تجمع طلبة مدينة تورنتو لمعهد GLOBAL VILLAGE سؤال وجواب..حوار ..خبرة .. وأشياء أخرى..!

.
.
مسائكم سّعْد ..
شباب شابات ههههههههه < للتوضيح بس ..
حجزتوا ولا بعد ؟
واللي عنده رقم مكتب ( العيار = الطيار ) فرع الدمام ، الخبر .. يعطينا إياه ، الله يقرفهم ولا يعافيهم ..
طول اليوم وأنا أدق على فرع الرياض وبس تصريف أو لا من مُجيب ..

موفقين جميعاً يارب

.
.

الحمدلله ع السلامه Q

أنا رحلتي إنشاء الله في تاريخ 10/3 إنجليزي<< مين مثلي

Q لقيتي لك سكن قريب من المعهد؟؟

.
.
شكراً ، لأنوا ما أحد جاب الرقم
تفضلوا لقيتها ، وللي يحتاجها :

فرع المنطقة الشرقية : 03 8960068

فرع الرياض : 01 4633133
للحجز فرع حي الغدير : 01 2752564

ـــــــــــــــــــــــــــــــــ

Q !! وش آخر أخبارك ؟


موفقين


.
.

والله يا شباب المعهد هاذا غالي جداً وعدد الطلاب العرب إلي فيله 47 طالب إلى الان اليوم جاني السعر حق ثلاثة شهور طلعت 8000 دولار شامل كل شي وقبول الجامعة لسع ماوصلني يعني خوفي ادفع دحين هاذيه الفلوس واجلس ثلاث شهور ولسع ماجاني قبول الجامعة وما انضميت في البعثة

ورحلتي إنشاء الله يوم الاربعاء في 11 مارس هااا فيه احد معايه في هاذي الرحلة ولا لا.

الله يسلمك
وأخيار لقيت أمس سكن مناسب وقريب من المعهد والمعهد ماراح أبدأ فيه إلا في يوم 15

نتقابل إن شاء الله : )

أمممم أخر الأخبار أني اليوم راح أنتقل من الأوتيل إلى الشقة بإذن الله ..
وأخيراً راح أرتب أغراضي واستقر ..

الجو حلو والبرد كل يوم يخف أو حنا تعودنا ما أدري

.




معلومة للجميع


قد تنصح بأن تسكن في مكان بعيد عن المعهد وتستخدم السب واي بدلاً من ازدحام الداون تاون
وهذا ما قاله لنا صاحب مكتب وأشاد بهذا الأختيار وأن كلما أبتعدت عن الداون تاون كانت الشقق أرخص
والمنطقة أهدأ وما إلا ذلك وهذا ما حدث لي بالفعل خييرت بين شقتين أحدهما قريبة من المعهد وتذهب إليها مشياً بينما الأخرى
بعيدة وعليك استخدام السب واي والجلوس به 25 دقيقة وبالفعل ذهبنا لتلك الشقة وكانت بالفعل في منطقة جميلة ومناسة جدا تخلو من الأزدحام يقل بها الأسمنت وتكثر بها الأشجار .. فقلنا للصاحب المكتب سنعود بالسب واي لتجربته وحساب الوقت بالدقة .. والمفاجئة أن السب واي لا يشبة أي أنفاق قد ركبتها لا يشبه مترو فرنسا ولا أندرجراوند بريطانيا ولا سب واي الشرق الأسيوي إنه جدا سيئة قديم ومهترئ مزدحم بشكل لا يطاق ونحن نجربه في وقت آخر النهار فما بالكم بوقت الذروة وهو الصباح .. لذا أخترنا الشقة القريبة من كل الخدمات والداون تاون والمعهد ..!

وجب التنبيه ..!




.

حمدا لله على سلامتك
ايه سويتوا بمطار دبي الفندق توفره الخطوط الاماراتيه
ومتى احدد المقاعد يوم نكون بالطيار بالرياض
تاني شي عزيزتي
خبرينا عن الفنادق رخيصه وكيف تعاملت مع المكتب
اللي جاب لكم الشقه
اساله كتيره واسفه للازعاج

<<<<اول مرة تسافر هههه


تحيات اختك ام لانا

الله يسلمك أختي
وصلنا مطار دبي العصر وبصراحة أبهرني بعد تجديده ومدى فخامته مع أني أخر مره دخلته قبل تقريبا 4 سنوات وكان بالنسبة لي مطار ممتاز يتوفر فيه جميع الخدمات وواضح ومثير ..!
إلا أنه الأن وبعد التجديد أصبح يضاهي أكبر وأفضل مطارات العالم فقد ذكرني بمطار هونج كونج ..!

أممم طيب وصلنا لدبي العصر وعلى طول من المطار للأوتيل الي تعطيك ياه الخطوط مجانا مع وجبة الفطور وصلنا مرهقين نمنا بعد العشاء مباشرة
صحينا الساعة 6 بتوقيت دبي أفطرنا وعلى طول ركبنا باص الي بلغونا أنه يحرك الساعه 7 وبالفعل على طول على المطار
ومنه إلى الطيارة و فادتنا الليلة بدبي الي ريحنا فيها نوم عشان الرحلة الطويلة

أما المقاعد نعم تختارينها من مكتب الطيار الي بيحجز لكم ..!
أما المكتب فهو شخص باكستاني مقيم في كندا مسلم تعامله جداً راقي أخذت رقمه من موضوع في المنتدى
ما يتكلم عربي .. تعطينه موقع معهدك والمواصفات الي أنتي ترغبينها وهو يوريك بالنت كذا شقة يكلمهم وتروحون معه يوريكم ياه
وتختارون الي تعجبكم .. لكن يحتاج قبلها تفتحين
// حساب في بنك أنا فتحت في بنك TD يعتبر من أكبر بنوك كندا وله فروع كثيرة
// وبعدها يطلب منكم تفتحون ملف في الملحيقية عشان ترسلكم الضمان المالي
// وصور من الجوزات
و بدون هذي المتطلبات ما تقدرون تكتبون العقد
وصراحة الأمر مو سهل وفتح الملف لحاله
هم وسكان وعبي ابلكيشن وأنتظري يردون عليك والموضوع ياخذ وقت
لذا حطي في بالك أنك راح تجلسين أسبوع في أوتيل وضروري تجيبين معك مبلغ تقريباً 40 الف ريال
عشان الأوتيل ومصروف الأكل وغالب الشقق تطلب دفع 3 شهور مسبقاً ..!

والله يسهل أمورك يارب

تسلمي اختي ربي يسعدك ياشيخه
بس ايه دخل المكتب في الضمان والملحقيه
بعدين 40 الف مو مرة كثيرة
تسلمي وان شاء الله نتقابل يارب على خير
اختك ام لانا