استفسار .. أبي معلومات عن مدينة هاميلتون في تورنتو ..

يعطيكم العافيه
ياليت احد يفيدنا بمعلومات عن الجامعه الموجوده في هاملتون
وهل توفر قبول مشروط باللغه
علما اني بدرس ماستر حاسب.

يا اخت بنوته انا اعرف دكتور متخرج من نفس الجامعه ....
مدينه هاملتون تقع في جنووب كندا .. تبعد عن ولاية نيويورك في امريكا بحوالي 70 كيلو
المدينه مناخها جدا ممتاز طبعا الجو باارد في الشتاء ولكن اقل بروده من ولايات كندا الباقيه والشتاء ليس طويل وغير معروف بالثلوج الا في الشي القليل
المدينه رخيصه من ناحية الاسعار لانها مدينه صغيره ومدينه دراسه وهذا اجمل شي
وفي الويكند تقدري تروحي الولايات الكبيره اللتي بجانب هالمدينه حيث انها لا بعد عنها كثيرا
انا الان انتظر قبولي منها في الماستر
اتمنى الله يوفقك ويسهل امرك وااذا عرفت اي شي جديد على طول حقولك
موفقه يااارب

يوجد في مدينة هاملتون جامعة مكماستر وهذا رابط الجامعة http://www.mcmaster.ca/

ويوجد معهدين لدراسة اللغة

اللي اعرفه ان الجامعة تعطي قبول مشروط

وياليت اذا احد يعرف معلومات اكثر عن هذه المدينه وهذه الجامعه يفيدنا ....لانني بحثت عنها ومالقيت الا معلومات بسيطة

والله يوفقق الجميع

الفلتة يعطيك العافيه
وألف شكر على المعلومات وعلى الرد
وأكيد مانستغني عن المساعده في حال لقيت جديد عنها
الله يسر أمري وأمرك وأمور الجميع
ياااااااااارب

جامعة ماكمستر من اقوى جامعات كندا والعالم بس للأسف مالها معهد خاص فيها والي اعرفه ان هي تطلب توفل للمتقدمين لها وماني متأكد من انها تعطي قبول مشروط او لا بس اغلب الظن انها ما تعطي قبول مشروط والله اعلم

يعطيك العافيه أخوي
ولد السلاطين.

يعطيكم العافيه على هالردود
واذا في احد يعرف خير اكيد ياليت ينورنا ترانا في حيره من امرنا
وجزاااكم الله خير

.. انا ابي تخصص محاسبة بس ابي اعرف اسعار بيوتهم .. شلون والحياة فيها ومافيها الا هالجامعه وكيف معاهد اللغة فيها ..