تجمع طلاب جامعة MANITOBA

اخ مفرح انت متأكد ان المعهد icm غير معتمد !!!!!!!

لكن جامعة مانتوبا معتمده من قبل الوزاره.... موجوده تبع القائمة في موقع وزارة التعليم العالي
على هذا الاساس تكون الكليات و المعاهد الموجوده في الجامعه معتمده ايضا....بالعقل

لكن اخ مفرح بسألك كيف عرفت ان المعهد عير معتمد.....سألة الوزاره وله كيف؟؟؟؟؟!!!!

كل ما نقول تيسرت تتعقد مره ثانيه.............

بسرعه انا في انتظار ردودكم لان الوقت عندي ضيق....
نبغى نعرف المعهد معترف فيه وله لا....وكيف عرفتوا ذلك؟؟؟

المعهد كان فيه طلاب سعوديين مبتعثين وقامت الملحقية قبل سنة ونصف بتحويلهم من المعهد هذا الى معهد اخر بنفس الجامعة
ارسل ايميل للملحقية او للاستاذ مصطفى ابواصبع مسئول طلاب جامعة منيتوبا وتاكد من نفسك وهو شخص يرد على طول بنفس اليوم تقريبا وتجد ايميله بموقع الملحقية طلاب جامعة منيتوبا ارسل له ايميل وخذ العلم من المصدر حتى بعدين اذا وافق تقول انا ارسلت لك ايميل وقلت لي هذا معترف لكن استبعد انه راح يقول لك انة معترف به

الجامعة معترف بها
لكن المعهد لا

وبالتوفيق ونحن بالخدمة
لكن لغتك جيدة او لا اذا جيدة ادخل البرنامج الاكاديمي كل مستوى 4 شهور وبعد ماتخلص مستوى 5 تدخل الجامعة على طول بدون توفل او ايلتس

من فضلك اخوي ..
عطني ايميل مصطفى ابو اصبع ...بحثت عنه ولا حصلته
شنهو اسم المعهد اله نقلوا فيه الطلاب في الجامعه؟؟

عفوا على الازعاج

ادخل موقع الملحقية وبعدها التواصل مع المشرفين على طلاب اللغة
المشرفين الدراسيين

يعطيكم العافية يااخوان

انا عندي استفسار وياريت الي عنده فكرة عن الموضوع ينورنا

بخصوص البري ماستر هل هو لجميع التخصصات ام تخصصات معينة؟ يعني مثلا اقدر اخد بري ماستر فيزيا
وهل حدرس لغة اثناء البري ماستر او لازم اجيب درجة الايلتس؟ وكيف الطلاب الي درسو بري ماستر هل بدأو مباشرة الماستر بعد السنة هذي؟

واي معلومة حابين تضيفوها الله يحييكم

وشكرا لكم وبالتوفيق للجميع

البري ماستر تدرسة اذا كان تخصصك ليس امتداد البكالوريوس او اذا المواد اللي اخذتها بالبكالوريوس ليست كافية وتحتاج الى مواد اكثر تاخذ بري ماستر
وباقي الاسئلة ليس لدي خلفية

وبالتوفيق

كيف القبولات بالنسبة للماستر في هالمدينة ؟

فيه جامعتين
1- منيتوبا وبها تخصصات كثيرة والقبول حسب القسم وحسب الواسطة يعني تعرف احد يتوسط لك عن الدكاترة
2- ونيبق تعتبر صغيرة جدا والاقسام قليلة جدا

السلام عليكم ورحمة الله وبركاته
أخ مفرح الرويلى شكرا لتفاعلك في هدا القسم
انا مبتعثة من المرحلة 5 ادرس اللغة في ترونتو وسوف انتقل الى مانيتوبا للدراسة الاكاديمية في شهر ابريل 2011
عندى بعض الاستفسارات عن مدينه وينبينق
كيف تصف المدينة بشكل عام ؟
نظام المواصلات فيها ؟
المنطقة السكنية بقرب جامعة مانيتوبا؟
هل انقل عفشي من ترونتو أو أبيعة ؟ وماهي طرق نقل العفش؟
كم اسعار الشقق "غرفتين" ؟

واي نصيحة ممكن تقدمها لى
وشكر

وعليكم السلام ورحمة الله وبركاته
المدينة جيدة اذا انتي في جامعة منيتوبا ممتاز لان الاحياء القريبة هادئة جدا وقريب النادي السعودي
المواصلات ممتاز جدا والمواعيد دقيقة خاصتا الباصات
العفش لك مطلق الحرية لكن بيعوه في تورنتو وتعالوا واشتروا عفش من ونيبق لان الاسعار حلوة يوجد محلات بيع العفش الجديد والمستعمل
بالنسبة للشقق غرفتين تختلف الاسعار من 850-1200 حسب نظافة العمارة والموقع انا ساكن بالقرب من جامعة منيتوبا ب900 دولار وفية اقل وفية اكثر
المدينه هادئة ورخيصة وفية تجمع سعودي كل يوم سبت نجتمع بالنادي السعودي يوجد قسم للنساء وقسم للرجال
اي سؤال انا حاضر
واذا بغيتم شقة المفروض تحجزوا قبل موعد وصولكم بفترة كافية فية موقع الكي جي جي او سبلت ويوجد سعوديين احتمال بشهر ابريل ينقلوا او يغيروا شقتهم لكن حبذا ولي امرك ياتي لوحد قبل شهر ويبحث عن شقة وبعدها تاتون جميعا
اذا كان لديكم اطفال الحضانات الحكومية شوي زحمة لكن يوجد حاضانات بالمنازل
واي سؤال لاتترددون واذا اراد ولي امرك جوالي للتنسيق والرد على بعض الاسئلة انا حاضر