مبتعث جديد New Member
كندا
دملدور , ذكر. مبتعث جديد New Member. من السعودية
, مبتعث فى كندا
, تخصصى ماليه
, بجامعة ؟؟؟
- مونتريال, كوبيك
- السعودية
- Dec 2010
المزيدl April 3rd, 2011, 03:02 AM
April 3rd, 2011, 03:02 AM
السلام عليكم ...
انا في مدينه مونتريال وقبولي في معهد ilsc
ليا اسبوع بادئ الدراسه في المعهد واستغربت انو مافي ولا سعودي واااحد في المعهد كللو
صراحه ما صدقت لانو قبل لا اوصل مونتريال قالولي مافي معهد الا لاااازم تحصل معاك سعوديين فيه
وانا ما معايا ولا سعوودي
اذا في اي احد قبولو في نفس المعهد وعندو اي استفسار عنو يراسلني وانا افيدو على قد ما اقدر ان شاء الله
واذا في اي احد جي على مونتريال وعند استفسار مثلا عن خطوط الطيران او اي حاجه في الداون تاون او قريب منها برضو يراسلني
لانو والله انا شايف المواضيع الي عن مونتريال قلييله في المنتدى وانا عن نفسي والله تعبت قبل لا اجي لانو مافي معلومات متوفره عن مونتريال مقارنه بالمدن التانيه
فاي احد عندو استفسار يراسلني وانا اساعدو على قد ماا اقدر ان شاء الله
حاجه تانيه
لو في طلاب لغه في مونتريال ياليت يدوني ايميلاتهم علشان اتواصل معاهم >> لو ما عندهم مانع اكيد
لانو الى الان ما صادفت ولا طالب لغه كللهم طلاب جامعه ويكونو مره مشغولين بدراستهم
الشباب مليانين عندك بالمعهد والغالبيه حولوا على معهد جامعة كونكورديا ...
عشان المعهد اللي انت فيه "" دجه "" حسب تجربة الشباب ومعهد كونكورديا اكاديمي ويساعدك في قبول الجامعه
راسلني على الخاص اذا محتاج اي شي بالتوفيق
الساعه April 3rd, 2011, 09:09 AM
7 " شكرن اخويا الساعه
المعهد اكيد حيكون اقل من المعاهد الاكاديميه مثل الي ذكرتو (معهد كونكورديا)
لانو معهد تجاري
بس اتوقع انو الواحد اول ما يوصل ويكون غريب في البلد احسن له يروح معهد تجاري ((مؤقتا)) الين يحط رجولو كويس في البلد
لانو المعاهد الاكادميه ابدا ما يتساهلو في اي حاجه
والمعهد الي انا فيه كمعهد تجاري اظن انو جيد
ان شاء الله حتواصل معاك
وشكرا على مرورك
دملدور April 3rd, 2011, 08:46 PM
7 " اكيد قليل او فاضي لان المعهد تجاري و هذي اكبر مشكله يطيحون فيها الطلاب الجدد انهم يروون معهد تجاري و يضيعون وقتهم هناك و خاصه المبتعثين
المنيو حق المطعم April 3rd, 2011, 09:23 PM
7 " انا كان المفروض ابدأ دراستي معك لكن تأخرت اوراقي
المعهد سمعت عنه انه مو كويس ياليت تفيدني بصراحة
شكلي ابحول لمعهد ثاني خايفة يضيع علي الوقت
نهى المحمد April 4th, 2011, 12:12 AM
7 " صراحه من تجربتي المعهد جدااا كويس وعندو اكتفيتي مررره حلوه (زي رحلات لاتاوا وكيبك ... ) وخاصه للمبتدئين
يعني الي ضعيف في اللغه
غير كدا الي بيدرسو مررره داخلين مع الطلاب يعني الكلاس مستحيل يكون فيه اكتر من 15 شخص والغالب يكون من 5 الى 10 اشخاص
والكلاسات كانها غرفة اجتماعات يعني مو زي عندنا في السعوديه
صراحه انا احس انو مرره مناسب للي دوبو باديء الين يتكيف مع الوضع بعدين ممكن يحول لمعهد اكاديمي بسهوله
ولو عندك اي استفسار تاني عن مكانو او السكن القريب منو او اي حاجه راسلني وان شاء الله اقدر افيدك
دملدور April 4th, 2011, 05:23 AM
7 " سؤال اهبل شوية
مونتريال هي المدينة اللي لغتها فرنسي؟؟؟
افكر ادرس الجامعة فيها..طبعا لما ربنا يوفقني واجيب قبول فعندي سؤال عن الفيزا
في جزء كان خاص لكيوبك ومونتريال في كيوبك صح؟؟ يعني لما اجدد الفيزا ممكن تتعقد معايا ولا شي؟؟
ravailo April 5th, 2011, 12:54 AM
7 " ايوه مونتريال اغلب شعبها يجيد الفرنسي
كيوبيك اجرائاتها غير لو انتا داخل على مونتريال وما عندك فيزا لازم تطلع الكيوبيك اول ولا ما راح يطلعولك الفيزا
اما لو عندك فيزا كنديه مسبقة لمن تجي تدخل مونتريال يطلبو الكيوبيك منك ولازم تطلعها
الافضل تطلعها من السعوديه قبل لا تدخل مونتريال
دملدور April 5th, 2011, 02:18 AM
7 " 
LinkBack URL
About LinkBacks
April 3rd, 2011, 03:02 AM
السلام عليكم ...انا في مدينه مونتريال وقبولي في معهد ilsc
ليا اسبوع بادئ الدراسه في المعهد واستغربت انو مافي ولا سعودي واااحد في المعهد كللو
صراحه ما صدقت لانو قبل لا اوصل مونتريال قالولي مافي معهد الا لاااازم تحصل معاك سعوديين فيه
وانا ما معايا ولا سعوودي
اذا في اي احد قبولو في نفس المعهد وعندو اي استفسار عنو يراسلني وانا افيدو على قد ما اقدر ان شاء الله
واذا في اي احد جي على مونتريال وعند استفسار مثلا عن خطوط الطيران او اي حاجه في الداون تاون او قريب منها برضو يراسلني
لانو والله انا شايف المواضيع الي عن مونتريال قلييله في المنتدى وانا عن نفسي والله تعبت قبل لا اجي لانو مافي معلومات متوفره عن مونتريال مقارنه بالمدن التانيه
فاي احد عندو استفسار يراسلني وانا اساعدو على قد ماا اقدر ان شاء الله
حاجه تانيه
لو في طلاب لغه في مونتريال ياليت يدوني ايميلاتهم علشان اتواصل معاهم >> لو ما عندهم مانع اكيد
لانو الى الان ما صادفت ولا طالب لغه كللهم طلاب جامعه ويكونو مره مشغولين بدراستهم