استفسار معهد ELS و Culture Works

ممتاز تصدق توي أشوف الاميل مره ثانية و صار فيه زي ما تفضلت أنه اذا جيت يتم اختباري
مشكور أخوي .

طيب ما فيه أحد يعطينا خبر عن ELS

اخوي المهند ..

معلومة بسيطة .. أفضل مرحلة في الدراسة للمبتعث هي فترة اللغة .. فيها وناسة وسعة صدر وانشطة ورحلات مع المعهد .. ومرحلة الجامعة هي الجد عاد ووقت شدة الحيل ,,
معهد كلتشرووركس ببساطة : أسوأ معهد سمعت فيه في كندا ، باستثناء إنه يدخلك الجامعة بعد ماتخلص المعهد ، وبرضو ماتحسب له كثير لأن كثير معاهد عندها نفس الميزة وتدخلك الجامعة

أنا لي تجربة معهم والحمدلله مادرست عندهم ، وأعرف 80 % من الطلاب السعوديين فيه لإني ساكن بالمدينة .. إذا شخص واحد يدرس فيه الآن ونصحك تجي .. تعال
بس جب لي شخص واحد يمدح المعهد من ناحية التدريس وتعليم اللغة ،وأنا مستعد أغير رأيي في المعهد ,,
ترى غالبا مافيه معاهد سيئة .. وبحياتي ماسمعت معهد مذموم زي هذا المعهد .. لكن ترى فيه الفرع اللي في لندن يمدحونه .. أما فرع اوشاوا .. اننننننننحش

والله يحييك اذا جيت ويوفقك اذا ماجيت

انا كنت طالبه بالمعهد
وصراحه اشوفه معهد جيييد مررره ويحضر الطالب للجامعه عشان ماينصدم لا دخل
يكفي انه يدخلك للجامعه بس اهم شي لاتعطيهم شي عليك
لا تكثر غياب ولا ترادد واجد وتمشي باذن الله

نصيحه:
طول ماانت بكندا لا تسمع لكلام احد
انت دور وجرب واسال ناس مسؤوله وبس
ياما سمعت نصايح الطلاب وتورطت وحبطو من عزيمتي
ولا تنسى الاستخاره

تحياتي

luj
انا معك إن بعض الناس تحبط ..

بس مسألة إنه يسأل ناس مسؤولة صعبة .. يعني مثلا يسأل مدير المعهد والا المدرسين ؟ تتوقعين لو راح وسأل ترفر بيقوله معهدنا مو كويس ودور غيره .. ؟
أنا رديت على اللي سأل لأنه الى الان ما بدأ دراسته ولا جا .. فـ هو من حقه يسأل الطلاب اللي يعرفون المعهد ويشوف وش ردود الفعل ووشلون صار مستواهم بعد ما تخرجوا من المعهد.
من أبسط حقوقك إنك تسأل .. لأن فترة اللغة ماتكفي إنك تجرب المعاهد وتنقل من هنا لهناك ..

بعد ما تجي أخوي .. إسأل عن طريقة الدراسة بس إعرف تسأل مين ولاتخلي كل من هب دب ينصحك لأن ممكن يصير لك مثل luj وتتحطم.

ps : امس عندي واحد بيموت من القهر .. كانت معاه ورقة اختبار حقت السمستر اللي راح لواحد من اخوياه .. وحاافظها .. لما راح الاختبار لقى نفس الاسئلة .. وكتب نفس الاجوبة .. وتخيلي وش صار ؟؟
خويه كان 24 .. وهو اخذ 13 !! مزاجية مو طبيعية !
هذي قلتها بس لأنها صارت أمس.

طيب وش البديل له؟
الطلاب اللي طلعو من المعهد وراحو تورنتو معاهد مو متعاقده مع جامعات متورطين للان وخلصت فترة اللغه والتمديد وبعضهم رجع السعوديه
كل مكان له سلبياته وايجابياته
وغير كذا الجامعه تستاهل انه الواحد يتحمل الكلتشر عشانها وكمان بالحياه مافي شي اسمه كل شي يجي بالساهل ولا شي انه كل شوي ادخل علي ترفر وانافخ عليه واهدده واروح اسب المعهد وكل شي واحرض الطلاب انه يطلعون منه عشان انا مو مأدي واجباتي ع اكمل وجه
طبعا مااقصدك يا اخوي عبدالرحمن اقصد اللي شفته من بعض الطلاب
انا كنت ادرس بالمعهد واشوف وش يسوون الطلاب اللي معي
لايتوقع طالب انه يغيب وينجح ولا مايحل الواجب بذمه و ينجح لان المعهد مو سهل ولا يتساهل ويدور الزله اصلن
والجامعه نفس الشي ماتنجح الا اذا سويت نفس الشي بس طبعا مايدورون الزله ولا هدفهم مادي
انا نصيحتي
اللي مايبي الكلتشر وركس مايطلع منه الا معاه قبول جامعه مشروط او مو مشروط
يعني يدخل معهد تابع لجامعه ويدخله عالجامعه علي طول او يجيب الايلتس اما معهد تجاري او ماله خص باي جامعه ماانصح اي طالب يدخل نفسه بمعمعه مثل كذا
كلتشر وركس ماهو معهد ممتاز ولا هو مثل السوء اللي يحكوه عنه

الله يجزاكم خير

طيب هل تشوفون أني أدخل معهد زي ELS و أقدم على Culture بعد شهر أو شهرين ؟
يعني أكيد بتكون لغتي أفضل .
ولا وش رايكم

luj ..

أنا ما جلست اكلم واحد وصل للمعهد وبدأ وأحرضه او احبططه .. أنا اكلم شخص الى الآن يسأل كيف مستوى المعهد .. الى الآن ماقدم
واللي يقول ان الدراسة بتجي بالساهل راح يضيع ,, أكيد لازم نشد حيلنا ونتعب لان الجامعة ماترحم ، لكن انتي تقولين الجامعة تستاهل (( نتحمل الكلتشر عشانها )) انتي عارفة الكلتشر يالجين فيه حقه من المزاجية .. غير القصة اللي قلتها عندي ناس تجيب توترز يكتبون الايسي لهم ويصير بيرفكت .. وبالنهاية الدرجة تصير نااقصة كثير .. تخيلي توتر مستواه أعلى بكثير من لفل 2 والا 3 .. ومايجيب الا نص الدرجة!!

.... أنا والله مادرست فيه وكل اللي صار لي اني اختبرت عندهم تحديد مستوى وطلعت لي خرابيطهم وقاموا يغيرون الكلام على ايام بريان وسحبت نفسي وجبت الايلتس ورجعت .. أدري كثير ناس راحت عليهم اللغة وهم ماجابو شي .. وأكبر غلط ان الواحد يطلع من معهد جامعة ويروح معهد تجاري لأنه نسبة كبيرة بيتورط وبتنتهي اللغة وهو ماخلص ..
بس يضل فيه بدييل ..
كونكورديا-اوتوا-كارلتون-سادبري-القوما-جولف-يورك-ترنت-ونزور-لندن هذي 10 جامعات ((بس في اونتاريو)) عندها معاهد لغة تدخلك الجامعة طلعت معي وانا اكتب .. وبرضو يقدر يدرس في المعهد في لندن واذا خلص يجي الجامعة الكلتشر يسمح بهذا الشي ....

أحلى شي يالمهند .. والنصيحة اللي كلنا تعلمناها بس على حساب بعثتنا .. هي اللي قالتها luj
إنسى تروح تدرس في معهد مايدخلك الجامعة .. ترى مامثل راحة البال وانا اخوك وانت تدرس في معهد وتدري انك اذا تخرجت راح تدخل الجامعة .. اللي وراه ايلتس والا توفل يجلس طول وقت البعثة مهمووم ومن اختبار لاختبار ..

وانت الله يعينك ،،،
وعذرا على الاطالة واسفين اذا زعلنا أحد .. لان حسيت اني ناصر الجوهر من الحماس وانا اكتب .. ولا انتبهت اذا كتبت شي ماله داعي
تشاو

بس حبيت اقول شي
انا ابدن ماكنت اقصدك باي شي قلته كنت اقول تصرفات بعض طلاب الكلتشر وانا كنت منهم واكتشفت انه ماينفع معهم الا اسلوب الاستعباط وبدون تحجير
واذا الولد تخصصه موجود بالجامعات اللي ذكرتها فممكن انه يروح هناك بس اللي مثل حالتي تخصصه ماهو موجود الا باوشاوا فمضطر يجلس
مع العلم اني قبل اروح الكلتشر كنت مختبره الايلتس وجبت ٦ونص والكلتشر دخلوني ع لفل*٣
عموما اخوي المهند دامك جاي ع حسابك ادخل معهد لمدة شهرين ولا شهر تقوي فيه لغتك شوي واول ماتلتحق بالبعثه روح لمعهد اوشاوا ولا بروك ولا اي جامعه فيها تخصصك بس لاتنسى انه لازم تجيب قبول جامعه عشان تلتحق
واهم حاجه الاستخاره
وعلى طاري التوترز اللي يكتبون الاسسيز اعرف طلاب بالجامعه سووها وجابو دي يعني شكلهم التوترز والمواقع اللي تسوي اسيز من جنبها
ومااخالفك ياعبدالرحمن بالمزاجيه لاني ساعدت كم طالب باسسي بتصحيح قرامر فقط واشوف كيفية استخدام الفوكاب حقهم بضهم يستخدمون فوكاب قوي ويكون الموضوع قوي والبعض الثاني يستخدم فوكاب مرره ضعيف والتوبيك حقهم مره ضعيف مافيه سبورتنق ديتيلز ولا شي وياخذون اعلى من اللي حقهم قوي
واذكر مره طالب جاني قبل تطلع نتايج الكلتشر بيوم يقولي الاستاذ حقه راسله انه الاسسي حقه ناقص ويبيه يضبطه عشان ينجح وضبطناه ورسله واليوم الثاني الولد ناجح وطالب ثاني شايفه الاسسي حقه بطل رسب ولا قالو له ضبطه مثل ذاك ولا شي
يعني هذا ظلم الفرق بينهم انه واحد فيهم كان ساكت طول الوقت ولا يقول شي واللي رسب كان يحجر
وللامانه اللي نجح ماكان يغيب ولا كلاس لان الغياب مره ياثر
فاخوي المهند احنا مانبي نخوفك ولا شي نقولك قصص حقيقيه سارت.
انا انسانه كنت بالمعهد ولا رسبت مع اني كنت مااعطيه ذاك الاهتمام بس لان جيت وانا لغتي قويه
اذا انت جاي هالمعهد ففي شي لازم تسويه ابدن لا ترادد ولا تهاوش ولا شي مثل دور العبيط ولازم تحضر كل كلاس عشان مايسير لهم عذر عليك المعهد بيقويك من ناحية الرايتنق والسننق والبرزنتيشن والريدنق مش مره
الجامعه مررررره بطططله ونظامهم يعجبني عالاخر فهذا شي يحمس انك تدخل الكلتشر
اذا تخصصك موجود بكذا جامعه جيب قبولات منهم بعدين استخير وشوف وش يتيسر لك
وترا مااقصد اي احد بشي واعذروني اذا غلطت وانا مدري
بالتوفيق