ابي حضانه في تورونتو

ياليت اللي يعرف وحده ومتعامل معاها يكون احسن من المواقع لاني متوهق حضانة بنتي قفلت بدون ما تعطيني خبر وانا متوهق

لي تعليق غير بسيط..
حابة أحذر من حاضنة تدعى فرح وتدعي انها هندية مسلمة موقعها عند محطة بلور أحذر من التعامل معها من واقع تجربة زميلات كثر ..
يمكن بدأت بالتعامل مع العوائل بصورة كويسه وأحد معارفي دلني عليها وبإشادة وخصوصا ان سعرها مناسب لكن في السنة الأخيره هذي الجميع لاحظ ملاحظات وتصرفات وخصوصا مع كثرة السعوديين اللي دلوها اصبحت تكذب و تستغل الموضوع وعندها عدد كبير من الاطفال لدرجة انها أصبحت ماتسمح لأحد بدخول مكانها وتسلم الاطفال عند الباب..
وكثير سحبوا اطفالهم بعد فترة لاسباب كفيلة بانها تبعدكم عنها .. أحد الأخوان أصر الدخول بالقوة لقى زميل لها عفوا جالس بملابسه الداخليه فقط وعدد الاطفال مهول وسحب عياله ..
زميلتي شافت زميلها مع انها تدعي انها هي فقط واختها من يرعى الاطفال ولكنها شافت الرجال مطلع مجموعه من الاطفال لحاله !!
وولدها عمره سنتين ونص يرجع ميت من الجوع وبدى يتصرف تصرفات غريبة شككتها بإن احد ممكن تحرش فيه وطلعته .. وغير هذا كثير من اطفال زميلاتي يبكون على طول وقت ماياخذوهم..
وعلى فكره انا زرتها لما كنت ادور عن حضانة وبدت لي طيبة وذكرت لي انها من جنوب امريكا من غانيا وقلتلها فكرتك هندية قالت لي لا انا من غانيا !!
للأسف محد اشتكى خوفا من المشاكل !!! .. أطفالنا أمانه وذمة أكبر من أي مشكلة قد تحصل وأنا والله لو كانت بنتي عندها وشفت هالشي مستحيل اسكت ..
أنا كأم لو أحد كان يعرف هالشي راح أتمنى يوصل لي ولهذا السبب ذكرته هنا .. وإذا أحد له رأي آخر يخالفني أو يرى إني على خطأ فلا مانع بان يذكره ولكن هذا مالدي ابراء للذمة ..
حفظ الله اطفالكم من كل مكروه ..
أنا اتمنى يتشجع أحد ممن جربها وعانى ذلك بأن يقوم بما هو لازم وضروري لردع هذه الانسانه ومن معها والتقدم بشكوى للجهات مختصة ..
انا وللاسف لم أضع طفلتي لديها فليس بيدي ذلك ..
مجرد العدد المهول من الأطفال الذين ترعاهم كفيل بإيقافها ومحاسبتها قضائيا فما بالك بإحتمالية اثبات من يتحرش لديها بالإطفال والله ان دمي يفور لمجرد تفكيري بذلك ..
اطفالنا مسؤوليتنا واطفال من سيئتون بعدنا مسؤوليتنا كذلك ..
هذا موقع جمعيات مساعدة أطفال أونتاريو ..
وفيها كل مايخص التبليغ عن هذه الامور وينص على ان "التبليغ عن مجرد الاشتباه وليس بالضرورة التأكيد على سوء معاملة طفل هو واجب كل مواطن أخلاقيا وقضائيا" ..
About Us - Use Your Voice - Ontario Association of Children’s Aid Societies
وعلى فكرة ابسط الامور كعدم العناية بالطفل عاطفيا والاهتمام بغداءه ووو تعد اساءه بالنسبه لهم ..
اتمنى ان لا نقف مكتوفي الأيدي امام هذه القضية وتعريض أطفال اخوتنا لذلك أو ان تفر بفعلتها و توقف حضانتها بعد أن جمعت من المبالغ مايكفي لتهتني به حتى مماتها ..
أتمنى أن يوضع حدا لهذا واعتقد ان وجود اثبات كفواتير قد تساعد ..
جزاكم الله خيرا ووفقكم لما يحب ويرضى .. وعذرا على الإطالة ..

https://www.facebook.com/groups/SaudiCentre/?id=231705200212598&notif_t=group_activity

اتبعوا الصفحة للبوست المتعلق بسؤال أحد الإخوة عن الحضانات وستجدون بعض الارقام والاعلانات ..

شكرا اختي عالنصيحه
وعلى فكره انا كنت حودي ولدي عندها بس خيره اني اخرت دراستي شوي وقبل ما ابدأ باسبوع قلت خلني اوديه عشان
يتعود وكنت كل يوم اروح لها تفتح اختها وتقول انها مو موجوده وبعد كم يوم عرفنا انه مكتب العماره اللي ساكنه فيها قفلولها الحضانه
والحمد لله انه ولدي ما راح لها ولا يوم

up up up
upupup

السلام عليكم انا يااختي بنتي كانت في نفس الحضانه مع بنت وحدة من صحباتي بس انا صراحة ما ارتحت للحضانة بس هي صراحه مرتاحه لها وكنت تمدح لي فيها بس انا كنت مستغربة من حركة انها تعطي الاطفال من عند الباب
وما ترضى اني ادخل ولمن كنت اسال البنات الي اعرفهم يقولو عادي لان ممكن الاطفال يكونوا نايمين فانا ماكنت اقدر اسال فرح لاني جدييده ولغتي مو كويسة وقبل تقريبا 3 اسابيع هي قفلت الحضانة بس انا ما اعرف السسب ولمن قريت موضوعك صراحه مره خوفتيني فالي عندها اطفال كانوا موجودين في نفس الحضانة يبلغوني هل لاحضوا شي ع فرح او ع اطفالهم