بنات أوتاوا في كندا.. >>> ممكن مساعدة بخصوص الملابس ؟؟؟؟!

انا في تورنتو


وما بعرف كيف الاجواء في اوتاوا


سوووو ان شاءالله اللي في اوتاوا يقدرو يساعدوكي


بالتوفيق يارب

الله يجزاك خير

طيب أظن تورنتو قريبه .. إذا قريبه ممكن تفيديني

وبنات اوتاوا وينكم

ما بقي وقت على روحتي ... وراي تجهيز وتفصيل

شوفي صحيح اني ولد لكن دامك مستعجلة وبتقولي ما باقي على سفرك كتير انا حطيكي اساسيات المناخ الظريف الي عندنا في اوتاوا وانتا بُناءً عليه خمني هههههههههههه
الشتاء في اوتاوا بارد جدا جدا بشكل مو طبيعي فيه درجة الحرار توصل تقريبا الى 33 تحت الصفر "feels like " يعني في دا الجو لازم تلبسي جاكيتات تنباع في كندا تدفي مرررره وطبعا لازم تلبسي كمان بجايم الصوف الداخلية وكمان قفازات علشان اصبيعك ما تتجمك وتلبسي كمان جزمة حقت شتاء مخصصة للشتاء وانتي بكرامة علشان رجولك ما تتجمد .. ترا البرد ماهو طبيعي مره اكتر فصل انا اتعذب فيه وخاصة أول شتاء لي اقسم بالله احيانا الباص يتأخر وانا اجلس استنى احس اني ابغى ابكي من قوة الالم الي في جسمي من البرد ...... اما فصل الربيع والخريف فهو تقريبا زي بعض .. برد لكن محتمل يعني تقريبا دجة الحرار تكون ما بين الـ صفر و الـ 10 هذا عادي الواحد يلبس جاكيت طويل وشال وخلاص طبعا اتكلم عن نفسي ..
انا الصيف الاجواء حارة خاصة اوتاوا فيها رطوبة .. تقريبا صيف اوتاوا مشابهة لصيف جدة
وبالنسبة للاجواء الحالية في مدينة اوتاوا فهي تقريبا خلاص بداية الصيفية ونهاية الربيع
يعني اليوم مثلا درجة الحراره كانت 15 وامس كانت 20 .. يعني خلاص الناس وانا بنطلع ملابس عادية جدا بدون جاكيت
يعني انتي لو دحين جاية في دي اليومين او دي الاسبوعين مارح تحتاجي تشتري اي ملابس شتوية ابدا ونصحية اشتري كل شي شتوي او يتعلق بالشتا من هنا احسن من اشياء جدة الهبله
من جدة تقدري تشتري البجايم الصوف الداخلية والشالات وكذا .. اما الجاكيت الاساسي والقفازات وجزمة الشتا من اوتاوا افضل بألف مره

بالنسبة لسؤالك عن طرق التدفئة في اوتاوا فهي عبارة عن دفايات بالغاز فتحات بالأرض أو في الجدار يطلع منها هوا ساخن مررره وما تحسي بأي برد وانتي داخل البيت او الكلاس .. انا في عز الشتا افتح الدفاية وعادي انام طبيعي ببجامة نص كم ... يعني داخل المولات والبيوت والجامعات مارح تحسي بالجو الي برا

وان شاء الله اكون افدتك وانا في اوتاوا لو احتجتو اي شي انا حااااضر

طيب اخوي عمر جده هل تعرف محلات معينة في اوتاوا تبيع الجاكيتات المخصصة للبرد مثلا عندك CANADA GOOSE فين احصلها ؟ لانه يقولي هي الافضل كلبس وتدفئة ومو ثقيلة
وايضا اذا كان فيه سوق اوت ليت

وجزاك الله كل خير

انا رجال ..بس بسـاعدك...جيبي معك ثلاثه او اربع جاكيتات ..

طبعا مو كلهم نفس الشي ...جيبي واحد طويل وثقيل ...وجيبي واحد قصير وخفيف ....

نوعي فيهم عاد انتي ...وانصحك اانك ماتكثرين ملابس صيفيه ...لانى الصيف بس شهرين ....والشتاء 4 شهور...

يعني السنه كلها مابها الا شهرين صيف ....وجيبي ملابس شتويه ...طبعا كل مكان تدخلينه او تركبينه فيه تدفئه ....

ثانيه ..اما بالنسبه لتحت البالطو...البسي شي لاهو ثقيل ولا هو خفيف ..(طبعا اذا كان بالاطوك يغنيك عن البرد)

اذا يجيك البرد ..لا والله اغمتي نفسك بالملابس هههههههـ<<سوري

وبقولك ع شغله مهمه ..(جيبي معك بوت طويل ...لانى بالشتاء الثلج يوصل لركبتك ...)

اممممم <<وبعد وش تجبين

طبعا ؟؟..قفازات ثقليه ..مع لفات ..والله يوفقك ...

يازين حفر الباطن وجوها ههههههههههههـ..<<بدوي

واي خدمات ثانيه انا في خدمتك...اخوك رسـأأم المشــــأأعــر

اهلين .. والله ما اعرف ازا عندهم أوت ليت ولا لاء
لكن هذا العنوان حصلته في العم جوجل

Canada goose
46 Alberni St
Nepean, ON K2J 2M6, Canada
(613) 825-1251

بس انا ماني فاهم ليش كل العالم جالسة دحين تدور على ملابس شتاء ؟؟ الشتاء دوبو خلص يعني مارح يكون في بضاعة ابدا .. البضايع الشتوية تبدأ تقريبا في شهر 10
الصيف دوبو بادي استمتعوا فيه ولمن يجي الشتا يحلها ربكم ..

الله يجزاكم ألف خير .. ما قصرتوا يا عمر ورسام

البنات مختفين وإنتم وفيتوا وكفيتوا