تجمع طلاب University Of Toronto

السلام عليكم

بالنسبة للاخوان والاخوات الي سألوا عن السكن والايجار الشهري

وانا من وجهة نظري الشخصية (اتمنى اذا احد عنده وجهة نظر يقولها في هذا الموضوع)

انو ما يحتاج الواحد يستأجر شقة غير مفروشة ولسه حيقعد يدور مفروشات وشغلتها شغلة

يستأجر شقة مفروشة جاهزة (بارد مبرد) واش له داعي وجع الراس

وحتلاقوها في هذا الموقع وانتم تحددوا السعر الي تبغوه والي يناسبكم
http://www.sublet.com

[quote=sl.2;554256]مييييييين أشترى شنطة السفر ؟؟؟

ياريت كل واحد فيكم يكتب حالته ايش ؟؟

يعني ايش الخطوة اللي بتسووها استعداد للسفر

انا عن نفسي بستنا الفيزا

اللي بيجهز اغراضه خلاص حبيت اقولكم على حاجات مهمة تاخذوها معاكم
انا جمعت كل المواضيع في المنتدى واللي فيها عن تجهيز الشنطة ولخصتها لكم << حركااات يا summary

شنطة اليد في الطيارة :
- قلم او اثنين
- دفتر صغير
- المحفظة ( الفلوس - بطاقة البنك - ورقة مكتوب عليها معلومات عنك وارقام تلفوناتك)
- جواز السفر ( ممكن تحطوا داخل كيس نايلون عشان لو انكب شيء في الشنطة ما ينعدم)
- ملف من نوع اللي فيه جيوب ويتقفل فيه ( كل الأوراق المهمة مثل صور من الجواز وبطاقة الاحوال و الاستمارات اللي في موقع الملحقية و صور من قبول الجامعة وصور شخصية و صور من الشهادات + الشهادة الاصلية وترانسكربت حق الدرجات واي ورق مهم ثاني)
- كتاب ادعية صغير فيه اذكار الصبح والمساء وما في احسن من حصن المسلم.
- مناديل الجيب + مناديل معطرة ديتول ممكن تحتاجها في الحمام وانتوا بكرامة
- لصق جروح
- غيار ( لبس احتياطي ) ماتعرف ايش الظروف
- بنادول او اسبرين
- ممكن تطلع معاك شبس او تشوكلات عشان ممكن اكل الطيارة مايناسبك او وانت بتستنا في الترانزيت وانتوا عارفين الاكل اللي ينباع في المطار غالي مررررة
- نظاراتك سواء شمسية ونظر
- دفتر ارقام التلفونات ( لا تعتمد على الجوال ممكن يطفي عليك )
- واذا تذكرت شيء ثاني حقولكم



ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــ

السلام عليكم

انا برضوا نفس الحكاية بستنا الفيزا

وبالنسبة لتجهيز العفش

انا كان عندي من اول ثلاثة شنط سفر

وامس اشتريت طقم شنط كمان ثلاثة شنط

صار عندي ستة شنط سفر (طبعاً انا متزوج وعندي طفل عمره سنتين يعني الشنط مو كلها لي انا)

وحطيتها في غرفة عندي في البيت وقاعد اعبيها انا وزوجتي

ونرتب الملابس وخصصنا شنطة للاحذية (الله يكرمكم)

وايييييييييييييييييييييييييييييييييييييه خليها على ربكم

انا وعائلتي الصغيرة حنتحتاج شنطتين شنطة للاوراق الرسمية وشنطة لولدي الصغير في الطيارة

واحب اضيف انا احب اشيل معايا في شنطة اليد قرآن صغير عشان اقرأ منه في الطيارة

لأنه يهدي النفس و ماتحس بالطريق وبالمسافات الطويلة

والله يوفق الجميع

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ

السلام عليكم

انا كانت البعثة حقتي حتتكنسل وكنت حألغيها وحأشيل الفكرة من بالي

حتى قدمت خطاب للمدراء الكبار عندي في الشركة

والحمدلله وافقوا على انهم يعطوني اجازة دراسية استثنائية لمدة ثلاثة سنوات

وبعد كدا ارجع على نفس وظيفتي بدون بهدلة وتقديم جديد

والحمدلله على كل شئ

انا كنت ابغ اعرف زوجك موظف حكومي او موظف اهلي ؟؟؟؟؟؟؟؟؟؟
واش آخر مؤهلاته الدراسية ؟؟؟؟؟؟؟؟؟؟؟؟؟

ــــــــــــــــــــــــــــــــــــــــــــــــــ ــ

شهريييييييييييييييييييييييين مرررررررررررررررة كثير

يعني 60 يوم

لأ لازم ماتسكتوا على هذا الوضع

لازم ترسلي ايميل للسفارة توضحي وضعك وتذكريلهم اسمك واسم المرافق
riyadh.visa @ international.gc.ca

وتاريخ ارسال الكشف الطبي وتاريخ ارسال الجوازات من قبل


او تتصلي عليهم او ترسليلهم فاكس تذكري فيه رقم جوالك وبيانات اتصالك
عشان يردوا عليكي

وبالنسبة للجكتات تلاقيها في محلات بينيتون

وشكراً و الله يوفق الجميع

هلا فيك اخي الفاضل شكرا للتجاوبك فأنا ابحث عن ضالة اتمنى ان اجدها على يد احد اخواني الافاضل في هذا المنتدى الرائع كما اني ايضا زميلة معكم في المنتدى الاخر المهم اسعدني انك بفضل الله حصلت على الاجازة ربي يوفقك لما يحب ويرضى أكثر الشكر اخي الكريم على هذه النعمة لاني بدون مبالغة لا ليلي ليل ولانهاري نهار دوما شاردة الفكر وزوجي كذلك وهوايضا حصل على قبول معنا في نفس الموعد وبنفس الجامعة والاخ انس يرسل لنا الايميلات ونحن لانعلم بماذا نجيب .........اجاوب على تساؤلاتك الكريمة:
زوجي موظف بالقطاع الاهلي وخدم 15 عاما ويجد صعوبة بالغة بالاستقالة فبعد عودتنا كيف يضمن لقمة العيش لمن يعول ونحن لدينا اطفال ماشاء الله..
مؤهله العلمي دبلوم تخصص كهربائي ويتمنى ان يكمل البكالوريس لانه توظف منذ كان عمره 19عاما فخسر المشوار العلمي والان سعد بفرصة العودة للدراسة ولكن.............؟؟؟

شاكرة اهتمامك

اختي الفاضلة

انا اقدم لك نصيحة أخ
وهذي من تجربة .. انا عديلي موظف زوجته مبتعثة ومدراءه رفضوا اجازته الاستثنائية

ولكن بعد الالحاح المستمر استطاع ان يأخذ اجازة استثنائية لمدة سنة قابلة للتمديد

وقد أخذها بعد ما قدم خطابات للمدراء الكبار لوصف حالته الراهنة

فلو يستطيع زوجك ان يقدم طلب على الاقل لمدة سنة استثنائي

وطالما هو في شركة فأعتقد أن هناك مرونة في النظام وليس مثل الهيئات الحكومية

وبعد ذلك يأتي في الاجازة بعد سنة ويعمل تمديد للاجازة وهكذا ..

اتمنى ان اكون افدتك والله يوفقكم

شاكرة تواصلك ودعائك فهذا مانملك الدعاء والتوكل على الله

ومثل ماتفضلت مازال الالحاح قائم عله يأتي بنتيجة ولكن كماتعلم قرب موعد الدراسة والله العالم ماذا يكتب لنا.....تشكر خيوعلى النصيحة ربي يوفقك

يابنات الي رايح معاها مرافق سؤالي المرافق سوا التحليل تبع الفيزاء
ولا لا
لان اخويه مارسلوله اوراق عشان يسوي تحاليل انا بس سويت وخايفه تكون التحاليل ضروريه ولازم لي ولاخوي

يعطيك العافية أخت sl.2...

بالنسبة لي أنا كمان أنتظر الفيزا وراح أحاول أحجز يوم 15-16/ماي ان شاء الله........ز

وبالنسبة للتجهيزات :
باقي أشياء كثير ما شريتها ومنها الشنطه...

وأبي أضيف على كلام sl.2 طبعا بعد إذنك
* الفرآن الكريم

* أوراق (الخبرات وتصديقها من الخارجية وخطاب من شركة التأمين يوضح تاريخك المروري وخطابات التوصية من الجامعة....)

* رخصة سواقه واللابتوب وجوال إحتياط ومحول كهرباء 110 الى 220 وأفياش تحويل للنظام الكندي وقاموس عربي انجليزي وسجاده مع بوصله ...

طبعا أي شي يتصور سوله تنزيل على الكمبيوتر وأرسلوه أو خزنوه في الإيميل عشان واين ماتروح تلاقي صوره من هذي الاوراق في ايميلك,,,,,,,,,,,,,

بالتوفيق للجميع
أخوكم
عبدالعزيز

حياكم الله جميعا ولمن أنظم إلينا...

وأسأل الله أن ييسر أمر كل متعثر وأن يزيل هم كل مهموم وأن يوفقنا في دراستنا ويردنا الى أهلنا سالمين إنه ولي ذلك وصلى الله على نبينا محمد,,,,,,,,