مالفرق وأيهما أفضل ؟ biomedical engineering

الفرق كبير، فهذا يعتمد علئ الجانب الميكانيكي وهذا عالكهربائي، الميكانيكا الطبية غالبا تكون تصميم وتصنيع الاعضاء والاطراف الصناعية،مثل القلب الصناعي او القدم الصناعية، الخ. وفي نفس الوقت تكون مؤهل للعمل كمهندس ميكانيكي، الهندسة الطبية الكهرباية تكون معتمدة عالجانب الكهربائي للمعدات الطبية تقريبا، بس مو متآكد اذا تؤهلك للعمل كمهندس كهربائي، فشوف ايش ميولك كهربايئية او ميكانيكية، بالنسبة لي انا ادرس الميكانيكا الطبية.

سلام عليكم هلا بالغالي عبدالله
تخصصك الحين كيف الواحد يدخله
اذا كان ادبي شرعي ونسبتي 71 من مائة
وكم مدت السنوات
وهل ادرس مواد تكميلية مثل الرياضيات والفيزياء او الكيمياء
وسلامتك
وش الجامعات اللي موجودة فيه التخصص

شرعي وهندسة مرة صعبة اذا مو مستحيلة، خصوصا في كندا، في خيار انك تدرس مواد تكميلية، بس دام خلفيتك ادبية، اقل شي بتاخذ سنة كاملة في المواد التكميلة اذا كنت ماشي(طبعا ما رح يحسبون لك ساعات ) يعني السنة هذي بس عشان تنقبل في الهندسة وبعدها تبدا مشوار جديد اقل شي ٤ سنوات، وممكن اكثر اذا صادفتك مشاكل، الشغلة مو مستحيلة اذا كنت جدي وناوي تتعب علئ نفسك، بس بتكون صعبة كثير، واشوف امريكا اسهل لك. بس بصراحة لازم تكون عندك خلفية علمية قوية ولا ما راح تمشي،

اذا كنت مؤمن انك قدر التحدي وعارف الصعوبات فاكيد تقدر، بس اتعب عنفسك وحاول تاهل نفسك بكورسات علمية او مدرسين خصوصي، عشان ما تنصدم هنا، ولازم تعرف ان مشوارك بيكون متعب،

بالنسبة للجامعات بتخصص الهندسة الطبية، عددها مو كبير في كندا، انا والله ناسي كل الجامعات بس الي اتذكره انه في رايرسون في تورنتو وكارلتون في اوتاوا وجامعة اوتاوا، وجامعة واترلو على ايامي كانو بيفتحون التخصص قريب، ما ادري اذا فتحوه ولا لسا،

بالتوفيق،

سلام عليكم الله يوفق الجميع
بالعكس انا متحمس جدا
وبدرس المواد التكملية
بس يا عبدالله ابي اعرف طريقة المواد التكملية بس ابي اسالك سوال ثم اسالك عن التخصص الحلو الهندسة الطبية
مثلا انا جيت كندا واكيد بدرس على حسابي الخاص
الحين يقلون في ناس انضموا للبعثة بعد 3 شهور
وفيه ناس جلسوا اكثر من 8 شهور
يقلون اوراقهم مو مكتملة
ابي افهم وش يعني اوراقك مكتملة ، طيب انا جيت ومعي الفيزة ومعي قبول الدراسة وش يبون بعد الملحقية
انا كلمتهم وقالوا لاتجينا ارسل لنا ختم القبول
كيف ارسل ختم القبول لهم
انا فهمت انهم مثل نظاه حافز اللي بالسعودية يعني يبيلك جوال جلكسي او ايفون علشان كل ما قالوا اي شي تسويه لو افسخ سروالك وعلقه هههه تسويه
ما ادري كلامي صح
علشان تتضم في 3 شهور ، لان فيه ناس يقلون انت تقدر تنضم في 3 شهور اذا اوراقك كاملة ، ممكن هاذي يقصدون
ما ادري عبدالله ياليت تقولي
وبالنسبة المواد انا ناوي يعني مثلا انا درست 3 شهور ورفعوا اوراقي وجاء بعده ارسلوا لي وقالوا انضميت وهذا رقمك وهذي المكافئة ، بعده انا وش اسوي اكلم الجامعات اللي بينه وبين المعهد اللي انا فيه ميثق شرف يعني ادخل الجامعة دون اختبار التوفل او الايلتس ثم اقولهم ياجماعة الخير انا ابي تخصص علمي مثل الهندسة الطبية وابي تعطوني المواد وانا اشتريه وقولوا وين تبوني ادرسه ، ثم يقلون والله نبيك تدرس لمدة سنة وفيه بعضهم يقلون لا نبيك تدرس لمدة سنة ونصف وفيه بعضهم لمدة 6 شهور ، ثم ادرسه اكلم اكيد الملحقية واكيد على تواصل مع الجامعة ومع الملحقية واخليهم بعد يكلمون بعض ، لاني خلاص بتكون الملحقية مسئلولة عني لاني انضميت للبعثة وتكون تكلفة المواد التكمليلية علي الملحقية ، وادرس المواد مثلا في الليل وادرس اللغة في الصباح لمدة سنة في نفس السنة يعني ما ني مضيع سنة ثانية الا مثل ما قلت اذا تعلمي بطيء ، واكيد اخذ عليهم اورق علشان ما يهونون الجامعة واعطي صورة للمحلقية علشان تكون شاهدة على الجميع ، ثم بعد كذا ادخل التخصص لمدة 4 سنوات والله يوفق الجميع
ما ادري كلامي صح او غلط او انا اللي غلط ولا ني قادر افهم

بالنسبة الختم القبول انا غلط اقصد ختم الدخول الى اراضي كندا ،
لانهم قالوا لي ما يهمنا تدرس لغة انجليزية عامة او تدرس اكاديمي اهم شي انك معك ختم الدخول الى اراضي كندا
وانا اصلا ناوي ادرس اللغة الانجليزية وبعد ما انضم للملحقية بغير مجرى دراستي واخليه اكاديمي علشان الجامعة

وهل دراسة المواد تكون مع طلاب الثانوي في المدارس الثانوية
تدري فيه واحد وش يقولي الطريقة اللي لازم تسويه
تجيب قبول جامعة يعني تكون جامعة لسى جديدة لان نسبتك 71 من مائة وهذا صحيح هاذي نسبتي وشرعي وادبي ويقول مالك الا تخصص ادارة اعمال اول شي علشان الموافقة من الوزرارة تعطيك موافقة لانك شرعي لكن اذا جبت تخصص علمي وانت شهادتك ادبي وتبي تاخذ موافقة تنرفض الموافقة وكذا ما يعطونك رقم علشان تفتح فيه ملف الى .... اخره
ثم بعد ما تجيب من جامعة معترف فيه وتقبل نسبتك بتخصص ادارة اعمال
تجي كندا وتدرس في المدينة اللي جبت منه قبول لغة وبعد ما تنضم للبعثة تدرس لمدة سنة لغة انجليزية ثم تروح الجامعة اللي جبت منه تخصص ادارة اعمال تدرس فيه لمدة سنة في الرياضيات والمحاسبة ثم اذا خلصت سنة في ادارة اعمال وجبت مجموع كويس بعد ذلك تروح وتنقل الى جامعة قوية واكيد الملحقية على علم وتجيب قبول في التخصص العلمي مثل العلوم الطبية او الهندسة الطبية
ما ادري كلامه صح ولا طريقتي الاوله اهي اللي صح
انا اقول كلامه اكيد غلط كيف اضيع من عمري في ادارة اعمال سنة كاملة اذا بجلس فيه سنة كاملة عز الله بكمل الثانية والثالثة فيه
وش رايك في الكلام اللي قلته
وتحياتي واسف على كثر كلامي
لساني يبغى قص هههه

- - - مشاركة محدثة - - -

بس كلامه هذا على اني بدخل تخصص طبي

ماحد يقدر يحدد لك مدة معينة للانضمام للبعثة، ناس انضمت في ٣ شهور ، وناس جات توها وصادفت مكرمة وانضمت علطول، وناس اوراقها كاملة بس صادفتهم فترة وقفو الضم فيها ونقعو ٨ شهور واكثر، وناس جاية مع بعض واوراقهم كاملة، يضمون واحد والثاني ما يضمونه، اعرف واحد اوراقه كاملة وجايب قبول جامعة ومع ذالك ما ضموه والولد صار له سنة وشوي، وناس جاية بعده وضموها، في عوامل كثير تحدد هل بيضمونك او لا، الشغلة فيها محسوبية بصراحة من قبل الوزارة، وفي نفس الوقت توفيق من رب العالمين،احيانا يقولون لك لا ما نضمك الا اذا بديت الدراسة الاكاديمية في الجامعة، فالموضوع صعب وكذاب الي يقول لك بيضمونك في مدة معينة، لان ما في اي واحد يقدر يحدد هالموضوع،

بالنسبة للمواد التكميلية، الملحقية تسمح بعدد معين من الكورسات التكميلية لطلاب الماستر او البي اتش دي، لانه يترتب عليه زيادة في مدة البعثة، وهم ما يبون هالشي، ما عندي خبرة بالنسبة للبكالريوس، بس ما اتوقع تسمح الملحقية لك بالمواد التكميلية وغالبا رح تكون على حسابك، لان هذا معناته بعثتك بتكون اكثر من ٦ سنوات والبكالريوس ٥ سنوات شاملة الغة، فالافضل انك تتواصل مع الملحقية بهالخصوص،

بالنسبة للاوراق الكاملة، هم يخلونك تحت الطلب وطلباتهم ما تخلص، الي يطلبونه في البداية قبول معهد وقبول جامعة وختم الدخول عشان يتاكدون انك في كندا واوراق رسمية اخرئ، تصريح الدراسة الجواز والفيزا والخ ، بس غالبا كل فترة بيطلبون منك تقارير دراسية عشان يشوفون ماشي ولا ، وبيطلعون لك كل مرة طلب جديد عكلام الشباب،

مو قادر افهم ايش يقصد لانه ضيعني، بس كيف تدرس بعد ما يضمونك؟ انت رح تبدا الدراسة قبل ما يضمونك وممكن تاخذ شهور تدرس على حسابك، وبعدين يضمونك، لازم تبدا الغة اول قبل الجامعة، مو جامعة بعدين لغة، نسبتك صراحة نازلة وصعب قبولها ، عشان كذا اقول لك امريكا خياراتها اكثر واسهل لك، بالنسبة انه مالك الا ادارة اعمال، شي طبيعي انه ما في اي جامعة تقبل ادبي الا في التخصصات الادبية، الا اذا جبت قبول مشروط بالمواد التكميلية في تخصص علمي، وغالبا رح يرفض من الملحقية لانهم ما يبون يدفعون للمواد التكميلية فيقولون لك خلك علئ امتدداد تخصصك،

انا صراحة مو فاهم عليك ايش تبي توصل له، بس باختصار :

١- جيب قبول معهد من كندا
٢- قدم عالفيزا وتصريح لدراسة.
٣- بفضل انك تدبر قبول جامعة قبل ما تجي كندا عشان تكون اوراقك كاملة وما تنصدم هنا.
٤- تعال كندا.
٥- افتخ ملف دارس علئ حسابه الخاص.
٦-قدم اوراقك.
٧-ابدا الدراسة في المعهد.
٨- اتعب علئ روحك وخطط صح،
٩- انتظر الله يفرجها مع الوزارة.
١٠-خلص الغة بتوفل او ايلتس او مستويات وابدا الدراسة الجامعية،

تاكد من موضوع المواد التكميلية اذا الملحقية بتسمح ولا لا ؟

وبالتوفيق،،

الله يعطيكم الف عافيه على المعلومات شاكر لكم كثير