تجمع طلاب University of Western Ontario - Culture Works

الاخ العزيز سفير الشوق... وكافة الاعضاء المشاركين في هذا الموضوع.
الله يعطيكم العافية جميع.. واخص بالذكر الاخ سفير الشوق...
صراحة معلومات قيمة ومفيدة عن المدينة وعن الجامعة وعن معهد اللغة.
انا انشاء الله راح اكون هناك للدراسة ( ماجستير ودكتوراه- هندسة كيميائية) بداية من الصيف الجاي.
ولي زياره للمدينة والجامعة الشهر القادم... وانشاءالله راح اكتب مشاهداتي عند رجوعي.
ياليت اخواني نكمل مشوارنا في هذا الموضوع لتعم الفائدة لنا جميعا. حتى بعد قبولنا وسفرنا.. ياليت يستمر التواصل بيننا... ترو الغربة ماهي سهلة.. والواحد منا مايستغني عن المشوره في بداية اي مشوار وخاصة من ربعه.. مابالكم اذا كان هالمشوار في بلد الغربة..
عموما ماقصرتوا وعساكم عالقوة جميع.. واذا تبون اي شي لايردكم الا كيبوردكم.

اخوكم: الغامدي

حيالله الشباب ..

موعد الدراسه حسب ماهو موضح في موقع المعهد في :
من
January 21st, 2008
الى
April 18th, 2008
ومن April 21st, 2008
الى
July 11th, 2008
ومن July 28th, 2008
الى
October 17th, 2008
ومن October 20th, 2008
الى
January 16th, 2009

طبعا هناك 4 مستويات .. كل مستوى ياخذ تقريبا شهرين الى ثلاثه ..
وبمجرد انضمامك لمجموعه .. ستسمر معها الى التخرج بإذن الله تعالى ....

وأتصور أفضل توقيت يناسب الجميع بعد انهاء اجراءات الفيزا في :
July 28th, 2008
وهذا يوافق تقريبا موعد يقارب الاجازات المدرسيه ..

انبسطوا يا أخوان .. أجمل صيفيه في كندا بإذن الله تعالى
وللعزيز الغامدي .. حياك الله . أخ عزيز .. وأتمنى أن تتحفنا بصيد الكاميرا .. أثناء زيارتك ..
وتعطيني كامل التصور اللى احتاجه .. في آليه التنقلات بالستريت كار داخل المدينه ( أو الباصات ) وأيضا نظام القطار الحديدي ( أو المترو )
من والى تورنتو او نياقرا فولز .. ( التسعيره .. وجدول الرحلات .. )

وايضا اريدك أن تزودني .. بجدول المهرجانات الاسبوعيه في لندن .. اثناء الصيف ..

وهذا دأب الكنديين .. وما شاهدته في 5 مدن من قبل هناك ..

فهل لندن يهتمون في هذا الجانب ؟؟
أتمنى أن أجد الاجابه لديك .. او لدى الأخ غالب مراد ..

تحياتي

عندي اقتراح غريب لو توافقوني عليه ...
بخصوص السكن ..

أرى لو كل واحد سكن بنفسه .. ستكون التكلفه غاليه على الجميع ..

لذا .. فلنترك سنه اللغه تنقضي على خير ... وكل بمزاجه .. سواء عند عائله . او في سكن المعهد .. الخ ..

حتى نكتسب اللغه ..

بعد ذلك .. ما رأيكم بأن نتشاطر سكن كامل .. مثل الذي يظهر في الموقع
http://www.zoltrigroup.com/rentals.php

يعني ناخذ سكن من الباب .. وبالعدد اللى يجي معنا .. ( من العزابيه طبعا )

وكلها كم دقيقه عن الجامعه .. ونكون يد وحده في دراستنا .. ومشاريعنا .. وخرجاتنا ..
والقطه بتخف علينا .. ووقع الغربه .. بتكون سهله على أغلبنا ..

طبعا بشرط .. انهاء دراسه اللغه بمعزل . حتى اجادتها تماما .. وبعد ذلك .. يكون مقترحي قيد التنفيذ حال موافقتكم ..

ما رأيكم ؟؟

عن نفسي أنا .. بإذن الله .. بسيطر لكم على الطبيخ .. وجدولة الترفيه حسب مزاجكم ..

من يحط يده بيدي .. لجل نهيئ أنفسنا .. من الأن ..

أحلى ما في الموضوع .. أننا امكن نوفر سكن لأقاربنا .. ( لو واحد فيهم فكر يصيف في كندا في ظل عودت أغلبنا للوطن )

يكون البيت موجود لمن يحب ======> تفكيره بعيييييييييييييييد

عموما أنتظر المؤيدين .. والقطه بتكون على ( السكن - الأكل - السياره )

النظام امريكي .. احم .. اقصد كندي ...

وما نبي فزعات ... وأحد يقط عن أحد .. هههههههه

سفير الشوق
أنا أول المؤيدين لاقتراحك الأخير
من الان ايدي بايدك و باذن الله اكون عون لك بهذا الموضوع
اخوك الجهني

موقع أخر للسكن
http://london.kijiji.ca/f-housing-ro...s-W0QQCatIdZ36
وحياك أخوي ( الجهني )
أجل بسم الله ..

القطه قسمه اثنين .. حتى هاللحظه .. ... ولا أقول لك خلنا نعطي الشباب فرصه .. لجل يكتمل العدد


امزح ... الموضوع بأوله .. وقدامنا سنه على التنفيذ ان شاء الله ..

تحياتي

فجعتني قلت من اولها فلوس هههههههههههههههههههههههه
اخ سفير كان عندي استفسار كتبته بموضوع (استفسار صغنن ) يا ريت لو عندك خلفيه تديني خبر و اكون شاكر لك و لاي واحد يرد عليا

السلام عليكم
ألف شكر أخوي سفير على الموضوع الجميل ,والإستفادة منه كانت كبيرة , وعلى موضوع السكن يدي على يدك , بس بالنسبة للمعهد University of Ontario Institute of Technology أظن أنها جامعة من أسمها , بس الي حبيت أستفسر عنه هل هي تابعة لجامعة وسترن أونتاريو بالفعل , لأنه فيها التخصص الي أحلم بيه IT security ياريت تفيدنا أخوي0

حياك أخوي فرفر ...
والجامعه نعم تابعه للجامعه الأم .. وتعتبر الأحدث .. حتى في تخصصاتها ..
بس مدري . عن آليتها ..

وبخصوص التخصص IT security لو تلاحظ أني متعطش عليه وهو السبب اللى خلاني ادور عليه بالذات .. أو العام IT ,,,
أتمنى .. نستقسى المزيد عن الجامعه .. والتخصص .. ونشوف مين فينا يوصل لنتيجه أول ..

وعلى فكره .. قرأت في موقع دراسي .. ان بعض التخصصات متاحه فقط للكنديين أبا عن جد ...

مدري .. ليه !! هو خوف من التخصص لا ينتشر ولا ايه بالضبط !! ..

لكن ما ألومهم لو صح الخبر .. . لأن كندا متقدمه علميا في مجال .. أمن المعلومات .. والتصدي للفيروسات والهكر .. بل والشائعات تدور عن مصدر 30 % من الفيروسات من كندا .. و 20 % من الصين و 15 % من الهند وامريكا .. والباقيه من دول العالم الأخرى .. ..

امكن يخافون .. من مبدأ المثل :
علمته الرماية كل يوم **** فلما أشتد ساعده رماني

أتمنى الدراسه تكون حسب رغباتنا .. .. ولا بنسوى مظاهره .. احم .. أقصد .. مصاهره ..

اميرز .. اش هو طلبك بالضبط ؟؟

ولاحظ ان الغالي فرفر .. كون معنا .. مثلث برمودا

ننتظر البقيه ,,,,

ودمتم بخير

أوافقك على الاقتراح ...
ننتظر المؤيدين .. ونترك الخيار لك في اختيار المكان والزمان .. والعشاء بعد ... ===> ورطتك



أقترح .. المكان يكون في ابحر .. لجل لا أحن لها بعدين .. يكفي شوفتكم في كندا .. تنسيني جمال جده .. وعذوبتها ... -------> بدى في التغزل .. ماكنه أنكوى من حرها ورطوبتها ... ووده يفتك



لو كان الوقت مناسب .. أضمن لكم شاليه هناك ... بس بشرط مايكون بوقت مناسبات وضغط في الحجوزات .. لجل يفزع لي صاحبها عن طيب خاطر ..

انتظر المؤيدين والتنسيق منك يا بزنس مان



تمت اضافتك ..


تحياتي