قادم جديد إلى تورينتو وأحتاج مساعدتكم

اهلا بك اخي الكريم ,,

بالنسبة للأسئلة اتوقع الإخوان هينا ممكن يفيدونك أكثر مني بس ممكن اجاوبك ع التالي
في هذا الموضوع ما نقدر نفتي لأن فيه عندنا حكم شرعي واضح و صريح بالنسبة للحجاب

و اهم شئ في الحجاب إنه يسترها و يحجب انظار الاجانب عنها

و للمعلومية فيه كثير يلبسون الجلباب + غطاء الوجة مع عباءة الكتف الملونه

و انا أرى إنك في هالموضوع خاصة لاتسأل كثيييييييييير سو الي يرضي ربك و توكل على الله

لو تسأل الي هينا كلن راح يفتي ع حسب وجهة نظرة !!

و للأسف الحجاب هينا لا يمت لمعنى الحجاب بصلة و الله المستعان تشوفها لابسة البنطلون الضييييييييق و لافة هالسكارف ع شعرها و لا مطلعة مقدمة الشعر كنوع من الاستايل !!

الله يهدينا و اياهم


أتمنى لكم رحلة سعيدة و مريحة

و توصلون بالسلامة ~

عـزيزي بـندر .. انا فـي تورنتو لـي اسبوعـين تقريباً .. ومعظم الشباب الـي اعرفهم في معهد قلوبل فيلج .. f-y-d at windowslive.com ان شاء الله افيدك بـلي آقدر عليه .. بـ التوفيـق عزيزي

الله يوفقك ويسهل دربك يابندر .. وانا ما ازيد على كلام الأخوان ..
واعتقد ان تورينتو فيها نادي سعودي ، والأخوان السعوديين فيها مايقصرون مع اي احد .. تستطيع زيارة الموقع والإتصال بهم . ط¬ظ…ط¹ظٹط© ط§ظ„ط·ظ„ط¨ط© ط§ظ„ط³ط¹ظˆط¯ظٹظٹظ† ط¨طھظˆط±ظ†طھظˆ

بالنسبة للعائلة ، كل شخص وحسب قدرته على الإستعداد .. فإذا انت حجزت على سكن من السعودية ودفعت العربون ومعاك عقد .. أعتقد الأمور راح تكون متيسرة بإذن الله ..

وبالنسبة للحجاب ، ما ازيد على كلام الأخت "عقد الجمان" .. فالله يجزاه خير .. وخذ هذه الحديث الشريف :-
قال رسول الله صلى الله عليه وسلم:- ( من التمس رضاء الله بسخط الناس كفاه الله مؤنة الناس ومن التمس رضاء الناس بسخط الله وكله الله إلى الناس والسلام عليك)
قال الشيخ الألباني: صحيح
انت ما عليك من العالم . وأعمل اللي فرضة الله عليك ، ولايحصل لأبن أدم شي ، ألا قد كتبة الله عليه .. فريح بالك اخوي .. وتمسك بدينك فهو منقذك بإذن الله ..

تمنياتي بالتوفيق والستر لك ولعائلتك في الغربة ..

ممكن تجبلي جراك معاك للشيشه (الجراك الاسود السعودي مش المعسل)وانا بعطيك طبعا تكاليفه وتكاليف الشحن الزايد ايضا لو اضطريت مثلا تشيل شنطه صغيره للجراك بعطيك حق العفش والشحن وكله بس وانا بتورونتو فخدمتك كدليل سياحي ترى خبره بتورونتو تبغى مطاعم عربيه تبغى احياء عربيه تبغى الحي الصيني تبغى ارخص الطلعات لنياغرا فولس بالباص تبغى رحلات لمده يومبن من تورونتو لمونتريال وكوبيك واوتاوا والالف جزيرة مع سكن ليله فمونتريال بفندق الهلتون وتعرف دا كله بكم لك انت وزوجتك ؟بـ200دولار تشمل كل شي حتى السكن فالهلتون تبغى اقبال حلال للحوم والدجاج المذبوحه عالطريقه الاسلاميه المهم اي خدمه هذا ايميلي
slem_shady747عالهوتميل

بس يرحم امك اسعفني بالجراك

انا ان شاء الله بدرس في نفس المعهد بإذن الله ورحلتي راح تكون بتاريخ 30-6-2009 ان شاء الله

المعهد مثل ما قالوا انهم يستقبلونكـ في المطار وهم ما قبلوك الا هم عندهم خلفية عن الضمان المالي طبقا للي عبيته بالابليكيشن حق السفارهـ

بالنسبه للحجاب ما ازيد على كلام الاخوان والاخوات

اما السكن فالافضل لو ترتب اموركـ من بدري قبل لا تسافر وان شاء الله اصحاب الخبرهـ يفيدونكـ

سؤال/ على اي خطوط حجزت؟

وبالتوفيق للجميع

نشوفكـ في جلوبال فيلج ان شاء الله

تحياتي ...

ألف شكر للإخوان والأخوات الذين شاركوا بالرد والإفادة ، قد سعدت بالغ السعادة بردودكم الكريمة.
أخوكم أستاذ جامعي يعني حاصل على الدكتوراه في اللغة العربية "النحو والصرف" وجئت هنا لدراسة اللغة الإنجليزية ضمن برنامج تطوير قدرات أعضاء هيئة التدريس في الجامعات السعودية.
بالنسبة للأخت عقود الجمان ألف شكر وسؤالي كان فقط عن لون الجلباب وهل لبس العباءة السوداء على الرأس يثير المشاكل للمرأة ، وهل تلبس مكانه الجلباب المغطي لجميع الجسم لكنه بلون غير الأسود كالأخضر. أما غير المحجبات فهذا مرفوض أصلاً.
بالنسبة لمن يريد المعسل أعتذر عنه لأني إمام جمعة وهذا يخالف مبادئي وكان تأمر تمر تراني مستعد وببلاش أيضًا.
أمَّا من يسال عن الخطوط فأفضلها هي خطوط اتحاد الخليج وهي الأرخص ثم الأردنية لكنها لا تنزل تورينتو ، ثم الإمارات وهي الأغلى. وقد حجزت على الاتحاد.
ألف شكر للجميع
أخوكم/بندر حمدان الشمري

بقي عندي سؤال مهم لدي:
كيف الجو عندكم هذه الأيام وما نوع الملابس التي آخذها معي الآن:ربيعية أو صيفية أو شتوية.
مع خالص الشكر والعرفان