مساعدة كيف اجهز شنطتي

حطي فيها جاكيتين واحد للثلج وواحد جاكيت خام يدفي قبل لا تطلعين طياره اللي رايحه كندا شيكي على الجو شوفي شنو الوضع بس بلاغلب البس الخام يدفي اكثر من الثلجي حطي قران صغير في شنطت ايدك حطي كتاب اذكار بعد ايي بوصله حقت القبله ومترجم عربي انقليزي الكتروني ومترجم كتاب شنو بعد ايي لاب توب طبعا شىء جدا مهم ملابس لاتكثرين لانه اهني في محلات تبيع ملابس شتويه خامها كويس حطي راسين للبلاك لانه اهني نظام بلاك الكهربا غير لو تسالين تقولين ابغي اسافر لكندا وابغي راس بلاك لشحن جوالي والاب توب يعطونك مبدئيا هذا المهم مودري اذا في احد عنده اي اضافه ثانيه

شيء مهم ياليت احد يفيدنا اكثر

اختي بما انك مسافرة قريب فاتمنى تتقبلي كم نصيحة مني

١- اعملي نسخة لجميع الاوراق المهمة مع صورة من الجواز "مع صورة للصفحة الي فيها الفيزا وحطيهم في
فلاش مومري وخليه معاك " لاقدر الله وضاع اي شي منك راح يكون عندك نسخة احتياطية "
٢- من الافضل يكون عندك حذاء رياضي لأنك راح تستعمليه كثير
٣- تأكدي من وجود جميع الاغراض الكهربائية " خاصة شاحن اللابتوب "
٤- لو عندك بوصلة اسلامية " لتحديد اتجاه القبلة " شي اساسي بالنسبة لي

طبعا لازم تاخذين معاك صور من جميع الاوراق الرسمية مهم جدا جدا
ولا تنسين افياش الكهرباء اهم شيء اللي هي خطيب صغيرين زي كذا ||
والفتره هذي تورونتو بارده يعني خوذي احتياطاتك واذا انتي مطوله هناك لا تكثرين ملابس ممكن تشترين من هناك اخف لك وافضل لك
وبعد بوصله للقبله وتلقين سجادات صلاة عليها بوصلة

الله يوفقك ويوصلك بالسلامه ووصلي سلامنا للمعشوقه كندا

ممكن سؤال
طيب اخذ معي ملابس صيفية ولا لا

عندي سؤال
وصولى بكون الاسبوع الثاني واو الثالث من مارس
كيف الجو يكون بهالفترة يعني اي نوع ملابس اجيب معاى ؟؟

وبالنسببه لداخل السكن كيف الجو ؟؟
وبالنسبة لملابس المحجبات متوفر في ترونتو اللبس الطويل ول أجيب معاي احسن ؟؟

من ضمن الأشياء المهمه ..
1ـ قاموس الكتروني ..
2ـ ساعة الفجر ..
3ـ كتاب قاموس اكسفورد جداً ممتاز والجمل الموجوده فيه تكون سهله وغير معقده خصوصاً هنا
بكندا يعتمدون عليLongman Dictionary
جربت الاثنين والاول اسهل بكثيييير ..
4ـ الافياش في كندا كذا شكلها




فيه توصليه تباع في اكسترا او الكترو ممتازه فيها جميع انواع مخارج الكهرب يعني تروح لأمريكا او اوربا

ما تشيل هم وش نوع الفيش حق الاسلاك اللي معك ..