تجمع طلاب Winnipeg

يا عبد المجيد انا راح اطلعلك المطار بس هل عندك هوم استى ولا تبينا ندبرلك سكن ومن فين انتى في السعودية عشان نمتحنك بحاجة تجيبها معاك واهم شي رقمي عندك اتصل قبل لا تحرك من السعودية والترانزيت في تورنتو لا تخلية اقل من 3 ساعات عشان لا تفوتك الرحلة ويكون عندك وقت وبالسلامة ان شاء الله

حبيب قلبي يبو فارس انت انا عندي سكن مع عائله ..

انا من الرياض بس انت امر امر وش تبي اجيب لك ..

اسم الجامعة أو المعهد :-university of manitoba
بداية الدراسة :-2 september2008
وقت الوصول الى Winnipeg :- في 25 اوقست
التخصص بعد تجاوز اللغة بحول الله :- ما قررت بس اقرب شي هندسة ميكانيكية
الوضع الحالي من ناحية الفيزا والامور الاخرى :- خلصت وانا في وينبيج بس المشكلة اني ما انظميت في البعثة
عنوان اتصال ايميل او خلافه :-(تم حذف الإيميل لأن عرضه مخالف لشروط المنتدى)

الحمدلله وصلت وكل شي كويس بس ما تعودت على الوضع خصوصا ان ما لي غير 3 ايام

عبد المجيد حبيبي توصل بالسلامة اكدلي واتصل قبل اقلاع الرحلة من السعودية لان يوم الخميس جايين شباب في عدة رحلات واذا امداك جيب قد ماتقدراكراز مالبورو ابيض ونحاسبك عليها بالدولار يعني بالعملة الصعبة ولا تخاف ما راح احد اسئلك ليش جبتها لاني جبت معي 15 كرز ومشوني بس للاسف انتهت

حبيب قلبي توصل بالسلامة حاول قد ماتقدر تجيب معك كراتين مالبورو ابيض وتاخذحسابها بالعملة الصعبة

كل عام وانتم بالف خير بمناسبة حلول شهر رمضان المبارك اعاده الله علينا اعواما عديدة

كل عام وانتم بالف خيربمناسبة حلول عيد الفطر المبارك
عيدكـــــــــــــــــــــــم مبــــــــــــــــــــــارك

أخوي أبو فارس 08
السلام عليكم ورحمة الله وبركاته
كل عام وأنت بخير ومن العايدين وعساكم من عواده
اليوم قابلت الاخ العنصري من الشباب الي تعرفت عليهم من الموقع وقلي كلام ضايقني كثير طبعا هو مبتعث جامعه مانتوبا تخصص قانون وراسل الجامعه وقالو انه اذا تجاوز اللغه له الحق انه يدخل اي تخصص ما عدا تخصص القانون والله خوفني وش رايك اخوي ابو فارس هل ذا الكلام صحيح من يوم قلي الخبر وانا في وضع مزري الي ابيه منك اخوي تسأل لي عن ذا الكلام هل هو صحيح في اسرع فرصه لا ني راح اجي بعد كم يوم وذا الكلام غير مطمن مو معقوله اجي واخذ لغه وما ادخل تخصص قانون
أرجو منك الرد بسرعه الله يوفقك
واي احد عنده معلومه تكفون

وعليكم السلام ورحمة الله

اخوي لاتتخوف ولا تقلق
انت الحين تعال خذ اللغة
وترى جميع الجامعات الكندية تقول للطالب تجاوز اللغة واختار تخصصك
لاكن الى الان لايوجد اي اثبات لهى الكلام وجميع قبولات مبتعثي كندا لغة فقط واذا خلص اللغة يبدا يدور له قبول ماستر
السبب كله يعود في الملحقية السعودية الي وفرت قبولات لاتسمن ولاتغني من جوع
وانا واحد من الطلاب الي ادرس اللغة بجامعة لايوجد بها تخصصي اصلا والحين بدور جامعة اخرى لدراسة الماستر
ماقول الا لاحول ولاقوة الا بالله وحسبي الله على من كان السبب

كل عام وانت بخير ومن العايدين والفايزين
أشكرك أخوي على ردك لكن اخوي اذا ما فيها كلافه عليك ودي انك تسأل لي عن هذا الكلام هل هو صحيح هل دخول تخصص القانون في جامعه مانيتوبا مستحيل لاني ناوي ادخل هذا التخصص او اني اكنسل البعثه والمشكله موعد السفر قرب يعني كلها كم يوم ولا ودي اجي كندا الا وانا متأكد من القبول ان شاء الله لانه بمجرد سفري يعني اني اضحي باشياء كثيره ،،،، اخوي الفزعه منك طال عمرك انتظر منك الرد ،،،