تجمع طلاب University of Western Ontario - Culture Works

انا انقبلت في Culture Works


وما اعرف اي معلوووومات عنو

بليييييزالي يعرف يدينيييي

ادا ما عليكم امر

سلام عليكم ... بما ان الموضوع ياطيبين عن culture work انا قدمت في ورسلت الفلوس والمستندات ..كم المدة تقريبا عشان يوصل القبول ؟؟ ان شاء الله يعني

طيب جامعة بريشيا هي تبع ويسترون اونتاريو هل معترف فيها

السلام عليكم ورحمة الله وبركاته
عندي سؤال لطلاب الجامعه ويسترن اونتاريو انا سمعت انو الجامعه فيها تخصص تسويق للماجستير ومدته سنة واحدة فقط لكنه تحت تخصص ادارة اعمال هذا الكلام صحيح ولا لا وكم تطلب الجامعه درجة توفل للقبول وشكرا كم

اشفي الشعب ساحب علينا محد يرد افاااااااااا

اخت شهرزاد ... جامعة بريشيا لقيتها في موقع وزارة التعليم العالي يعني معترف فيها وترتيبها كويس بين الجامعات الكندية لاني انا في الطريق لها ان شاء الله ..........

انا انقبلت في كالتشر

وانا الحين في كندا تبتدي دراستي بعد اسوع ان شاء الله يوم 15

اللي يجيه قبول كالتشر يقدر يختار بين برشا وكينجز


وكينجز حلوه بس يقولو برشا حقت بنات بس فيها عيال طبعا

شهرزاد

ايوا تابعه

هيا زي المدينه كذا يعني وفيها الجامعات وكالتشر

طبعاانا اكلم على سترن اوناريو اللي فيها هاذي

بس الصرااحه انا رحت من برا مررررره عجبتني الصراحه واخوي متخرج منها

وطبعا عشانها كويسه انا رايحها

وانصحكم طبعا من خبرة اخوي

اليوم 15-أكتوبر-2010 م

حآب أتكلم عن الإختبآر اللي صآر اليوم للطلآب والطالبآت في المعهد .. وعن تعآمل المدرسين فيه .. كمآن عن [ ايش سوينآ ] من دخلنآ لحد مآ طلعنا .. وإن شآء الله تكون فيه فآئدهـ

الحضور كآن في مبنى سانت جيمس الساعه 8.30 صباحاً وما شآء الله زحمة سعوديين وصينيين وكم جنسية مختلفة .. طبعاً أول مآ دخلنآ عطوا كل واحد اسمه يلصقه على فنيلته , وورقه كبيرهـ فيهآ كمان اسمه ورقم القآعة حق الإختبآر .. طلعنآ كلنآ الدور الثاني وأخذوآ الجوازات وصورهـ شخصية [ حركة التصوير مآ حبيتهآ , تحط الورقة اللي عليها اسمك فوق رأسك تقول مسجون ! ] .. المهم خلوا الجوازات عندهم .. وكل واحد راح لقاعته عشان الاختبار .. كان شغلهم منظم بصرآحة , لكن زحمة الطلآب سوت إزعآج في المبنى , المهم مالنآ في الطويلة .

كل وآحد جلس على كرسيه وورقته مكتوب عليها اسمه .. جاء المسؤول عن المعهد يرحب فينآ ويسهّل وعطونا بالبدآية إختبار listening اللي هو تسمع من جهاز الكمبيوتر وبنفس الوقت تحلّ ع الورقة .. مآدري ليه ما ارتحت حسيت إنهم يعتمدوآ على الإستمآع أكثر من الكتابة ..! ,, على مآ أعتقد كان اختبار الـ listening مدته 40 دقيقه أو 35 .. بعدها سلّمنا أوراق هذا الإختبار وجينا بإختبار الـ writing عبارة عن كتابة قطعة عن موضوع المعهد يختآرهـ [ طبعاً إحنا الموضوع كآن عن ليش النآس يعيشون هالأيام فترة أطول ؟ .. فـ تكتب عن الموضوع من وجهة نظرك وتجيب أمثلة وتدعمها بأشياء تفيد القطعة اللي كاتبهآ ] ..

بعد كذا , سلمنا الأوراق .. أوه نسيت الإختبار كان مدته من 30 إلى 35 دقيقة , بعدها وزع علينا شيخ المعهد اوراق نكتب فيها بياناتنا من ناحية السكن والرمز البريدي والجوالات وكل شيء , بـ لندن وبالسعودية .. ومعاها ورقة تشرح ايش اللي رح يصير يوم الإثنين في كلية King's مع كروكي للمكان .. وزع علينآ جوازاتنا وعطينآهـ أوراق بياناتنا .. وكل وآحد رح بطريقه

من نآحية تعآمل المدرسين كآن جــداً رآئع والبشآشة والإبتسآمة مآ تفآرقهم , ومزوحين لبى قلوبهم .. يعني خففوآ شوي من التوتر عند الكل ..

ويوم الإثنين يبدأ برنامجنآ .. إن شآء الله قد مآ أقدر أحطّكم بالصورهـ


بالتوفيق للكل

اليوم 18 - أكتوبر - 2010 م

بدأ اليوم في قاعة Monsignor Wemble Building في كلية King's الساعه 9 الصباح , البداية كانت بوجبة إفطار .. وثم بدأ الأساتذهـ في الحديث وكان عباره عن تعريف بنظام المعهد والكورسات كذلك تم توزيع ظروف تحتوي على الفعاليات المطلوب اختيارها لهذا الترم , كمان خريطة لباصات لندن , وتيكت للباص مجاني من المعهد , كذلك تم التعريف ببرنامجهم المسمى بـ First Class .. واللي تقريباً رح يكون التواصل مع الأساتذهـ أو مع الطلاب الآخرين من خلاله .. طبعاً تم توزيع الـ Levels والجداول على الجميع ومن ثم ذهبنا على دفعتين لـ قاعة الكمبيوترات الخاصة بالبرنامج المذكور .. وتم التعريف به وكيفية استخدامه وعمله وفوائدهـ ..

طبعاً تم توزيع الطلاب على كليات برشيا و كينقز و كذلك على فصل دراسي جديد للمعهد في الحرم الجامعي ..

الجدير بالذكر كانوا في شباب وفتيات من نفس المعهد متطوعين لمساعدة الجميع , سعوديين وصينيين .. وما قصروا ابد بالترجمة وبالتوضيح والمساعدهـ .. بارك الله فيهم

وتم التنبيه على الجميع من قِبل المسؤول عن المعهد عن خطاب الملحقيه بزيادة عدد الساعات للمبتعثين والمبتعثات فـ احتسبت المحاضرات كـ مسائية من الـ 5:30 مساءاً حتى 8:00 مساءاً ليومين من الأسبوع ..

هذآ تقريباً ملخص مآ حدث اليوم ..


بالتوفيق للجميع