تجمع طلاب Brock University
تجمع طلاب Brock University
تنبيه: هذا الموضوع قديم. تم طرحه قبل 6151 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
LinkBack URL
About LinkBacks-
7 " - السلام عليكم .......ايش اخباركم شباب ؟ انشالله بخير .....والله ليكم وحشه.7 "
طبعا فالبدايه اهدي احلى سلاااام لأخواني زياد وأيمن ......وليا الشرف اني اتعرفت عليكم .....واحب اشكر أخ ايمن صاحب فكره تجمع طلاب جامعه بروك وخلانا نتعرف على بض .....واكيد مح انسى اخويا زياد على مواضيعو المتميزه والرائعه ...وانشالله نقدر نرد جمايلكم...ونكون انشالله يد وحده.
طبعا اغلبنا قدم على الفيزا وانشالله راح تجي فأقرب وقت....بس حبيت افتح موضوع التوصيات ونبدأ فيها على بال ماتجي الفيزا ....واغلبكم عارف انو كل جامعه ليها ريكمنديشن فورم خاض بيها...وحبيت اعطيكم ركمنديشن بعض الجامعات وهي:
جامعه بروك
http://www.brocku.ca/gradstudies/app...n_Business.pdf
جامعه اتوا
http://www.uottawa.ca/academic/grad-...mmendation.pdf
جامعه البرتا
http://www.gradstudies.ualberta.ca/f...fadmission.pdf
جامعه ريجينيا
http://www.uregina.ca/gradstudies/fo...mmendation.pdf
انشالله تفيدكم
واللي يحتاج ريكمنديشن لأي جامعه يقلي وانشالله اقدر اسأعدو.......موفقين انشالله
تحياتي للجميع
اخوكم هتان - اخويا زياد الله يعطيك العافيه على الروابط المفيده .7 "
حبيبي هتان ماقصرت واكيد حنطلب منك لبعض الجامعات وعارف محا تقصر .وبعدين لاتخصني بالشكر لاني انا المفروض اشكركم انا كتبت الموضوع وبس وجنيت الفوائد كلها منكم انتا ووزياد واختنا بينك اللي ساعدتني في القبول والعواجي وككلكم الله يعطيكم العافيه
واتمنى من كل قلبي اننا نتوفق في دي المرحله من حياتنا وتكون احلى ايامنا ونحكيها لأجيالنا .
يااااااااااااااااااااارب يسرلنا ولا تعسرلنا
بخيل وانتظر مشاركاتكم المفيده وتواصلكم الرائع واتمنى ان الكل يكون عنده حماس زياد وهتان بس عارف الدنيا ومشاغلها تبعدنا عن المنتدى بس قلوبنا متواصله للأمام ولحب الخير للجميع .
تحياتي للجميع - سلام عليكم7 "
تحيه طيبه من كل قلبي لحبايب قلبي طلاب وطالبات بروك
اعتقد ان االكل استلم قبوله وقدم ان شاء الله على الفيزا بس فيه اللي وصله الكشف الطبي وفي اللي لسا ماوصله وفيه اللي ماشاء الله وصلته الفيزا والله يسهل للجميع
اعتقد الخطوه القادمه نحتاجها لمعرفة السكن وامور المعيشه في سنت كاثرن وعن البنوك هناك عشان نفتح حساب فيها وننتهي من اجراءات الملحقيه .
وهذا الرابط ي موقع لحجز السكن اخذته من موضوع سابق في المنتدى اتمنى انكم تستفيده منه وانا بصراحه حايس شويه لانه لغتي هشك مشك ومعتمد على الوافي بس الحمد الله بأفهم
http://www.mbt3th.us/vb/showthread.php?t=35818
واي معلومات عندكم افيدوونا فيها جزاكم الله خير
- والله مجهود كبير ورائع7 "
روح التعاون والمساعدة بينكم توحي للواحد بالإطمئنان والسعادة
عموما مشكور زياد لاهتمامك وطرحك لموضوع التعارف اللي بإذن الله حرد عليه في اقرب فرصة
وهتان مرة شكرا على التوصيات والله ريحتنا كتير
وترن ترن والكل الله يعطيكم العافية .. - باك7 "
الاسم الكريم : بينك بنت بن
من مكة المكرمة
تخصص الكالوريوس : تغذية
تخصص الماستر تسويق قابل للتغيير
الهوايات: القراءة ، التصميم عـ ( الفوتوشوب) ، كتابة الخواطر ، .........الخ
المشاكل اللي تواجهني حاليا في البعثة : اولا مشكلة الجامعة انو مافيها تخصصي وفكرة اني ممكن احول
تانيا: مشكلة السكن مرة شايلة همه ، لاني مرة ما احب اروح هناك وكمان اتبهدل على بال ما الاقي شي مناسب وكدا ، عشان كدا تمنى اللي بروح ويسبقنا يساعدنا في الموضوع دا
ثالثا: خايفةتتأخر الفيزا ويروح عليا موعد الدراسة
وسلامتكم ... - مساء الخير جميعا يا أخواني وأخواتي7 "
أولاً/ تشرفت بكم حتى لو ما أروح أدرس وأكنسل البعثة , معرفتكم تجارة ربحانة 100% لأنكم ناس طيبين بمعنى الكلمة ...
ثانياً / كل اللي سويته هنا راح احصله هناك منكم يعني ما سويت حاجة لكم تسوى وصدقوني أهم شيء اننا نروح ونكون مرتاحين في جميع أمورنا .
ثالثاً / بكل امانة موضوع السكن يخوف وخصوصا لأخوانا المبتعثين او المبتعثات المتزوجين لأن مشكلة الطالب الغير متزوج وجاي لحاله يقدر يسكن بالجامعة أما أنتم وضعكم صعب شوي وأحسن وسيلة لجميع الطلاب تراسلون الجامعة وتقولون نبغى سكن قبل ما تسافرون عشان يبحثون لك عن سكن قبل ما تروح هناك وتتورط .
وإن شاء الله راح اجيب إيميل الشخص المتخصص في سكن الطلاب في الجامعة لمساعدتنا جميعاً
بس يبغى وقت أتمنى تنتظروني .
كل التوفيق لكم يارب - ويستمر تعاونكم يامخلصين..7 "
الله لا يحرمنا من بعض طول السنين ..
مشكلة السكن مؤرقه حتى الباقيين..
بانتظارك يازياد الى ان يطلع اللايميل معك ويبين ..
تحياتي لكم وننتظر المزيد - بس ايش رايكم ياعزوبيه السكن مع عائله افضل ولا سكن خاص7 "
- هلاااا والله بطلااب وطالبات جامعتنا.....انشالله تكونو بصحه وعافيه7 "
فالبدايه احب اسلم على اخواني زياد وأيمن وماجد وم.فلاوي...وطبعا اختنا بنك بن (تسلمي و مايتحتاج تشكريني ...عشان كلنا اخوان ولازم نساعد بعض) ......واحب اشكركل اللي معانا ...عشان لحد يزعل.
'طبعا لاحظنا ان اغلب الصعوبات اللي راح تواجهنا اللي هيا التخصص والسكن.
اول شي التخصص .....زي ماقالت اختنا بنك واخويا م.فلاوي ...وانا ...عندنا مشكله انو الجامعه مافيها تخصصاتنا.....ايش نعمل ؟؟؟ انا من رأي اننا نبدأ فالتوصيات ونجهزها من دحين عشان نقدر خلال فتره اللغه نقدم على جامعات تانيه ....وانصح اللي يبغى يكمل تخصص أداري يدرس الجيمات من دحين...اناجبت الكتاب (شويه معقد بس يحتاج لغه)..وكمان نحاول نجيب قبول ماستر فجامعه بروك بس فتخصص تاني ...زي MBA ولاا تسويق لأن القبول فيها حيكون اسهل من غيرها...واللي عندو فكره فدا الموضوع اتمنا انو يفيدنا.
مشكله السكن.....انشالله محلوله .....اما اننا نسق مع الجامعه ....(في نوعين للسكن عن طريق الجامعه وهيا السكن مع عيله أو سكن طلاب الجامعه)...دا حل ممتاز للعزابيه .....اما اللي معاه عيله اكيد يحتاج ستديو أو شقه....
]هنا موقع الجامعه الخاص بسكن الطلاب مع عيله وحتلااقو الأيميل فيInternational Orientation
http://www.brocku.ca/ielp/accommodations.html
وهنا موقع للسكن الخارجي
http://castlesforstudents.com/home.htm
بس انا من رأي اننا ما نستعجل ونحجز عن طريق النت ..احسن اننا نروح هناك ونشوف كيف ...محد داري كيف السكن مناسب ولاا لاا ......احسن اننا نحجز ففندق ونروح قبل الدراسه باسبوع او اسبوعين ونبدأ ندور على سكن ....
وانشالله نستفيد من بعض ونشوف ايش الأنسب ...وربنا ييسرلنا أمورنا.
تحياتي للجميع
have a good time guys