الله يسعد مسآكم وممسآكم بكل خير فديتكم
وي وي
فيه مكان لي بينكم ولا أحشر نفسي بالغصب في القروب
ناشب ناشب ما فيه أمل تفتكون مني أبد
بلييييييييز لاحد يفهمني غلط أو تفكرون إني مهبوووول هههههههههههه
أعذروني يا أحلى وأجمل وأرق وأرقى قروب على سماجتي فديتكم .. لكن قسم بالله ما تدرون وش كثر مبسوط ومستانس وبطير من الفرحه لأني حصلت على ضالتي .. تصدقون إني بإستمرار أدخل على المنتدى وأكتب وأزقح وأطامر وياما فريت ملتقى طلاب كندا أدور فيه شي بخصوص جامعة ويسترن أونتاريو أو مدينة لندن وما لقيت شي بالملتقى ... بأمانه في أحد يلومني الحين على جنوني بأسلوبي
احييييييييييه مو مصدق وربي مو مصدق للحين نفسي
أحد منكم حاااس باللي أحسه وأشعر به ؟
متشقق من الفرحه مووووووووت
.. أحس ودي أطييييييييييييييييييييييييييييييييير لكم الآآآن على نورس علشان يتحمل العبور من فوق المحيط الأطلسي عقب عادي أكمل على ناااقه ما عندي مانع أهم شي وزبدة الموضوع أجيكم لو على حمار جحا كله يهوووون لعيون قروبي وأصدقائي وأخواني وزملائي وكل أبو حاجه لبى قلوبكم الرايقه بث
قرأت الموضوع وأنا ما زلت ماني مستعوب وكل ما اقرأ معلومات أكثر عن المعهد والجامعة ومدينة لندن أحس بيغمى علي
... كل شي قريته إيجابي وغير متوقع بصراحه
... أحمد الله وأشكرهـ على حسن إختياري وتسهيل أموري بكل شي
.. صدقوني صدقوني صدقوني هذا كل من فضل الله ومنته ولله الحمد ثم بسبب رضاء أمي وأبوي علي ودعائهم الدائم لي في ظهر الغيب الله يحفظهم لي ويخليهم ذخر طول العمر
.. إن شاء الله ما يخيب حسن ظنهم فيني وأرجع من كندا وأنا شايل شهادهـ قد الدنيا وينادوني يا باش مهندس
... وي وي ماني مصدق أحس إني بحلم مو علم
أدري أدري طولت عليكم بكلامي كثييييييييييير ... وأدري إن ودكم قبالكم الحين علشان تسطروني لأني مشاغب وسويت فوضه وزحمه والشارع فاضي كآآآآآآآآآآآآآآآـآك
الزبدهـ والمربي والجبنه والقشطه ... أنا جاني قبول بمعهد CultureWorks وبجامعة ويسترن أونتاريو تخصص هندسة كهربائية ولله الحمد
... طبعاً التخصص المكمل لتخصصي الحاصل عليه من كلية الجبيل الصناعية - تقنية هندسة القوى الكهربائية وتوني فررريش حديث التخرج من الكلية وأتمنى وأرجو من الله بأن يُسخر لي رئيس قسمي ويهديه ويعادل لي لو ساعات من شهادتي الدبلوم ... حراام ما يعادلون لي وخصوصاً بأن المناهج اللي درستها في الكلية معظمها كنديه وكتبي كانت للمهندس الكهربائي رشيد الرشيد كندي الجنسيه ... أرجوا من الله بأن يسهل أمري ويجنبني العسر فيه وتعادل لي لو ماده على الأقل .. حرام يروح جهد وتعب ثلاث سنوات هباءاً منثوراً
بعد ما ذاب الثلج وخلص الهرج
... ودي اسألكم حبايبي بعض الأسئله وأحتاج أحد يفيدني فيها ضروري جداً جداً لأني بالفعل محتار ... قبل ما أسدح لكم أسئلتي وقبل ما تسوي أصابعكم مساج للكيبورد ودي أقول شغله مهمه متعلقه بالأسئله ،،، ألا وهي
دراستي تبدأ إن شاء الله في تاريخ 23 July في المعهد .. وجاي على حسابي الخاااص لـ حين إلحاق بالبعثه بإذن الله
سؤالي الأول : متى تنصحوني أحجز لـ كندا ؟ في تاريخ بالضبط ؟
سؤالي الثاني : شنو أفضل خطوط طيران تنصحوني أحجز عليها من جده طبعاً
؟ علماً بأني رحت لوكالة الطيار للسفر والسياحه وخيرني الموظف بي كذا خطوط جويه مثل ( الإماراتيه / الهولنديه / البريطانيه / الألمانيه / الكنديه ) ..؟
نوروني الله ينور قلوبكم بذكرهـ وإيمانه قولوا آمين
سؤالي الثالث : بعد ما أقرر تاريخ رحلتي إن شاء الله وبعد إختياري لخطوط الطيران المناسبه .. على أي مدينه أحجز بالضبط ..؟ ترى فعلاً ماني عااارف للحين أحجز على لندن ولا تورنتو ولا العاصمه أوتاوا علشان أفتح ملفي في الملحقيه ..؟ أتمنى تساعدوني
سؤالي الرابع : وش تنصحوني فيه بالنسبه للسكن ..؟ تصحوني أسكن مع عائله أو أسكن مع روميت ..؟
مع العلم بأن لغتي الإنجليزية جيده جداً .. وأجيدها تحدثاً وكتابة ولله الحمد ... ومبدئياً إختياري أسكن مع روميت لأني أحب الجو الهادئ كثيييير وبرضو علشان أوفر على نفسي فلوووس والزيادهـ اللي بدفعها للسكن مع العائله ولا أنا غلطان ..؟!
سؤالي الأخير : كيف الأجواء عندكم في لندن ..؟ باااردهـ أو معتدله ..؟
لأني بصراحه شاري جاكيتات بالهبل لو أوزعها عليكم بتزيد لـ وووووووووووو ـل
يعني بالعربي أبيكم كل أبوكم تجووون تستقبلوني بـ المطار وتساعدوني بشناطي ههههههههههههه
أعتذر جداً جداً جداً على الإطاله والشخمطه اللي مال أم أم أم أمها داعيها ... بس تكفووون لا تحرمووون المشتآآآق حرآآآآآم
عقبال ما أغمض عنوني وأفتح وأحصل نفسي بينكم على أرض الواقع ويجمعنا مكان واحد وشعور وااااااحد وكل أبو شي وااااحد >>>> وحدووووووووووووووووووووهـ
عسى الله أن يوفقني وإياكم ويهدينا إلى طريق الصواب والعلم ويسهل أمرنا ويفرج كربتنا ويسعدنا في الدنيا والآخرهـ آآآآميييين
تـح ـيـتـي وأشوآقي الحآرهـ لكم أحبتي ورفآقُ عُمري
ودمتم بود
LinkBack URL
About LinkBacks
السلام عليكم ...
أنا قدمت على معهد الكلتشر ..
وانا جالس أعبي الأبليكيشن من ضمن الأسئلة الموجوده قالو ..
ليش ناوي تدرس بالكلتشر .. واعطوني 3 خيارات ..
من ضمنها " ناوي أدرس اللغه بمعهد الكلتشر عشان أدخل جامعة الويسترن "
مع العلم بأني لسا ما قدمت على الجامعه نفسها
وبعد يومين أرسل لي معهد الكلتشر التيست حق الانجليزي واختبرت ..
وارسلته لهم وانا انتظر الرد ..
السؤال يا جماعه ..
هل لازم عشاان يقبلوني في الكلتشر يكون عندي قبول مشروط من جامعة الويسترن ؟؟
ولا بعد ما ادرس بالكلتشر راح يسهلون لي أموري بإذن الله وادخل الويسترن بعد ما انتهي من الكلتشر ؟؟