ابغى مساعدتكم في اختيار المعهد بليييييز لاتبخلو عليا ي طلاب تورنتو

كلها جيدة خصوصا الاول والثاني
ميزة معهد تورنتو انه وسط تورنتو وقريب من كل شيء والسكن في وسط تورنتو مريح
ومعهد يورك شمال تورنتو ..

طبعاً تقدري تدرسي انتي واخوك في نفس المعهد
لان المعهد يقبل لدراسة اللغة بغض النظر عن الهدف الملتحق من اجله
ناس بتكمل ماستر ناس بتدرس لغة فقط ناس ببتدرس بكالوريوس ناس دورة
ربي يوفقكم

مشكوووور اخوي يعطيك العافية

وينكم. ؟
ردو عليا الله يفرج عليكم

انتي كتبتي افضل المعاهد في تورنتو
وكلها متميزة
لكن مثل ماقال اللي سبقني بالرد
معهد جامعة تورنتو في وسط البلد
لكن معهد يورك في شمال المدينة
فلو سكنتي في وسط البلد ودرستي في يورك الطريق له ساعة واكثر

وانا بالنسبة لي في البداية انصحك لا تدخلين معهد اكاديمي
جربي معهد كنج جورج او ilac

ايش الفرق بين المعهد الاكاديمي والمعاهد الاخرى ؟؟

يعني لو بأدرس في واترلوا ايش المعهد الي تنصحوني فيه ؟؟

ممكن تقولي الفرق بين الاكاديمي والتجاري ؟؟

الاكاديمي يطور عندك الرايتنق الريدنق بشكل اكاديمي يعني بحوث اشياء تأهلك لدراسة الجامعهة حتى المفردات تكون مفردات اكاديمية متعلقة بالجامعه اكثر من مفردات الحياة العامة ..
والتجاري يطور السبيكنق اكثر شي وممكن الريدنق والرايتنق بس تكون عن قصص رويات وكتابة مقالات بسيطه

اتمنى اذا احد عنده معلومة زيادة يضيفها..

بالتوفيق عزيزتي

سلام
مزبوط معاهد الجامعات يفترضو انو عندك مفردات في الانجليزي وتقدري تمشي حالك. بس الحلو انو انتي كمان تبغي تقوي مقدرتك في الكتابه والقراءه، و الكلام بطريقه اكاديميه يعني انا افضل انك تدخلي معهد تابع لجامعه وتختضري وقتك بدل ماتروحي معهد تجاري وبعدين معهد تابع لجامعه.
اما اذا رحتي معهد تجاري فبصراحه كلو لعب وكلام ففاضي واحس انو يتفع الطلاب الي يبغو لغه كم شهر وراجعين بلدهم او ما يفكو الخط بمعنى اصح...
انصحك بمعهد جامعه تورنتو لانهم شويه متساهلين مو زي جامعه يورك شديدين وحقون كرف وشغل جامد...

الله يوفقك ويوفقنا
هذا كلامي عن تجربه انا مبتعثه واتخرجت الحمدلله من الماجستير وكنت دارسه في معهد تورنتو....

مشكورررين اخواتي ماقصرتو

الله يجزاكم خييير