تبي اسئلة, خدمه , فزعه عن laurentian university حياك هنا!!

السلام عليكم ورحمة الله وبركاته ..
يعطيك الف عافية اخوي بو تركي على مجهودك الطيب .

الي حبيت اسألك عنه ، إيش يطلبون الجامعة للقبول مثلاً نسبة الثانوية إلخ وهل هناك يطلبون درجة معينة مثلاً بالماث ؟ بالنسبة للتخصصات الإدارية .
أيضاً هل يوجد في الجامعة تخصص نظم معلومات information system في الغالب يكون تابع لكلية الزنس أو الإدارة ؟
طبعاً اسألتي لمرحلة البكالوريس ..

وألف شكر لك

وعليكم السلام ورحمة الله وبركاته اخوي الفردوس الجريح

بحثت عن التخصص الي تبيه وللاسف مالقيته وارسلت رسالة للاادميشين الي عندنا باسم التخصص الي تبيه وانا بانتظار الرد واول مايجيني رد اكيد عطيتك خبر وبعطيك الرابط حق التخصصات تتأكد بنفسك

http://www.laurentian.ca/Laurentian/...ian_Lang=en-CA


تقضل اخوي على الرابط هذا وراح تشوف جميع التخصصات الي تدرسها جامعتنا

تقبل تحياتي عسى الله يوفقك وجميع الطلاب المبتعثين
اخوك تركي الهاجري

السلام عليكم ورحمة الله وبركاته

الاخ تركي


لو سمحت تقدر تجيب لي قبول مشروط في اي جامعه في كندا في تخصص طب الاسنان



الله يوفقك

كلمت لك ناس في تورنتو طبعا هذي الديرة في كندا

وقالوا احسن حل لك هو انك تروح بريطانيا<<< السبب انه جامعات كندا واغلب جامعات امريكا تطلب منك ساينس الي هو العلوم وتاخذ لك فيه ثلاث سنين وتكون على حسابك وبعدين تدخل الجامعه فهذا الشي بيتعبك

السلام عليكم ورحمة الله

اناا انشاءالله بجي سادبري مع بداية السنه الجديده

وعندي اشوية اسئله اتمنى منكم الرد عليها =)


س1 كيف نظام المواصلات عندكم يعني فيها قطارات وباصات ولا ؟؟

س2 هل تنصح اني اسكن بسكن الجامعه ولا في شقه ؟؟

س3 هل يوجد اماكن عربيه او حلال ؟؟

واسف اذا طولت عليكم D:

مرحبا بك Don't try منور الموضوع

ج1 المواصلات عندنا بشكل ضعيف وخاصة في الشتاء ولاعندنا قطارات عندنا باصات تجي على كل ربع ساعه واحيانا كل نص ساعه { نصيحتي لك تشتري سيارة وتفتك }

ج2 والله الشقق احسن اذا تبي ترتاح والامر بعد يعتمد عليك وعلى نفسيتك ووضعك اذا انت اجتماعي واذا كان عمرك فوق ال 25 سنة اي انصحك في سكن الجامعه لانهم راح يعطونك شقة لحالك واذا كنت اصغر يخلونك تتشارك مع الطلاب في سكن الجامعه وانت عارف ان وضعنا حنا يالسعوديين مرة يختلف عنهم وخاصة اننا مسلمين<< بالاول والاخير الامر يعود لك

ج3 والله مافي اماكن عربية ولامطاعم حلال للأسف والشي هذا يحزننا الا اذا بتجي وتفتح مطعم عربي وحلال وفيه كبسات الله مشروع طيب
على العموم في فيه اسواق تبيع منتجات حلال والمدينة فيه مساجد ثلاثة واحد على شارع اسمه paris والثاني في المنطقة الجديده الي هي NEW SUDBURY والثالث بالجامعه والي عليهم الكلام الي بالجامعه والي على شارع paris

وابد ماطولت ويامرحبا فيك

السلام عليكم مششكور أخوي .. تركي ..

مقدرين لك الشغل اللي تسويه .. وسرعة الرد والأستجابه .. وهآذى موب غريب عليك ..

أخوي .. اذا جيت لـ المعهد حق الجامعه اللي هو الأكادمي .. أقدر أعرف الكلاسات اللي يعطونها أول فصل ؟! وثاني فصل .. وأذا تعرف الثالث .. هل هي قويه ؟! يعني أذا ماهي قويه أروح لـ معهد قوي .. وبعدين أجي وأدخل اللفل الـ 3 وأخش الجامعه ..

بغيت أسئلك الشعب عندكم أكثره كندي ولا مخلط .. وش وضع العرب كثير ولا .. هل فيه فرنسيين يعني زي مونتريال والطقه ..

وسسسلآلآمتكـ ..

وعليكم السلام, العفو ماسوينا شي , بالنسبة للردود لازم تكون سريعه لان الي يجي بيجيك محتاج للاجابة , ولازم الاستجابه بسرعه عشان يرتاح باله وخاصه انه مغترب وتجهله بعض الامور

بالنسبة لمعهدنا بشكل عام جيد جدا يعني مو ممتاز يمشي الحال على قولتهم ولك اربع ساعات باليوم دراسة غير انك تاخذ برزنتيشنات وبحوث قصيرة تكتبها الي نفس نظام ال اس اي, والله ياخوي الامر راجع لك بالشي ولا اقدر اقولك انك تجي على المستوى الثالث, بس المعهد الي حنا فيه مدة الانجليزي فيه قصيرة وهذا الشي مريحنا وزي ماقلتلك الامر مازال يعتمد عليك

الشعب هناك اكثره كنديين الاصل والعرب فيها عدد كثير ويتكاثر فيها الان 25 سعودي تقريبا وتنتظر 15 طالب , الديرة الاصل فيها فرنسي ولكن ماهي بزي نظام مونتريال وكباك يعني يقولون انها فرنسية لكن وضعها لاشفته انجليزي بس ثقافة البلد وعاداته فرنسية << طبعا مايعرف عاداتهم لكن نسمع المدرسين الكنديين يقولون الكلام عندنا هذا

والله يسلمك يخوي تقبل تحياتي : اخوك / تركي الهاجري

والله والنعم بالهواجر

كيف الديرة طيبه ولا لأ ؟


ثاني شي ..

لك ولا للذيب ض1

تكفى ودي بقبول .. معهد وجامعة .. اليوم تسهلت اموري للبعثه .. بس طلبوا اجيب قبول معهد والجامعه ويعطوني خطاب حق السفاره


تخصص إدارة مالية

واذا صعبه عليك دلني كيف اسويها ..

مشكلتي اللغه عندي مش ولا بد

moshax @ bab11.com

والله والنعم بالهواجر

كيف الديرة طيبه ولا لأ ؟


ثاني شي ..

لك ولا للذيب ض1

تكفى ودي بقبول .. معهد وجامعة .. اليوم تسهلت اموري للبعثه .. بس طلبوا اجيب قبول معهد والجامعه ويعطوني خطاب حق السفاره


تخصص إدارة مالية

واذا صعبه عليك دلني كيف اسويها ..

مشكلتي اللغه عندي مش ولا بد

moshax @ bab11.com