تجمع طلبة مدينة تورنتو لمعهد GLOBAL VILLAGE سؤال وجواب..حوار ..خبرة .. وأشياء أخرى..!

وياك وكل مسلم

هلا حلم
عزيزتي لا تتمنين أنه يجيك قبول في هذا المعهد لأن سمعته مو مره وحنا الي جانا قبول رغم عنا راح ندرس فيه فترة ونحول لمعهد تورنتو ..!!

موفقه يارب : )

غريبة المعهد هذا جدا ممتاز وحتى سمعته رائعه وفيه جامعات وكليات موقعه معاه
بنظري ومن خلال بحوثي وتجربتي اشوف ان هالمعهد حد افضل المعاهد التجارية في تورونتو طبعا مثل ما قلت فقط لتقوية اللغة للمحادثة لكن بعدها انتم اللي بتكملون جامعة لابد من معهد اكاديمي

بصراحة : انتظر رأيك عن المعهد بعد ما تجربينه , لا تسحبين علي ترا انتظر ارائكم جميعا وخصوصا انتي

أعلم أن أسواء مانفعله هو نقل أو تعميم تجارب الأخرين السيئة لنا و أمقت هكذا تفكير.. ولكن أدرك جيداً أنه لا يمكن لنا تجاهل تجاربهم وعلينا أن نبحث عن الأسباب التي كانت عثرة لهم ..!
حتى نتجاوز أو نحذر من الوقوع في أخطائكم .. أعتقد أنك تشركني الرأي في أن البحث الجيد والسؤال حتماً سيجعلنا نرى الصورة أوضح !!

كان رأيي هذا بناء على تجارب عدد من الأشخاص درسوا في هذا المعهد الذي يفتقد للجدية فيهمل الواجبات ولا يساهم في تطوير الدارس بالشكل المطلوب .. قد تكون تجربتك معه جيده وقد خرجت منه بمستوى رائع أو على الأقل حققت بداخلك مستوى رضا قد رسمته !!

جيد ولكن برأيي هذا المعهد يلزم الطالب الجهد الفردي أي على الدارس المثابرة والبحث ووضع واجبات له ذاتية
عكس تلك المعاهد التي تجبر الطالب على واجبات ونشاطات تفرضها عليه !!

ربما تحدثك نفسك وتقول نحن هنا من نطلب العلم واللغة والدافعية موجودة ولا حاجة لمن يرغمنا .. وأقول صدقني
الطالب تعترية لحظات فتور أو يجهل مالذي عليه أن ينجزه خصوصاً طلاب اللغة فنحتاج من يشدد عليه !!
قد نظن مثلا أن مستوانا جيد ولكن حينما نقارن أنفسنا في طلبة معاهد أخرى نجد الفرق !!
بالضبط كما يحدث بالجامعات !!

مثلا لا يمكننا مقارنة مستوى الطلاب أو خرجيين معهد قلوبل فلج بمعهد جوروج بروان أو معهد كنج جوروج


ولكن رغم كل ما قلته سأدخل معهد قلوبل فلج وأنا أرسم أفضل صورة له في داخلي ومنذ دخولي الأول لن أتذكر سوى أنه المعهد الذي سأبدا به طريقي لنحقيق حلمي سأعشقه وسأكتب على جدارنه ..!

<<<<يحك راسه ههههه

الله يعين ويساعد

ويوفق الجميع

متابع بصمت

السلام عليكم
كيفكم اخواني يا أهل تورنتو؟
انا معاكم في نفس الممعهد في تورنتو
...
الحمد جاني القبول وكل حاجه تمام
...
يا شباب من ناحية الملتقيات
أنا موعدي في جدة يوم الاحد 12:30
اللي معاي يرد علي ويتواصل معي برد
نتمنى نتقابل ونتعرف عليكم بالملتقى
...
الوافي11

كلامك سليم وبرأيي ان اللغة تعتمد على الشخص نفسة اكثر من المعهد اذا الشخص يبي يبدع راح يبدع لو يدرس لحاله الشي اللي راح يساعدكم اكثر من اي معهد هو الممارسة هذي اللي تعطيك الطلاقة
انا تعلمت اللغة من نفسي يوم كنت بالابتدائي والمتوسط والثانوي بعيدا عن المعاهد والحمد لله يوم رحت اختبر نفسي بكندا وضعت بمستوى 6 من اصل 8 ولله الحمد
بسم الله علي

بالنسبة للواجبات كنا ناخذ هوم ووركات كل يوم واذا كنت بمستوى عالي كنا نسوي بريسنتيشنز احيانا

بالنسبة للخريجين ومقارنتهم اعتقد المقارنة ما تكون على اساس المعهد تكون على اساس اهداف الطلاب
مثلا بفصل الصيف بشهر جولاي واوغست بتشوفين ناس جايين " تمشية " وكثيرين الغياب وهذا اللي ما ينجح لسبب واضح وهو غياب الهدف والطموح

والله يوفق الجميع ان شاء الله

اعجبتني الجملة الاخيره

كلام سليم اختي كيو وله اهداف جميله وتشجيعيه

اما سليمان ردك جميل وراقي كسبناك معنا والله



الوافي اخوي خليني اشوفك في المعهد هههه نتقابل انا مالي ملتقى لاني مرافق بس بدرس معكم



اخوي سليمان بخصوص المعهد
قبل مانخش ونبدا الدراسه يسوون اختبارات تحديد المستوى
وبعدين مثلا لو جبت مستوى مقارب او نفس مستوى شخص معين اروح بكلاس واحد والا كل واحد على حده

طبعا باول يوم راح يكون فيه اختبار تحريري وشفوي ومنه يتم تحديد مستواك باليوم الثاني
توزيع الطلاب يكون عشوائي يعني ممكن يكون فيه اكثر من كلاس لنفس لمستوى لكن
مثلا لو كنتوا بنفس المستوى لو كلمتهم وقلت لهم بنصير بنفس الكلاس مافيها مشكلة
بالنسبة للمسوى القريب ما اعتقد لكن لو حطوك بمستوى تحس انه مثلا اعلى من مستواك او اقل تقدر تكلمهم

السلام عليكم
انا بأطلع في 1 مارس الصراحه انا محتار على اي خطوط احجز مع ان فيه ناس يقولون ان الخطوط
الالمانيه أفضل .
الرجاء الي عنده معلومه لا يبخل علي
وشكرا جزيلا
......................
الوافي11

السلام عليكم ورحمة الله
مساء الخير اعضاء جامعة تورينتو ودي استفسر عن معهد جامعة تورينتو لاني بكمل ماستر في جامعة تورينتو بس قبل الماستر بدخل معهد اكاديمي الي تابع للجامعة تورينتو الله يخليكم الي عنده فكره عن هذا المعهد يفيدني بما هو مفيد (اسم المعهد وفي اي حي) في اسرع وقت عشان اسجل وارسل اوراقي مع العلم زوجتي حتكون معايه وحتكمل بكالوريوس فهل المعهد الي حدرس فيه مناسب لها ولكم جزيل الشكر؟؟؟؟؟

برأيي أعتقد أفضل خطوط هي الإمارتية وجربتها بالرحلات الطويلة أهتمام وتعامل راقي .. راح تكون الرياض دبي ودايركت على تورونتو .. موفق !!