراحة رائع والشباب السعوديين الصراحة متعاونيين جزاهم الله خير
اتمنى اني عطيتك المعلومات الي تبيها وشكرا

أشكر لجميع الأخوة تعاونهم هذا اللي بصراحة ماتجده في أي أناس من دول ثانية الحمد لله إنه منَ علينا بهذه الاخوة الرائعة جدا التي والله نحسد عليها